Luku 24:27 - Dɔnɔn kə̂ Siki: Tar kə̂ aw arə təbbə

²⁷ Jeju unn kutu kɔru gəl nɛ̂nje kə̂ Mɔyijə kə njê-kilaje mbər tar lə Lubba tɔyn paje dɔɛ̂ tə̂ makəturuje tə̂ le.

Maketuru le Lubba ke tar kabba

²⁷ Jeju ɔru gel ne ke maketuruje le Lubba tɔyn paje dɔe te. Nunn kute maketuru te le Moyije ndereng maketuru te le nje-kilaje mber-tar le Lubba.

Luku 24:27 Iomraidhean Croise

Marke 4:34

Marə tar kâra kə̂ n̂-pa narəde kə gusu-tar ang goto. A bbo ne kə njê-njaje goe tə̂ disije kə karəde baa a, nɔru gəl nɛ̂nje tɔyn narəde.

Luku 24:25

Jeju pa arəde: «See njê-dɔ-gotoje! Tarje tɔyn kə̂ njê-kilaje mbər tar lə Lubba paje arəse le, ə-ndikije tə̂ kə de kə ngɔru ang mba ddi wa?

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Tar kə̂ Maji kə̂ Jan dda makəturu tə̂ 1:45

Goe tə̂ a, Pilipi inga Natanayɛl ngaâ pa arɛ̂ nan: «Jinga marə dəw kə̂ Makəturu-Ndu lə Mɔyijə kə lə njê-kilaje mbər tar lə Lubba paje tar laa le. Dəw le to Jeju kə̂ Najarɛtə, n̂-to ngonn lə Jojɛpə.»

Tar kə̂ Maji kə̂ Jan dda makəturu tə̂ 12:41

Ejayi pa baann mba noo piti lə Jeju ngaâ n̂-pa tar laa.

Tar kə̂ Maji kə̂ Jan dda makəturu tə̂ 5:37

Ngaâ, Bɔ kə̂ ulam le njaa pa tar-naji ləm. A ooje ndue ndɔ kâra ang ddəm ooje kəmɛ̂ ndɔ kâra ang ddəm.

Tar kə̂ Maji kə̂ Jan dda makəturu tə̂ 5:39

«Aw kinyaje mə Makəturu lə Lubba, mba əjəje to Makəturu le a karəse təbbə kə̂ to kə ndɔ kə ndɔ. Makəturuje le paje tar-naji ləm.

Kulaje 10:43

Njê-kilaje mbər tar lə Lubba tɔyn paje tar laa nan: ‹Dəw kə̂ unn məɛ̂ arə Jeju a, Lubba ɔru tar majang laa dɔɛ̂ tə̂ kə ri Jeju le.› »

Kulaje 3:18

Ləw baa njaa, Lubba unda tar nəənn ta njê-kilaje mbər tar tə̂ laa tɔyn nan Kristə laa a koo ndoo. Tar le â ddee to nɛ̂n kə̂ tɔkɔrɔ nəənn.

Kulaje 3:22

Mɔyijə pa kete nan: ‹Əbbə-dəwje Lubba ləse a kula marə dəw kâra horo ngakɔnse tə̂ tokə əman nəənn karəse to nje-kila mbər tar lə Lubba. A kooje tɛɛ̂ mə nɛ̂nje tə̂ tɔyn kə̂ nâ pa karəse.

Kulaje 3:24

Njê-kilaje mbər tar lə Lubba tɔyn, unn kute dɔ Samuwɛl tə̂ kə njê-kilaje mbər tar lə Lubba kə̂ ddeeje goe tə̂ tɔyn paje tar ndɔje kə̂ jisije tə̂ nəənn le.

Kulaje 7:37

Ne Mɔyijə le â n̂-pa narə ngann Ijarayɛlje nan: ‹Lubba a kula marə ngokɔnse karəse to nje-kila mbər tar lə Lubba tokə əman nəənn.›

Kulaje 8:35

Yeenn ngaa, Pilipi unn kutu tar dɔ tar tə̂ kə̂ enuku le tura makəturu tə̂ nəənn le bba tɔjɛ̂ nɛ̂n Tar kə̂ Maji lə Jeju.

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.