Luku 6:21 - Dɔnɔn kə̂ Siki: Tar kə̂ aw arə təbbə

²¹ Maji arəse, see njê kə̂ bbo aw ddase, mba məse a ndann! Maji arəse, see njê kə̂ aw nɔnje bbasinɛn, mba â kokoje!

Maketuru le Lubba ke tar kabba

²¹ Koko to lese, ese nje ke bbo aw ddase, mba mese a ndann! Koko to lese, ese nje ke aw e-nɔje bbasine, mba a kisije ke koko!

Luku 6:21 Iomraidhean Croise

Matiye 5:4

Maji arəse, see dəwje kə̂ aw nɔnje, mba Lubba a wul məse.

Matiye 5:6

Maji arəse, see dəwje kə̂ bbo nɛ̂n-dda kə̂ gatə gatə ddase nya, mba Lubba a karəse nɛ̂n kə̂ məse ndiki.

Luku 1:53

Narə nɛ̂n-kinga njê kə̂ bbo ddade ngaâ n̂-tubba njê-nɛ̂n-kingaje jide baa.

Luku 6:20

Jeju unn kəmɛ̂ aa nɛ̂n njê-njaje goe tə̂ ngaâ pa nan: «Maji arəse, see dangətəje, mba Bbe-kɔn lə Lubba to ləse!

Luku 6:22

Bbo dəwje mbətəse, dəwje tubbase, dəwje tajise ngaâ paje tar ləse maji ang mba Ngonn lə dəw a, Maji arəse!

Luku 6:25

To ndoo nya arəse, see dəwje kə̂ məse ndann bbokənɛn, mba bbo a ddase! To ndoo nya arəse, sese kə̂ aw kokoje bbokənɛn, mba nɛ̂n-mə-kɔn a ddase ngaâ maann-nɔn a ndəəyse!

Tar kə̂ Maji kə̂ Jan dda makəturu tə̂ 11:35

Jeju uru dɔ nɔn tə̂.

Tar kə̂ Maji kə̂ Jan dda makəturu tə̂ 4:10

Jeju ilɛ̂ tə̂ nan: «Bbo ə-gərə nɛ̂n kə̂ Lubba aw arə dəw ngaâ bbo ə-gərə dəw kə̂ aw duji maann-kay nəənn a, əi â, â duje maann-kay, ta nâ kari maann kə̂ aw arə təbbə.»

Tar kə̂ Maji kə̂ Jan dda makəturu tə̂ 6:35

Jeju pa arəde nan: «Əman, m-to mapa kə̂ aw arə təbbə dəw. Dəw kə̂ ddee rɔm tə̂ a, bbo a ddɛɛ̂ ndɔ kâra ang. Dəw kə̂ unn məɛ̂ arəm a, kunda maann a kɔɛ̂n ndɔ kâra ang.

1 Kɔrɛntinyɛje 4:11

Ndərəng kar tə̂ nəənn, bbo aw ddaje, kunda aw ɔnje, kubbu aw goto rɔje tə̂, dəwje aw ddajeje maji ang, jaw nja taar jəm jəm,

2 Kɔrɛntinyɛje 11:27

Maw dda kulaje kə̂ aw ɔru singam. Nya njaa bbi ɔru kəm ang. Bbo nɛ̂n-kusa kə kunda maann aw tɔləm. Nya njaa maw mɔku rɔm nɛ̂n-kusa mba duju Lubba. Kul tɔləm ddəm kubbu dum ddəm.

2 Kɔrɛntinyɛje 12:10

Mba yeenn bba, rɔm nəələm nya mə karje tə̂ kə̂ singam goto, mə nɛ̂n-tajije tə̂, mə nɛ̂n-singaje tə̂, mə ndooje tə̂ kə̂ dəwje aw ulaje kəmʼm tə̂, mə nɛ̂n-bbəəlje tə̂ kə̂ aw ingamje ɔju dɔ Kristə. Mba, mə kar tə̂ kə̂ singam goto bba maw mubba singa.

2 Kɔrɛntinyɛje 6:10

Dəwje aw ddaje arə rɔje nəəlje ang, a jaw jisi kə rɔ-nəəl kə ndɔ tɔyn. Dəwje aw oojeje to njê-ndooje, a jaw dda jarə dəwje nya aw ddeeje to njê-nɛ̂n-kingaje. Dəwje oojeje to marə nɛ̂n ləje goto, a jee kə nɛ̂n tɔyn.

Jakə 1:12

Maji arə dəw kə̂ ore wure mə nɛ̂n-nanje tə̂ dang dang, mba bbo n̂-nɛɛ̂n doo ngaâ nasə a, nâ kinga kuka. Kuka le kə̂ to təbbə kə̂ Əbbə-dəwje unn ndue ta karə dəwje kə̂ ndikeje.

Apokalisi 21:3

Moo ndu bbar kə singa ngende-mbay tə̂ le nan: «Bbasinɛn, kəy lə Lubba to horo dəwje tə̂ ngaa. Nâ dda bbe kə̂ de ngaâ dâ toje to dəwje laa. Ne Lubba njaa nâ kisi kə de ngaâ nâ to Lubba ləde.

Apokalisi 7:16

Bbo a ddade ang ngaa ddəm kunda a kɔnde ang ngaa ddəm. Kar a kɔsude ang ngaa ddəm lo a tungade ang ngaa ddəm.