Luku 4:23 - Dɔnɔn kə̂ Siki: Tar kə̂ aw arə təbbə

²³ Jeju pa arəde nan: «A du ang, â paje kɔn-tar nəənn karəm: Nje-kaji njê-rɔ-toje, əi njaa aji rɔ-to ləi. Nɛ̂nje tɔyn kə̂ ə-dda bbe tə̂ kə̂ Kapɛrnawum kə̂ joo tarɛ̂ le, ə-dda bbeê ləi nəənn tɔ.»

Maketuru le Lubba ke tar kabba

²³ Jeju pa arede na: « A du ang, a paje kɔn̂-tar neenn karemje: Nje-kɔru rɔ-to rɔ dewje te, ei njaa ɔru rɔ-to rɔi te. Neje tɔyn ke e-dda Kapernayum a joo tare le, e-dda bbe lei neenn tɔ.»

Luku 4:23 Iomraidhean Croise

Matiye 13:54

Naw bbeê laa Najarɛtə ngaâ nunn kutu tɔju nɛ̂n dəwje mə kəy mbɔn-naanje tə̂ ləde. Nɛ̂n-tɔju laa le dum dɔde ngaâ n̂-paje nan: «Ninga nɛ̂n-gərə nəənn dda wa? Ninga singa dda nɛ̂n-mɔrije nəənn dda wa?

Matiye 4:13

Ninya Najarɛtə a naw nisi Kapɛrnawum kar tɔkə dangə maann tə̂, nangə tə̂ kə̂ Jabulɔn kə Nepetali.

Matiye 4:23

Jeju nja nangə tə̂ kə̂ Galile tɔyn. Naw tɔju nɛ̂n dəwje mə kəy mbɔn-naanje tə̂ lə Jiipije kə̂ nangə tə̂ənn ngaâ nila mbər Tar kə̂ Maji kə̂ dɔ Bbe-kɔn tə̂ lə Lubba. Naji njê-rɔ-toje tɔyn ngaâ naji njê kə̂ dəbbə rɔde tuju narə rɔde le təl ddee maji.

Marke 6:1

Jeju ɔtu lo tə̂ənn təl bbeê laa Najarɛtə. Njê-njaje goe tə̂ ɔruje goe.

Luku 2:39

Jojɛpə de kə Mari n̂-ddaje nɛ̂n tɔyn kə̂ Ndu lə Əbbə-dəwje pa le ngaâ n̂-təlje lo-kiside tə̂ Najarɛtə nangə tə̂ kə̂ Galile.

Luku 2:51

Goe tə̂ a, n̂-tee naw kə de Najarɛtə. Noo tade. Kɔɛ̂nje ngəm nɛ̂njeenn tɔyn məɛ̂ tə̂.

Luku 4:16

Jeju aw Najarɛtə bbe tə̂ kə̂ n̂-ngəmɛ̂ tə̂. Naw kəy mbɔn-naan tə̂ lə Jiipije ndɔ-kuwa-rɔ tə̂ ləde, tokə naw dda kə ndɔ tɔyn le. Nin taar ta tura Makəturu

Luku 4:31

Jeju aw bbe tə̂ kə̂ Kapɛrnawum, nangə tə̂ kə̂ Galile aw tɔju nɛ̂n dəwje ndɔ-kuwa-rɔ tə̂ lə Jiipije

Luku 4:35

Jeju ndangə ndil le pa nan: «Utu tai bbo ə-tee rɔ dingaw tə̂ nəənn kə ddang.» Ndil kə̂ maji ang le unn dingaw le ilɛ̂ nangə̂ kəm dəwje tə̂ ngaâ tee kə ddang, a nɛ̂n kə̂ maji ang kâra njaa ndil le dda kə dingaw le ang.

Luku 6:42

Wase, əi kə̂ oo tɔkə kakə kə̂ to kəmi tə̂ ang, â kasə pa karə ngokɔin nan ‹Arə mɔru mu kə̂ kəmi tə̂› tokə baann wa? Nje-ngəm, ɔru tɔkə kakə kə̂ to kəmi tə̂ dɔngɔr bba â koo lo kə majɛ̂ ta kɔru nɛ̂n mu kə̂ to kəm ngokɔin tə̂.»

Tar kə̂ Maji kə̂ Jan dda makəturu tə̂ 4:28

Yeenn ngaâ dɛnɛ̂n le inya jo-maann laa a təl aw mə tɔkə bbe tə̂ ngaâ pa arə dəwje nan:

2 Kɔrɛntinyɛje 5:16

Mba yeenn bba, bbasinɛn nəənn jaw joo dəw kə kəm kə̂ to dang kə kəm kə̂ jooe nɛ̂n ddəw da-rɔ tə̂ ngaa. Bbo ləw, jaw joo Kristə ddəw da-rɔ tə̂ a, bbasinɛn nəənn, jaw jooe tokə baann ang ngaa.