Luku 24:44 - Dɔnɔn kə̂ Siki: Tar kə̂ aw arə təbbə

⁴⁴ Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Maketuru le Lubba ke tar kabba

⁴⁴ Goe te a n̂-pa narede na: « Ne ke m-pa marese kare te ke m-nayn ke se le a neenn. Maji kare ne ke n̂-dda wɔju dɔm me maketuru *ndu te le Moyije, ke me maketuru te le nje-kilaje mber-tar le Lubba ke me Maketuru*Sɔme te ddee ne ke tɔkɔrɔ.»

Luku 24:44 Iomraidhean Croise

Matiye 1:22

Nɛ̂njeenn tɔyn teeje mba karə tar kə̂ Əbbə-dəwje unda ta nje-kila mbər tar tə̂ laa arə pa ddee to tar kə̂ tɔkɔrɔ. Tar le nan:

Matiye 16:21

Dɔ ndɔɛ̂ tə̂ənn njaa, Jeju unn kutu pa kə ddaka karə njê-njaje goe tə̂ nan to tar laa ta kaw Jerujalɛm, ta koo ndoo ji tɔkəje tə̂ lə Jiipije kə mbayje lə njê-poloje Lubba kə njê-gərəje-Ndu. Dâ karə n̂-tɔlɛ̂ ta ndɔ mota goe tə̂ a, nâ ndol.

Matiye 26:54

A bbo m-dda tokə baann a, tarje kə̂ Makəturu lə Lubba pa le a ddeeje to nɛ̂n kə̂ tɔkɔrɔ tokə baânn wa? Makəturu le pa nan, maji karə nɛ̂ɛnn le to tokə baann.»

Matiye 26:56

A nɛ̂njeenn tɔyn toje bba karə tar kə̂ njê-kilaje mbər tar lə Lubba paje Makəturu tə̂ le ddeeje to nɛ̂n kə̂ tɔkɔrɔ.» Yeenn ngaâ njê-njaje go Jeju tə̂ le tɔyn njaa aynje inyɛ̂je.

Marke 9:31

Mba, naw tɔju nɛ̂n njê-njaje goe tə̂ ngaâ n̂-pa nan: «Dâ kuwa Ngonn lə dəw kulɛ̂ ji dəwje tə̂ karə n̂-tɔlɛ̂je ngaâ ndɔ mota goe tə̂ a, nâ ndol.»

Luku 21:22

Mba a to ndɔ kə̂ Lubba a gangə nɛ̂n sariya dɔ dəwje tə̂, mba karə nɛ̂nje tɔyn kə̂ n̂-dda Makəturu tə̂ lə Lubba ddeeje to nɛ̂n kə̂ tɔkɔrɔ.

Luku 22:37

Mba m-pa marəse: Maji karə tar nɛ̂nje kə̂ n̂-pa dɔm tə̂ mə Makəturu tə̂ lə Lubba nəənn ingam njaa. Tar le nan: ‹Dəwje ooeje to marə dəw kə̂ maji ang.› Tar kə̂ dɔm tə̂ nəənn le ddee ngɔsi ta kɔsu kɔnyɛ̂ baann tɔkɔrɔ ngaa.»

Luku 24:46

N̂-pa narəde nan: «Makəturu lə Lubba pa nan: ‹Kristə le a koo ndoo ngaâ ndɔ mota a, nâ ndol.

Luku 9:22

Jeju pa bbay nan: «Maji karə Ngonn lə dəw oo ndoo nya, maji karə tɔkəje lə Jiipije kə mbayje lə njê-poloje Lubba kə njê-gərəje-Ndu mbəteje, maji karə n̂-tɔlɛ̂je ngaâ ndɔ mota goe tə̂ a, n̂-ndol.»

Luku 9:44

«Maji karə ə-tukaje mbise kə majɛ̂ ooje nɛ̂n tar nəənn. Dâ kuwa Ngonn lə dəw kulɛ̂ ji dəwje tə̂.»

Tar kə̂ Maji kə̂ Jan dda makəturu tə̂ 3:14

Ddəw kâra baa tokə Mɔyijə bbərə li kə̂ n̂-dda kə andə taar mə kɔr tə̂ kəm dəwje tə̂ tɔyn le, maji karə n̂-bbərə Ngonn lə dəw taar kəm dəwje tə̂ tɔyn tɔ.

