Luku 6:23 - Dɔnɔn kə̂ Siki: Tar kə̂ aw arə təbbə

²³ Arəje rɔse nəəlse ngaâ ə-talje ə-turuje kə rɔ-nəəl karɛ̂ tə̂ənn le, mba kuka ləse a bo nya mə dara tə̂, mba baann njaa tɔ â kadede ddaje kə njê-kilaje mbər tar lə Lubba.

Maketuru le Lubba ke tar kabba

²³ E-ddaje rɔ-nel ngaa e-talje e-turuje ke koko dɔ ndɔe teenn, mba kuka lese a bo nya me dara te, mba toke baann tɔ a kadede ddaje ke *nje-kilaje mber-tar le Lubba.

Luku 6:23 Iomraidhean Croise

Matiye 5:12

Ə-ddaje rɔ-nəəl, arəje rɔ-nəəl ləse uta dɔɛ̂, mba kuka ləse kə̂ darâ a bo nya. Njê-kilaje mbər tar lə Lubba kə̂ toje kete arəse kara, n̂-ddaje singa kə de tokə baann tɔ.»

Luku 1:41

Elijabɛtə oo ndu Mari kə̂ arɛ̂ nɛ̂n lapiya le a, ngonn kə̂ məɛ̂ tə̂ in njururu. Ndil-mə-nda ddusu Elijabɛtə,

Luku 1:44

Mba oo, ndui kə̂ arəm nɛ̂n lapiya le njaa moo a, ngonn kə̂ məm tə̂ in njururu kə rɔ-nəəl.

Luku 6:35

A maji karə ə-ndikije njê-baanje ləse, ə-ddaje maji, bbo arəje nɛ̂n dəw tunan a, undaje məse dɔ marə nɛ̂n tə̂ goe tə̂ ang. Baann bba kuka ləse a bo nya ngaâ â toje to ngann lə Nje-kisi ddutu dara tə̂. Mba Ne kə̂ ddutu dara tə̂ n̂-dda maji kə dəwje kə̂ arəje wooyo ndɔ kâra ang ddəm njê-mə-majangje ddəm.

Kulaje 14:10

Pɔl le pa kə singa nan: «In taar ar njarara dɔ gɔli tə̂!» Dəw le in taar bbatə ngaâ unn kutu nja.

Kulaje 3:8

Naal bbatə nar taar ngaâ n̂-nja. Nandə kə de kəy-polo Lubba tə̂ naw nja, naw tal n̂-turu nɔsu nɛ̂n gaji Lubba.

Kulaje 5:41

Njê-kaw-kulaje le inje lo gangə sariya tə̂ lə Jiipije le teeje ddaka kə rɔ-nəəl, mba Lubba oode to dəwje kə̂ asə karə dula kəmde ndoo tə̂ mba ri Jeju.

Rɔmɛnje 5:3

Dɔ ye tə̂ənn, mə nɛ̂n kəm-to-ndooje tə̂ kə̂ aw ingaje kara jaw ddaje rɔ-nəəl, mba n-gərəje to nɛ̂n kəm-to-ndoo aw dda arə jaw tɔje wurje.

2 Kɔrɛntinyɛje 12:10

Mba yeenn bba, rɔm nəələm nya mə karje tə̂ kə̂ singam goto, mə nɛ̂n-tajije tə̂, mə nɛ̂n-singaje tə̂, mə ndooje tə̂ kə̂ dəwje aw ulaje kəmʼm tə̂, mə nɛ̂n-bbəəlje tə̂ kə̂ aw ingamje ɔju dɔ Kristə. Mba, mə kar tə̂ kə̂ singam goto bba maw mubba singa.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

2 Timɔte 2:12

Bbo juwaje jarə ngəng a, ja kɔnje mbay saa tɔ. Bbo n-mbəteje a, ne njaa kara nâ mbətəje tɔ.

Ebərəje 11:26

Noo a, kə̂ ta karə dəwje tajɛ̂je tokə n̂-tajije Kristə to nɛ̂n-kinga kə̂ ngəng uta nɛ̂n-kingaje kə̂ Ejipitə. Mba nunda kəmɛ̂ njaa nyɔm kə dɔ kuka tə̂ kə̂ Lubba a kukɛ̂ ndɔ tə̂ kə̂ bara.

Ebərəje 11:6

Bbo dəw unn məɛ̂ ang a, ddəw kə̂ nâ nəəl nɛ̂n kəm Lubba tə̂ goto. Maji karə dəw kə̂ aw ddee ngɔsi kə Lubba gərə to Lubba to ngaâ naw nuka dəwje kə̂ aw sangɛ̂je.

Jakə 1:2

Ngakɔnʼmje, bbo nɛ̂nje dang dang nanse a, maji karə isije kə rɔ-nəəl.

1 Piyɛr 4:13

A maji karə ə-ddaje rɔ-nəəl, mba aw ooje ndoo kə Kristə, ta bbo ndɔ kə̂ ooje piti laa a, sese kara rɔse nəəlse nya.

Apokalisi 2:17

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ mann kə̂ to lo-kiyɛ̂ tə̂ ngaâ mâ karɛ̂ ər-nda kə̂ n̂-dda marə ri kə̂ siki dɔɛ̂ tə̂. To ri kə̂ dəw kâra gərə ang. Dəw kə̂ dunda ri le dɔɛ̂ tə̂ bba a gərə ri le.»

Apokalisi 2:26

Dəw kə̂ tətə ddɔ ngaâ dda kulaje ləm ndərəng ɔsu kɔnyɛ̂ a, mâ karə nɔn dɔ gəl-dəwje.

Apokalisi 2:7

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ kandə kakə kə̂ aw arə dəw təbbə karə nusa. Kakə le to mə paradis tə̂ lə Lubba.»

Apokalisi 21:7

Dəw kə̂ tətə ddɔ a, mâ karə nɛ̂njeenn le ddeeje to laa. Mâ to Lubba laa ngaâ nâ to ngonnəm.

Apokalisi 3:12

Dəw kə̂ tətə ddɔ a, mâ ddɛɛ̂ to kakə gaji mə kəy-polo Lubba tə̂ ləm ngaâ nâ tee ddaka ndɔ kâra ang ngaa. Mâ dda ri Lubba ləm kə ri bbe lə Lubba ləm dɔɛ̂ tə̂. Ri bbe lə Lubba ləm le nan «Jerujalɛm kə̂ siki» kə̂ in rɔ Lubba tə̂ ləm darâ ddisi kə nangə̂. Mâ kunda rim kə̂ siki dɔɛ̂ tə̂ tɔ.

Apokalisi 3:5

Yeenn a, dəwje kə̂ tətəje ddɔ a, dâ kulaje kubbuje kə̂ nda, mâ tuju ride makəturu təbbə tə̂ ndɔ kâra ang. Mâ pa nɔn bɔmje tə̂ kə nɔn anjəje tə̂ laa nan n̂-toje to dəwje ləm.