Luku 3:11 - Dɔnɔn kə̂ Siki: Tar kə̂ aw arə təbbə

¹¹ Nilade tə̂ nan: «Maji karə dəw kə̂ kubbu laa kə̂ taar ee joo a, unn kâra arə dəw kə̂ kubbu due, dəw kə̂ nɛ̂n-kusa laa to a, dda tokə baann tɔ.»

Maketuru le Lubba ke tar kabba

¹¹ N̂-tel ke tar narede na: « Maji kare dew ke ee ke kubbu ke taar joo a unn kara are dew ke kubbu due, a bbo dew ke ee ke ne-kusa a dda toke baann tɔ.»

Luku 3:11 Iomraidhean Croise

Matiye 25:40

Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›

Luku 11:41

Arəje nɛ̂nje kə̂ mə əngo tə̂ kə ka tə̂ le njê-ndooje, yeenn bba nɛ̂n a ddee to nɛ̂n-yərəw ang mbase.

Luku 18:22

Jeju oo tar laa le a, pa arɛ̂ nan: «Marə nɛ̂n kâra dui bbay. Ə-labbə nɛ̂nje tɔyn kə̂ inga ta ə-kayn narɛ̂ dangətəje a, â kinga nɛ̂n darâ. Goe tə̂ a, ə-ddee unn gom.»

Luku 19:8

A Jase ar nɔn Əbbə-dəwje tə̂ pa arɛ̂ nan: «Oo, Əbbə-dəwje, maw kayn nɛ̂n-kingaje ləm dannâ maw kayn njê-ndooje. A bbo m-taa narɛ lə dəw kə ddəwe ang a, mâ təl nɛ̂n karɛ̂ asə gɔl sɔ.»

Tar kə̂ Maji kə̂ Jan dda makəturu tə̂ 13:29

Judas â aw ngəm bbɔl narɛ. Yeenn bba marɛ̂je nya əjəje to Jeju duje karə naw ndoko nɛ̂nje mba karə n̂-ddaje nɛ̂n kusu. Wase ta karə naw narə nɛ̂n njê-ndooje.

Kulaje 10:2

Ne de kə njê kə̂ kəy laa tɔyn daw bbəəlje Lubba, naw numan Jiipije kə̂ toje to njê-ndooje ddəm naw duju Lubba kə kar tɔyn ddəm.

Kulaje 10:31

ngaâ pa nan: ‹Kɔrnɛy! Lubba oo duju kə̂ ə-duje ngaâ ole məɛ̂ dɔ nɛ̂nje tə̂ kə̂ aw arə njê-ndooje.

Kulaje 10:4

Kɔrnɛy le ɛɛ̂ kə kəm bbəəl ngaâ pa nan: «Əbbə-dəwje, nan ddi wa?» Anjə le pa arɛ̂ nan: «Lubba oo duju ləi kə kuman kə̂ aw uman njê-ndooje. Məɛ̂ oy dɔi ang.

Epɛjinyɛje 4:28

Maji karə nje-bboko inya bboko laa, a unn rɔɛ̂ dda kula kə jia mba kinga nɛ̂n kə ddəwe. Baann bba nâ kinga nɛ̂n mba kuman nɛ̂n njê kə̂ nɛ̂n dude.

1 Timɔte 6:17

Maji karə unn ndu arə njê-nɛ̂n-kingaje kə̂ bbokənɛn nəənn arə dɔsuje gaji rɔde baa ang. Maji karə dundaje məde kə dɔ nɛ̂n-kingaje tə̂ ang, mba to nɛ̂nje kə̂ a ndayje. A maji karə dundaje məde dɔ Lubba tə̂ kə̂ aw arəje nɛ̂n tɔyn arə uta dɔɛ̂ karə jisi nɛ̂n kə majɛ̂.

1 Timɔte 6:18

Maji karə ə-pa arə n̂-ddaje maji, n̂-ddaje kula kə̂ maji nya, arə dɔsuje ngar kə mə-kâra ngaâ n̂-kaynje dəwje dəbbə nɛ̂n-kingaje ləde.

Ebərəje 6:10

Lubba to gatə gatə ang bba məɛ̂ a koy dɔ nɛ̂nje kə̂ aw ddaje le ang ddəm ndiki kə̂ ə-ndikeje le ang ddəm. Ə-tɔjuje ndiki ləse le ddəw maji tə̂ kə̂ ə-ddaje kə kəsə njê-mə-kunnje ləw ngaâ ə-naynje aw ddaje bbay bbasinɛn le.

Jakə 1:27

Kə̂ kəm Lubba tə̂ kə̂ to Bɔjeje, dda kə Lubba tɔkɔrɔ tə̂ kə̂ nɛ̂n-yərəw ɔru ang, to kaw koo ngann-ndubbaje kə dɛnɛ̂n-ndubbaje lo-kisi ndoo tə̂ ləde ngaâ ta ngəm-rɔ ddəw kula yərəwje tə̂ kə̂ dɔ nangə tə̂ tɔ.

Jakə 2:14

Ngakɔnʼmje, bbo marə dəw pa nan: «Mə-kunn ləm to», â bbo n̂-dda kulɛ̂ ang a, ddi â mə-kunn le a dda karɛ̂ wa? Mə-kunn kə̂ baann asə ta kaji dəw wa?

1 Jan 3:17

Bbo dəw inga nɛ̂nje kə̂ dɔ nangə tə̂ nəənn ngaâ gərə to nɛ̂n du ngokɔɛ̂n, a numɛ̂n ang a, dəw le a pa nan n̂-ndiki Lubba tokə baânn wa?

1 Jan 4:20

Bbo marə dəw pa nan: «M-ndiki Lubba», a n̂-mbətə ngokɔɛ̂n a, n̂-to nje-ngəm. Bbo dəw mbətə ngokɔɛ̂n kə̂ naw nooe a, nâ kasə ndiki Lubba kə̂ nooe ang tokə baann wa?