Luku 4:18 - Dɔnɔn kə̂ Siki: Tar kə̂ aw arə təbbə

¹⁸ «Ndil lə Əbbə-dəwje to dɔm tə̂, mba nungu ubbu dɔm tə̂ karə mila mbər Tar kə̂ Maji marə njê-ndooje. Nulam karə m-pa marə bbərəje to dâ teeje kɔ bbərə tə̂, karə m-pa marə njê-kəm-tɔje to dâ təlje kooje lo, nulam karə mɔru dəwje ndoo tə̂ kə ddang.

Maketuru le Lubba ke tar kabba

¹⁸ « Ndil le *Ebbe-dewje to dɔm te, mba nungu wubbu dɔm te kare mila mber-Tar ke Maji mare nje-ndooje. Nulam kare m-ndaji mare bbereje tar tee lede bbe bbere te ke nje-kem-tɔje to da telje kooje lo, dewje ke dulaje kemde ndoo a teeje kɔ bbere te.

Luku 4:18 Iomraidhean Croise

Matiye 11:5

Ə-paje nan: ‹Njê-kəm-tɔje ooje lo, njê-gɔl-gotoje njaje, banji lə dəwje goto rɔde tə̂ kə ddang, njê-mbi-kutuje ooje tar, dəwje kə̂ oyje ndolje ngaâ njê-ndooje ooje Tar kə̂ Maji.›

Matiye 12:18

«Lubba pa nan: Ne nəənn â n̂-to Nje-kula ləm kə̂ m-mbəre. Ne kə̂ m-ndike nya ngaâ minga rɔ-nəəl mbɛɛ̂. Mâ karə Ndil ləm isi dɔɛ̂ tə̂, karə nila mbər nɛ̂n-dda kə̂ gatə gatə narə dəwje kə̂ toje to Jiipije ang.

Matiye 12:20

Mu kə̂ dunda nangə̂ mban, nâ kuwa tətə ang. Puru kə̂ a ta koy, nâ tɔl ang. Nâ dda nɛ̂n tokə baann ndərəng karə nɛ̂n-dda kə̂ gatə gatə uta dɔ lo

Matiye 4:16

Dəwje kə̂ isije dann lo ndul tə̂, ooje tɔkə lo-karɛ kə̂ aw ndoko. Ngaâ lo arɛ dɔ dəwje tə̂ kə̂ isije nangə yo tə̂ kə̂ lo ndul kə tə̂.»

Matiye 5:3

«Maji arəse, see dəwje kə̂ ə-gərəje to nɛ̂n ndil duse, mba Bbe-kɔn kə̂ darâ to ləse.

Luku 4:17

ngaâ darɛ̂ makəturu lə Ejayi kə̂ to nje-kila mbər tar lə Lubba. N̂-təəyn makəturu le ngaâ ninga lo kə̂ n̂-dda tə̂ nan:

Luku 6:20

Jeju unn kəmɛ̂ aa nɛ̂n njê-njaje goe tə̂ ngaâ pa nan: «Maji arəse, see dangətəje, mba Bbe-kɔn lə Lubba to ləse!

Luku 7:22

Goe tə̂ a, n̂-pa narə njê-njaje go Jan tə̂ le nan: «Aw paje nɛ̂n kə̂ ooje kə kəmse ddəm kə mbise ddəm le arəje Jan. Ə-paje nan: ‹Njê-kəm-tɔje ooje lo, njê-gɔl-gotoje njaje, banji lə dəwje goto rɔde tə̂ kə ddang, njê-mbi-kutuje ooje tar, dəwje kə̂ oyje ndolje ngaâ njê-ndooje ooje Tar kə̂ Maji.›

Tar kə̂ Maji kə̂ Jan dda makəturu tə̂ 1:41

Dəw kə̂ dɔngɔr kə̂ Andere le ingɛ̂ to ngokɔɛ̂n Simɔn ngaâ n̂-pa narɛ̂ nan: «Jinga Mesi.» Kandə ri le nan: «Kristə.»

Tar kə̂ Maji kə̂ Jan dda makəturu tə̂ 12:46

Əman, m-to lo-karɛ, m-ddee dɔ nangə tə̂ karə dəw kə̂ unn məɛ̂ arəm a, nayn lo ndul tə̂ ang.

Tar kə̂ Maji kə̂ Jan dda makəturu tə̂ 3:34

Dəw kə̂ Lubba ulɛ̂ aw pa tarje lə Lubba, mba Lubba aw arɛ̂ Ndil arə dduse.

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Kulaje 4:26

Njê-kɔn-bbeje tɔyn kə̂ nangə̂ nəənn gɔlje rɔde ta dda ddɔ ngaâ tɔkə mbayje mbɔnje naan ta mbətə Əbbə-dəwje ddəm Kristə laa ddəm.›

Kulaje 4:27

«Tɔkɔrɔ njaa, Erodə de kə Pɔnsə Pilatə n̂-mbɔnje naan mə bbe tə̂ nəənn kə dəwje kə̂ gəlde to dang ddəm dəwje kə̂ Ijarayɛl ddəm mba mbətə nɛ̂n Jeju kə̂ to nje-kula ləi kə̂ undɛ̂ dang to Kristə le.

Kolosinyɛje 1:13

N̂-tee kə je kɔ singa tə̂ lə mbay kə̂ lo ndul tə̂ kə ddang ngaâ naw kə je mə Bbe-kɔn tə̂ lə Ngonnɛ̂ kə̂ n̂-ndike nya.

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.