Luku 4:25 - Dɔnɔn kə̂ Siki: Tar kə̂ aw arə təbbə

²⁵ M-pa tar kə̂ tɔkɔrɔ marəse: Bbal kə̂ Eli to nje-kila mbər tar lə Lubba, kəm dara utu arə ndi ərə ang bbal mota kə nɛyn misan, tɔkə bbo oso dɔ nangə tə̂ le tɔyn. Bbalɛ̂ tə̂ənn le dɛnɛ̂n-ndubbaje banyaje nya nangə tə̂ kə̂ Ijarayɛl njaa.

Maketuru le Lubba ke tar kabba

²⁵ M-pa tar ke tɔkɔrɔ marese: Bbal ke Eli to *nje-kila mber-tar le Lubba, bba ndi ere ang bbal muta ke neyn misan, are bbo oso dɔ nange te tɔyn. Bbale teenn dene-ndubbaje bakaje nya nange te ke Ijarayel.

Luku 4:25 Iomraidhean Croise

Matiye 20:15

Mee kə ddəw ta dda nɛ̂n kə̂ məm ndiki kə narɛ ləm ang wa? Wase aw aam kə kəm kə̂ maji ang mba maji ləm le wa?› »

Luku 10:21

Mə kar tə̂ənn njaa, Ndil-mə-nda arə rɔ-nəəl uta dɔ Jeju ngaâ pa nan: «Mɔsu gajii Bɔy, Əbbə-dəwje, əi kə̂ ɔn dɔ dara ddəm nangə ddəm mba iya nɛ̂nje nəənn le njê-kəm-karɛje ddəm njê-nɛ̂n-gərəje ddəm. A ə-tɔju nɛ̂njeenn le dəwje kə̂ toje to dəwje kə̂ ngaji baa. Tɔkɔrɔ, Bɔy, mba əi njaa ə-ndiki karə to tokə baann.

Rɔmɛnje 9:15

Mba Lubba pa arə Mɔyijə nan: «Maw moo kəm-to-ndoo lə dəw kə̂ m-ndiki ta koo kəm-to-ndoo laa, ngaâ maw dda mə-maji kə dəw kə̂ m-ndiki ta dda saa mə-maji.»

Rɔmɛnje 9:20

Əi, ə-to nân bba a kasə ta mayn tar kə Lubba wa? Jo kə̂ dubba to kubba a kasə ta pa karə nje-kubbɛ̂ le nan: «Mba ddi bba ubbam tokə be wa?» Baann ang.

Epɛjinyɛje 1:11

Ddəw mə-kâra tə̂ kə̂ n-ddaje kə Kristə le jinga nɛ̂n kə̂ to ɔju dɔje. Mba Lubba mbərəje kete, ne njaa n̂-gɔl tokə baann. Naw dda nɛ̂nje tɔyn kə turu ndue tokə məɛ̂ ndiki.

Epɛjinyɛje 1:9

Narə n-gərə nɛ̂n kə̂ nayn lo-kiyɛ̂ tə̂ kə̂ n̂-gɔl ta dda kə mə-maji laa njaa baa le ddəw tə̂ lə Kristə.

Jakə 5:17

Eli to dəw tokə jeje tɔ, a n̂-duju Lubba ngəng karə ta ndi ərə ang ngaâ ndi le ərə dɔ nangə tə̂ ang bbal mota kə nɛyn misan.

Apokalisi 11:6

Deeje kə singa ta kutu kəm dara karə ndi ərə ang mə ndɔje tə̂ kə̂ daw dilaje nɛ̂n mbər tar lə Lubba. Deeje kə singa ta dda karə maannje təlje to məsə ngaâ ta dda karə nɛ̂n kəm-to-ndooje dang dang osoje dɔ nangə tə̂ tokə məde ndiki.