Tar kə̂ Maji kə̂ Jan dda makəturu tə̂ 5:39

«Aw kinyaje mə Makəturu lə Lubba, mba əjəje to Makəturu le a karəse təbbə kə̂ to kə ndɔ kə ndɔ. Makəturuje le paje tar-naji ləm.

Tar kə̂ Maji kə̂ Jan dda makəturu tə̂ 5:46

Bbo ə-ndikije tarje tə̂ lə Mɔyijə a, â ndikije tarje tə̂ ləm tɔ, mba Mɔyijə pa tar ləm makəturuje tə̂ laa.

Kulaje 13:33

Lubba dda arə ddee to nɛ̂n kə̂ tɔkɔrɔ horoje jee ngannde tə̂, ddəw ndol tə̂ kə̂ narə Jeju kə̂ oy ndol, tokə n̂-dda tarɛ̂ makəturu tə̂ lə Sɔm 2 nan: ‹Ə-to ngonnəm, bbokənɛn marə ə-ddee to ngonnəm ngaa.›

Kulaje 13:40

Yeenn a, maji karə aaje rɔse mba nɛ̂n kə̂ n̂-dda tarɛ̂ makəturu tə̂ lə njê-kilaje mbər tar lə Lubba nəənn a ddase. Tar nɛ̂n le nan:

Kulaje 2:27

mba â tusum kinyam lo tə̂ lə dəwje kə̂ oyje ang. Ngaâ â kinyam, əman kə̂ munn rɔm tɔyn mbai karə m-ndum mə buwa-yo tə̂ ang.

Kulaje 3:18

Ləw baa njaa, Lubba unda tar nəənn ta njê-kilaje mbər tar tə̂ laa tɔyn nan Kristə laa a koo ndoo. Tar le â ddee to nɛ̂n kə̂ tɔkɔrɔ nəənn.

Kulaje 7:37

Ne Mɔyijə le â n̂-pa narə ngann Ijarayɛlje nan: ‹Lubba a kula marə ngokɔnse karəse to nje-kila mbər tar lə Lubba tokə əman nəənn.›

Ebərəje 10:1

Ndu lə Mɔyijə to ndil nɛ̂nje kə̂ maji kə̂ a toje ndɔ tə̂ kə̂ bara, bbo tɔju nɛ̂nje le kə dɔgɔlɛ̂ tɔyn ang. Mba yeenn bba, ddəw nɛ̂n-poloje tə̂ kə̂ daw darə kə bbal kâra kâra tɔyn le, Ndu asə ta dda karə dəw kə̂ ndiki ta ddee ngɔsi kə Lubba ddee maji tɔyn ndɔ kâra ang.

Ebərəje 3:5

Ləw, Mɔyijə to nje-kula kə̂ dda kula kə dɔgɔlɛ̂ mə kəy tə̂ lə Lubba tɔyn. Ne â n̂-to nje-tar-naji tarje kə̂ Lubba a ta pa.

Ebərəje 7:1

Ləw, Mɛlkisedɛk to tɔkə mbay kə̂ tɔkə bbe tə̂ kə̂ Salɛm ddəm nje-polo Lubba kə̂ nje-kisi ddutu dara tə̂ ddəm. Marə ndɔ, kar kə̂ Abaraham tətə tɔkə mbayje kə ddɔ ngaâ aw təl a, Mɛlkisedɛk le tila kəmɛ̂ ngaâ bbar tar kə̂ maji dɔɛ̂ tə̂.

Ebərəje 9:8

Ndil-mə-nda tɔju tokə baann to, bbo dɔngɔr kəy-tande le nayn bbay a, ddəw kandə lo tə̂ kə̂ n̂-sangə dang nya bbay mba Lubba nayn ɔru ang bbay tɔ.

1 Piyɛr 1:11

Ndil lə Kristə kə̂ to məde tə̂ pa tar ndoo kə̂ Kristə a koo kə tar piti kə̂ a ddee goe tə̂ arəde tokə kete. Mba yeenn bba, dunnje rɔde tɔyn ta gərə se kar kə̂ baânn wase ddi â a to bba nɛ̂nje kə̂ Ndil lə Kristə pa le a ddeeje wa?

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.