Luku 23:33 - Dɔnɔn kə̂ Siki: Tar kə̂ aw arə təbbə

³³ N̂-teeje lo tə̂ kə̂ daw bbar nan «Ka-dɔ-dəw» a, n̂-bbərəje Jeju kakə-dəsə tə̂ ngaâ n̂-bbərəje njê-nɛ̂n-ddaje kə̂ maji ang kə̂ joo le kakə-dəsəje tə̂ tɔ. Kâra dɔ ji-kɔl Jeju tə̂, a kâra dɔ ji-gəle tə̂.

Maketuru le Lubba ke tar kabba

³³ N̂-teeje lo te ke daw n̂-bbar na Ka-dɔ-dew a, n̂-bbereje Jeju dɔ kake-dese te ngaa n̂-bbereje nje-ne-ddaje ke maji ang ke joo le dɔ kake-deseje te. Kara dɔ ji-kɔl Jeju te a ye ke kara dɔ ji-gele te.

Luku 23:33 Iomraidhean Croise

Matiye 20:19

ngaâ dâ kilɛ̂ ji dəwje tə̂ kə̂ gərəje Lubba ang karə dɔjɛ̂je n̂-kokoje nɛ̂n. Dâ tundɛ̂ kə ndəy ngaâ dâ tɔlɛ̂ kakə-dəsə tə̂. Ndɔ mota laa a, nâ ndol.»

Matiye 26:2

«Ə-gərəje tɔyn to Pakə nayn ndɔ joo baa ngaa. Dâ kila Ngonn lə dəw ji dəwje tə̂ karə n̂-tɔlɛ̂ kakə-dəsə tə̂.»

Luku 24:7

Maji karə dula Ngonn lə dəw ji njê-nɛ̂n-ddaje tə̂ kə̂ maji ang. Dâ tɔlɛ̂je kakə-dəsə tə̂ ngaâ ndɔ mota a, nâ ndol.»

Tar kə̂ Maji kə̂ Jan dda makəturu tə̂ 18:32

Baann bba karə tar kə̂ Jeju pa mba tɔju nɛ̂n gar yo kə̂ nâ koy le ddee to nɛ̂n kə̂ tɔkɔrɔ.

Tar kə̂ Maji kə̂ Jan dda makəturu tə̂ 3:14

Ddəw kâra baa tokə Mɔyijə bbərə li kə̂ n̂-dda kə andə taar mə kɔr tə̂ kəm dəwje tə̂ tɔyn le, maji karə n̂-bbərə Ngonn lə dəw taar kəm dəwje tə̂ tɔyn tɔ.

Kulaje 13:29

N̂-ddaje nɛ̂n tɔyn ddəw kâra baa kə tar kə̂ n̂-pa dɔɛ̂ tə̂ Makəturu tə̂ ngaâ dɔru niinnɛ̂ kakə-dəsə tə̂ dila buwa-yo tə̂.

Kulaje 2:23

Jeju le dunnɛ̂ dulɛ̂ jise tə̂ ddəw kâra baa kə ndu kə̂ Lubba njaa unn tokə kete ddəm nɛ̂n kə̂ Lubba gɔl ləw baa ddəm. Uwɛ̂je ilɛ̂je ji dəwje tə̂ kə̂ maji ang arəje n̂-tɔlɛ̂je kakə-dəsə tə̂.

Kulaje 5:30

Lubba lə kajeje arə Jeju kə̂ ə-bbəreje dɔ kakə-dəsə tə̂ ə-tɔlɛ̂je le ndol.

Galatəje 3:13

A Kristə ɔruje kɔ ndu-ndɔɔl tə̂ kə̂ Ndu ddee nɛ̂n dɔje tə̂ mban, n̂-ddee to dəw kə̂ ndu-ndɔɔl to dɔɛ̂ tə̂ ɔju dɔje. Mba Makəturu lə Lubba pa nan: «Dəw kə̂ n̂-tɔɛ̂ kakə tə̂ n̂-tɔlɛ̂ to dəw kə̂ ndu-ndɔɔl to dɔɛ̂ tə̂.»

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.