Luku 3:22 - Dɔnɔn kə̂ Siki: Tar kə̂ aw arə təbbə

²² ngaâ Ndil-mə-nda unn da-rɔ tokə lə dər ddisi dɔɛ̂ tə̂. Marə ndu in darâ nan: «Ə-to Ngonn ndiki ləm! Rɔm nəələm nya mbai.»

Maketuru le Lubba ke tar kabba

²² ngaa Ndil-me-nda ke unn da rɔ toke mare le der ddisi dɔe te. Ngaa mare ndu in darâ pa na: « E-to Ngonn̂-ndiki lem! Misi ke koko nya wɔju dɔi.»

Luku 3:22 Iomraidhean Croise

Matiye 12:18

«Lubba pa nan: Ne nəənn â n̂-to Nje-kula ləm kə̂ m-mbəre. Ne kə̂ m-ndike nya ngaâ minga rɔ-nəəl mbɛɛ̂. Mâ karə Ndil ləm isi dɔɛ̂ tə̂, karə nila mbər nɛ̂n-dda kə̂ gatə gatə narə dəwje kə̂ toje to Jiipije ang.

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Matiye 27:43

Nunda məɛ̂ dɔ Lubba tə̂ ngaâ n̂-pa nan n̂-to Ngonn lə Lubba. Bbo Lubba ndike a, maji karə najɛ̂ bbasinɛn nəənn.»

Matiye 3:13

Karɛ̂ tə̂ənn, Jeju in nangə tə̂ kə̂ Galile ddee rɔ Jan tə̂, ta maann tə̂ kə̂ Jurdɛn karə ddɛɛ̂ batɛm.

Matiye 3:16

Jeju inga batɛm ngaâ in maânn tee a, karɛ̂ tə̂ənn njaa ta dara təəyn. Noo Ndil lə Lubba kə̂ ddisi tokə lə dər ddee isi dɔɛ̂ tə̂.

Matiye 3:17

Marə ndu in mə dara tə̂ bbar nan: «Ne nəənn, n̂-to ngonnəm kə̂ m-ndike nya. Ne â n̂-dda narə rɔm nəələm nya.»

Marke 1:11

Marə ndu bbar mə dara tə̂ nan: «Ə-to ngonnəm kə̂ m-ndikii nya. Əi â minga rɔ-nəəl mbai.»

Marke 1:9

Karɛ̂ tə̂ənn, Jeju in Najarɛtə nangə tə̂ kə̂ Galile ddee ngaâ Jan ddɛɛ̂ batɛm maann Jurdɛn tə̂.

Marke 9:7

Mum ddee kiride ngaâ marə ndu bbar mə mum tə̂ le nan: «Dəw nəənn to Ngonnəm kə̂ m-ndike nya. Ooje tɛɛ̂!»

Luku 2:14

«Piti to lə Lubba darâ nu. Ngaâ mə-wul-lɔm to dɔ nangə tə̂, horo dəwje tə̂ kə̂ n̂-ndikide!»

Luku 4:21

N̂-pa narəde nan: «Bbokənɛn, tar kə̂ Makəturu tə̂ kə̂ ooje kə mbise nəənn, ddee to nɛ̂n kə̂ tɔkɔrɔ ngaa.»

Tar kə̂ Maji kə̂ Jan dda makəturu tə̂ 1:32

Jan pa tar-naji lə Jeju le nan: «Moo Ndil kə̂ in darâ ddisi tokə dər ngaâ isi dɔ Jeju tə̂.

Tar kə̂ Maji kə̂ Jan dda makəturu tə̂ 12:28

Bɔy, ɔsu gaji rii.» Yeenn ngaâ marə ndu bbar mə dara tə̂ nan: «Mɔsu gaji rim mban ngaâ mâ təl kɔsu bbay.»

Tar kə̂ Maji kə̂ Jan dda makəturu tə̂ 5:37

Ngaâ, Bɔ kə̂ ulam le njaa pa tar-naji ləm. A ooje ndue ndɔ kâra ang ddəm ooje kəmɛ̂ ndɔ kâra ang ddəm.

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kolosinyɛje 1:13

N̂-tee kə je kɔ singa tə̂ lə mbay kə̂ lo ndul tə̂ kə ddang ngaâ naw kə je mə Bbe-kɔn tə̂ lə Ngonnɛ̂ kə̂ n̂-ndike nya.

1 Piyɛr 2:4

Maji karə ə-ddeeje ngɔsi kə Əbbə-dəwje Jeju. N̂-to ər kə̂ to kəm baa kə̂ dəwje mbətəje, a Lubba mbərə ngaâ oo to nɛ̂n kə̂ ngəng nya kəmɛ̂ tə̂.