Luku 24:45 - Dɔnɔn kə̂ Siki: Tar kə̂ aw arə təbbə

⁴⁵ Yeenn ngaâ n̂-təəyn nɛ̂n-gərə ləde narə n̂-gərəje nɛ̂nje kə̂ Makəturu lə Lubba pa le.

Maketuru le Lubba ke tar kabba

⁴⁵ Yeenn a nɔru ddew narede kare n̂-gereje ne gel Maketurule Lubba.

Luku 24:45 Iomraidhean Croise

Luku 24:32

N̂-paje tar horode tə̂ nan: «Kar tə̂ kə̂ naw pa tar narəje ddəw-boô ngaâ naw nɔru gəl Makəturuje narəje le, məje aw unda dɔ binya ang wa?»

Kulaje 16:14

Marə dɛnɛ̂n le kâra to dəw kə̂ Tiyatir, ria nan Lidi. N̂-to nje-labbə kubbu kə̂ kasɛ kə̂ narɛ̂ ngəng ngaâ naw polo Lubba. Noo tarje kə̂ jaw pa ngaâ Əbbə-dəwje unda məɛ̂ arə n̂-tuka mbia noo nɛ̂n tarje kə̂ Pɔl aw pa le.

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Epɛjinyɛje 5:14

Mba nɛ̂n tɔyn kə̂ tee kə ddaka to lo-karɛ. Mba yeenn bba Makəturu lə Lubba pa nan: «Əi kə̂ aw tibbi nəənn, ə-ndol In taar horo dəwje tə̂ kə̂ oyje, a Kristə a kuru ndoko laa dɔi tə̂.»

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

Apokalisi 3:7

Ə-dda makəturu ula nɛ̂n arə anjə kə̂ Egilisi tə̂ kə̂ Piladɛlpi ə-pa nan: Tar lə Dəw kə̂ maji tɔyn, ne kə̂ n̂-to Tɔkɔrɔ, ne kə̂ ngaw kele lə Dabbiti to jia tə̂, ne kə̂ n̂-təəyn ta-ddəw a, dəw kâra asə ta kutu ang, ne kə̂ nutu ta-ddəw a, dəw kâra asə ta təəyn ang.