Luku 4:41 - Dɔnɔn kə̂ Siki: Tar kə̂ aw arə təbbə

⁴¹ Ndilje kə̂ maji ang teeje rɔ dəwje tə̂ nya kə ddang. Ndilje le uruje əkii nan: «Ə-to Ngonn lə Lubba!» A nin kə de ngaâ nɔkude karə n̂-paje tar, mba ndilje le gərəje to n̂-to Kristə le.

Maketuru le Lubba ke tar kabba

⁴¹ Ndilje ke maji ang teeje rɔ dewje te ke banya banya, ndilje le uruje eki paje na: « E-to Ngonn le Lubba!» A nin ke de ngaa narede ddew kare n̂-paje tar ang, mba ndilje le gereje to, n̂-to Kiriste. Jeju tɔju Tar ke Maji nange te ke Jude.

Luku 4:41 Iomraidhean Croise

Matiye 26:63

A Jeju pa tar ang. Yeenn ngaâ tɔkə nje-polo Lubba pa arɛ̂ nan: «M-duji kə ri Lubba kə̂ nje-kisi kəm baa karə ila tar tə̂ nəənn: Ə-to Kristə, Ngonn lə Lubba wa?»

Matiye 4:3

Əsu ddee ngɔsi saa ngaâ pa nan: «Bbo ə-to Ngonn lə Lubba a, unn ndu arə ərje nəənn təlje nɛ̂n-kusa.»

Matiye 8:16

Lo-kul a, n̂-ddee kə dəwje nya nya kə̂ ndilje kə̂ maji ang toje məde tə̂ rɔ Jeju tə̂. Tar kə̂ ta Jeju tə̂ njaa tubba nɛ̂n ndilje kə̂ maji ang le ngaâ aji njê-rɔ-toje le tɔyn.

Matiye 8:29

Duruje əkii nan: «Ngonn lə Lubba, ddi â osoi tə̂ wa? Ə-ddee ta kula kəmje ndoo tə̂ kete bba karə ndɔɛ̂ kə̂ Lubba ɔju le asə wa?»

Matiye 8:4

Jeju pa arɛ̂ nan: «Oo kə majɛ̂, ə-pa tarɛ̂ arə dəw ang. A, aw tɔju rɔi arə nje-polo Lubba, ta arə nɛ̂n-polo kə̂ Ndu lə Mɔyijə pa le, mba kɔru nɛ̂n naji ləi karəde.»

Marke 1:25

Jeju ndangə ndil kə̂ maji ang le, nunn ndu narɛ̂ nan: «Utu tai bbo ə-tee rɔ dingaw tə̂ nəənn kə ddang.»

Marke 1:32

Lo-kul tə̂ kə̂ kar andə a, dəwje otoje njê-rɔ-toje tɔyn kə njê kə̂ ndilje kə̂ maji ang toje məde tə̂ ddeeje kə de rɔ Jeju tə̂.

Marke 1:34

Jeju aji njê-rɔ-toje nya nya ngaâ tubba ndilje kə̂ maji ang rɔ marɛ̂je tə̂. A ninya ddəw narə ndilje le n̂-paje tar ang, mba ndilje le gəreje kə majɛ̂.

Marke 3:11

Njê kə̂ ndilje kə̂ maji ang aw ddade ooeje a, n̂-teeje dosoje nangə̂ nɔn gɔlɛ̂ tə̂ ngaâ duruje əkii nan: «Ə-to Ngonn lə Lubba.»

Luku 4:39

N̂-bbunga kə dɔ dɛnɛ̂n tə̂ le, nin kə rɔ-to le ngaâ rɔ-to le inya dɛnɛ̂n le. Kar tə̂ənn njaa, dɛnɛ̂n le in taar unn kutu karəde nɛ̂n-kusa.

Tar kə̂ Maji kə̂ Jan dda makəturu tə̂ 20:31

A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Jakə 2:19

Ə-ndiki tə̂ to Lubba to kâra baa, yeenn maji, a ndilje kə̂ maji ang njaa kara ndikije tə̂ tokə baann tɔ ngaâ disaje kə bbəəl.