Luku 5:32 - Dɔnɔn kə̂ Siki: Tar kə̂ aw arə təbbə

³² Dəwje kə̂ gatə gatə â m-ddee ta bbarde ang. Njê-nɛ̂n-ddaje kə̂ maji ang â m-ddee ta bbarde karə n̂-turuje məde.»

Maketuru le Lubba ke tar kabba

³² M-ddee mba bbar dewje ke to gate gate ang, m-ddee mba bbar nje-ne-ddaje ke maji ang ta kare n̂-turuje ddew lede.»

Luku 5:32 Iomraidhean Croise

Matiye 18:10

«Aaje kə majɛ̂! Dang bba ə-yabbəje marə dəw kâra horo dəwje tə̂ kə̂ tɛn nəənn ang. M-pa marəse, anjəje ləde aw arje kə ndɔ tɔyn nɔn Bɔmje tə̂ darâ. [

Matiye 9:13

Yeenn a, maji karə awje aw sangəje ta gərə kandə tar kə̂ Lubba pa nəənn. Tar le nan: «Koo kəm-to-ndoo lə naan â m-ndiki bbo nɛ̂n-polo â m-ndiki ang. Mba dəwje kə̂ gatə gatə â m-ddee ta bbarde ang. M-ddee mba njê-nɛ̂n-ddaje kə̂ maji ang.»

Marke 15:10

Mba Pilatə gərə kə majɛ̂ to mə â mbayje lə njê-poloje Lubba undaje kə Jeju bba uwɛ̂je ulɛ̂je jia tə̂ nəənn.

Marke 15:7

A marə dəw kə̂ ria nan Barabas ee kəy-kula tə̂, ne de kə marə dəwje kə̂ tɔlje dəw dɔ ndɔ tə̂ kə̂ n̂-ddaje nɛ̂n dɔ-ngəng kə njê-kɔn-bbeje.

Marke 2:17

Jeju oo tar ləde le ngaâ pa nan: «Dəwje kə̂ rɔde to kə majɛ̂ aw ndikije ta koo nje-karə-kuman ang. Dəwje kə̂ rɔde tode bba. Dəwje kə̂ gatə gatə â m-ddee ta bbarde ang. M-ddee mba njê-nɛ̂n-ddaje kə̂ maji ang.»

Luku 15:10

M-pa marəse, to ddəw kâra baa, rɔ-nəəl to nya horo anjəje tə̂ lə Lubba mba nje-nɛ̂n-dda kə̂ maji ang kâra kə̂ turu məɛ̂.»

Luku 15:7

M-pa marəse, to ddəw kâra baa: rɔ-nəəl kə̂ a to darâ mba nje-nɛ̂n-dda kə̂ maji ang kâra kə̂ turu məɛ̂. Rɔ-nəəl le a kuta rɔ-nəəl kə̂ to mba dəwje kə̂ dɔjikara gire jikara kə̂ toje gatə gatə mban arə to tar ləde ta turu məde ang ngaa le.»

Luku 19:10

Mba Ngonn lə dəw ddee ta sangə dəwje kə̂ naynje kə kɔrɔ̂ mba kajide.»

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Luku 5:31

Jeju ilade tə̂ nan: «Dəwje kə̂ rɔde to kə majɛ̂ aw ndikije ta koo nje-karə-kuman ang, dəwje kə̂ rɔde tode bba.

Luku 5:33

Parijinyɛje paje arə Jeju nan: «Njê-njaje go Jan tə̂ ddəw kâra baa kə njê-njaje goje tə̂ aw ɔkuje rɔde nɛ̂n-kusa marə ndɔje tə̂ ngaâ aw dujuje Lubba, a njê-njaje goi tə̂ aw usaje nɛ̂n ddəm aw ayje nɛ̂n ddəm.»

Kulaje 17:30

Kar kə̂ dəwje gərəje tar kə̂ tɔkɔrɔ ang bbay le. Lubba oo to nɛ̂n ang. A bbasinɛn naw bbar dəwje tɔyn kə̂ isije loje tə̂ tɔyn karə n̂-turu məde.

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Kulaje 20:21

Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Kulaje 3:19

Yeenn a, maji karə ə-turuje məse ta ə-təlje rɔ Lubba tə̂. Baann bba nâ toko majangje ləse

Kulaje 3:26

Sese â Lubba unn Nje-kula laa dɔngɔr ulɛ̂ karə n̂-bbar Tar kə̂ Maji dɔse tə̂, karə nɔruse kâra kâra tɔyn mə nɛ̂n-ddaje tə̂ ləse kə̂ maji ang.»

Kulaje 5:31

Lubba le unnɛ̂ undɛ̂ dɔ ji-kɔlɛ̂ tə̂ to mbay ddəm Nje-kaji-dəwje ddəm. Baann bba karə ngann Ijarayɛlje ingaje ddəw ta turu məde ddəm karə tar majang ləde ɔru dɔde tə̂ ddəm.

2 Piyɛr 3:9

Marə dəwje aw paje nan Əbbə-dəwje aw tila nya bba ta dda nɛ̂n kə̂ nunn ndue ta dda le. A nɛ̂ɛnn to tokə baann ang. Naw tɔ wure mbase, mba n̂-ndiki ta karə dəw kâra nayn kə kɔrɔ̂ ang. N̂-ndiki ta karə dəwje tɔyn njaa turuje ddəw ləde.