Luku 23:25 - Dɔnɔn kə̂ Siki: Tar kə̂ aw arə təbbə

²⁵ Nɔru Barabas kə̂ dəwje le dujeje karə nɔrɛ̂ le, ne kə̂ dilɛ̂ kəy-kula tə̂ mba dɔ-ngəng kə dəw kə̂ n̂-tɔlɛ̂ le. A nula Jeju jide tə̂ karə n̂-ddaje saa nɛ̂n tɔyn kə̂ məde ndiki.

Maketuru le Lubba ke tar kabba

²⁵ Nɔru Barabase ke dewje le dujeje ta kare nɔre le. Barabase ke dilae key-kula te wɔju dɔ dɔ-ngeng, ke wɔju dɔ dew ke n̂-tɔle le ngaa nula Jeju jide te ta kare n̂-ddaje saa ne tɔyn ke mede ndiki.

Luku 23:25 Iomraidhean Croise

Matiye 27:26

Yeenn ngaâ Pilatə ɔru Barabas arəde. Narə n̂-tunda Jeju kə ndəy ngaâ nulɛ̂ jide tə̂ karə n̂-tɔlɛ̂ kakə-dəsə tə̂.

Marke 15:15

Pilatə ndiki ta dda karə rɔ dəwje kə̂ banya le nəəlde. Yeenn bba nɔru Barabas kəy-kula tə̂ narəde. Narə n̂-tunda Jeju kə ndəy a nulɛ̂ ji mbambaje tə̂ karə n̂-tɔlɛ̂ kakə-dəsə tə̂.

Luku 23:2

Dulaje tar tɛɛ̂ tə̂ nan: «Jinga dingaw nəənn, naw nɔsu kutu dəwje ta karə n̂-ddaje dɔ-ngəng. N̂-pa narə dəwje ta karə dukaje lambo darəje tɔkə mbay kə̂ Rɔm ang ngaâ n̂-pa nan ne njaa n̂-to Kristə le, n̂-to tɔkə mbay.»

Luku 23:24

Yeenn bba Pilatə unn ndu ta dda nɛ̂n kə̂ daw dujuje le.

Luku 23:26

Mbambaje aw awje kə Jeju a, dingaje Simɔn kə̂ bbe tə̂ kə̂ Sirɛnn, nin ndɔɔ̂ naw təl kə bbeê. Duwɛ̂je dundaje kakə-dəsə le dɔɛ̂ tə̂ darə noto n̂-nja nɛ̂n go Jeju tə̂.

Luku 23:5

A n̂-təlje n̂-paje darə ngəng nya bbay nan: «Naw tɔju nɛ̂n naw nɔsu nɛ̂n kutu dəwje narə aw ddaje dɔ-ngəng nangə tə̂ kə̂ Galile tɔyn. Nunn kute nangə tə̂ kə̂ Jude ndərəng lo tə̂ nəənn.»

Tar kə̂ Maji kə̂ Jan dda makəturu tə̂ 18:40

Duruje əkii nan: «Ne ang! Barabas â ɔrɛ̂.» Barabas le to dəw kə̂ aw uwa nɛ̂n lə dəwje aw taa kə singa.

Tar kə̂ Maji kə̂ Jan dda makəturu tə̂ 19:16

Yeenn ngaâ Pilatə uwa Jeju ulɛ̂ jide tə̂ karə n̂-tɔlɛ̂ kakə-dəsə tə̂.

Kulaje 3:14

Ə-mbətəje dəw kə̂ maji tɔyn, dəw kə̂ gatə gatə ngaâ ə-dujuje arə dɔru nje-tɔl dəwje kəy-kula tə̂ darəse.