Luku 4:16 - Dɔnɔn kə̂ Siki: Tar kə̂ aw arə təbbə

¹⁶ Jeju aw Najarɛtə bbe tə̂ kə̂ n̂-ngəmɛ̂ tə̂. Naw kəy mbɔn-naan tə̂ lə Jiipije ndɔ-kuwa-rɔ tə̂ ləde, tokə naw dda kə ndɔ tɔyn le. Nin taar ta tura Makəturu

Maketuru le Lubba ke tar kabba

¹⁶ Jeju aw Najarete bbe te ke n̂-ngeme ke te. Naw key-mbɔn naa te le *Jiipije ke *ndɔ-kuwa-rɔ, toke naw n̂-dda ke *ndɔ-kuwa-rɔje tɔyn. Nin taar ta tura Maketurua,

Luku 4:16 Iomraidhean Croise

Matiye 2:23

Naw ngaâ n̂-dda bbe kə̂ Najarɛtə. Yeenn bba karə tar kə̂ njê-kilaje mbər tar lə Lubba paje le ddee to tar kə̂ tɔkɔrɔ. Tar le nan: «Dâ bbarɛ̂ to dəw kə̂ Najarɛtə.»

Luku 2:39

Jojɛpə de kə Mari n̂-ddaje nɛ̂n tɔyn kə̂ Ndu lə Əbbə-dəwje pa le ngaâ n̂-təlje lo-kiside tə̂ Najarɛtə nangə tə̂ kə̂ Galile.

Luku 2:42

Bbal Jeju asə dɔku gire joo a, dawje saa kusu tə̂ le, tokə Jiipije aw ddaje kə bbal tɔyn.

Luku 2:51

Goe tə̂ a, n̂-tee naw kə de Najarɛtə. Noo tade. Kɔɛ̂nje ngəm nɛ̂njeenn tɔyn məɛ̂ tə̂.

Luku 4:15

Naw tɔju nɛ̂n mə kəy mbɔn-naanje tə̂ ləde ngaâ dəwje tɔyn ɔsuje gajɛ̂.

Luku 4:17

ngaâ darɛ̂ makəturu lə Ejayi kə̂ to nje-kila mbər tar lə Lubba. N̂-təəyn makəturu le ngaâ ninga lo kə̂ n̂-dda tə̂ nan:

Luku 4:21

N̂-pa narəde nan: «Bbokənɛn, tar kə̂ Makəturu tə̂ kə̂ ooje kə mbise nəənn, ddee to nɛ̂n kə̂ tɔkɔrɔ ngaa.»

Luku 4:23

Jeju pa arəde nan: «A du ang, â paje kɔn-tar nəənn karəm: Nje-kaji njê-rɔ-toje, əi njaa aji rɔ-to ləi. Nɛ̂nje tɔyn kə̂ ə-dda bbe tə̂ kə̂ Kapɛrnawum kə̂ joo tarɛ̂ le, ə-dda bbeê ləi nəənn tɔ.»

Tar kə̂ Maji kə̂ Jan dda makəturu tə̂ 18:20

Jeju ilɛ̂ tə̂ nan: «M-pa tar kə ddaka marə dəwje kə̂ duninya tə̂ tɔyn. M-tɔju nɛ̂n kə ndɔ tɔyn mə kəy mbɔn-naanje tə̂ kə mə kəy-polo Lubba tə̂ kə̂ Jiipije tɔyn aw mbɔnje naan tə̂. M-pa marə tar lo-kiyɛ̂ tə̂ ang.

Kulaje 17:2

Pɔl aw rɔ Jiipije tə̂ tokə naw dda kə ndɔ tɔyn. N̂-mayn tar kə de dɔ makəturu tə̂ lə Lubba asə ndɔ-kuwa-rɔ mota.