Luku 5:38 - Dɔnɔn kə̂ Siki: Tar kə̂ aw arə təbbə

³⁸ To maji ta kungu bɛn kə̂ n̂-dda siki bbay mə ku-əndaar tə̂ kə̂ siki tɔ.

Maketuru le Lubba ke tar kabba

³⁸ To maji ta kungu ben ke siki me ku-gaal te ke siki tɔ.

Luku 5:38 Iomraidhean Croise

Matiye 9:17

Dəw a kungu bɛn kə̂ n̂-dda siki bbay mə ku-əndaarje tə̂ kə̂ to konnɛ̂ ang. Baann ang a, kuje le a kujaje ta bɛn le a kula kɔrɔ̂ ngaâ kuje le kara a tujuje nyɔm tɔ. Kuje kə̂ siki â daw dungu bɛn kə̂ n̂-dda tokə siki məɛ tə̂. Baann bba bɛn le ddəm kuje le ddəm a naynje kə majɛ̂.»

Luku 5:37

Ddəm, ndɔ kâra dəw a kungu bɛn kə̂ n̂-dda siki bbay mə ku-əndaarje tə̂ kə̂ to konn nɛ̂n ang. Baann ang a, bɛn kə̂ siki le a dda karə kuje le ujaje. Bɛn le a kula kɔrɔ̂ ngaâ kuje le a tujuje nyɔm.

Luku 5:39

Ddəm, bbo dəw ay bɛn kə̂ n̂-dda kure əw a, nâ ndiki ta kay ye kə̂ n̂-dda bbasinɛn bbay ang. Mba nâ pa nan: Ye kə̂ kure əw â maji.»

2 Kɔrɛntinyɛje 5:17

Mba yeenn bba, bbo dəw dda mə-kâra kə Kristə a, dəw le ddee to dəw kə̂ n̂-ddɛɛ̂ tokə siki ngaa. Nɛ̂nje kə̂ ləw ndayje mban, a ooje: Nɛ̂n kə̂ siki ddee ngaa.

Galatəje 2:4

A marə ngakɔnje kə̂ tɔkɔrɔ ang dujuje karə nuja ganja bba. To dede kə̂ dandəje horoje tə̂ hɔy baa. N̂-ddeeje horoje tə̂ ta tənn kisi ləje go bbərə tə̂ kə̂ n-tee kɔɛ tə̂ kə ddang ddəw tə̂ lə Jeju-Kristə le koo. N̂-ndikije ta təl kə je kɔ bbərə tə̂ le guku.

1 Timɔte 4:8

Kunn rɔ kila ndam-singa tə̂ to nɛ̂n kə̂ dda maji njaa, a dda maji ddəw nɛ̂nje tə̂ nya ang. A kunn rɔ karə Lubba to nɛ̂n kə̂ dda maji ddəw nɛ̂nje tə̂ tɔyn. Kunn rɔ karə Lubba le ndu-kunn mba kisi nɛ̂n kə təbbə kə̂ to ndɔ tə̂ kə̂ bbokonɛn ddəm ndɔ tə̂ kə̂ aw ddee ddəm to tə̂.

Apokalisi 21:5

Ngaâ dəw kə̂ isi ngende-mbay tə̂ le pa nan: «Oo! M-dda nɛ̂nje tɔyn tokə siki ngaa.» N̂-pa nan: «Uja tarje nəənn makəturu tə̂. Mba tarje ləm to tarje kə̂ tɔkɔrɔ ngaâ asəje karə dəw unda məɛ̂ dɔɛ tə̂.»