Luku 23:2 - Dɔnɔn kə̂ Siki: Tar kə̂ aw arə təbbə

² Dulaje tar tɛɛ̂ tə̂ nan: «Jinga dingaw nəənn, naw nɔsu kutu dəwje ta karə n̂-ddaje dɔ-ngəng. N̂-pa narə dəwje ta karə dukaje lambo darəje tɔkə mbay kə̂ Rɔm ang ngaâ n̂-pa nan ne njaa n̂-to Kristə le, n̂-to tɔkə mbay.»

Maketuru le Lubba ke tar kabba

² Dulaje tar tae te na: « Jinga dingaw neenn, naw nɔsu kutu dewje ta kare n̂-ddaje dɔ-ngeng. N̂-pa nare dewje ta kare uka *lambo ke Sejar ang ngaa n̂-pa na ne njaa n̂-to Kiriste, n̂-to Mbay.»

Luku 23:2 Iomraidhean Croise

Matiye 17:27

A ta karə jula wungu məde tə̂ ang a, aw baâ aw ila kii. Dɔngɔr kanji kə̂ a kɔrɛ̂ njaa ə-təəyn tɛɛ̂ a, â kinga kandə narɛ. Unn kandə narɛ le aw nɛ̂n arəde to lambo ləm ddəm ləi ddəm.»

Matiye 22:21

Dilaje tə̂ nan: «Toje to lə tɔkə mbay kə̂ Rɔm.» N̂-təl n̂-pa narəde nan: «Baann a, arəje tɔkə mbay kə̂ Rɔm nɛ̂n kə̂ to lə tɔkə mbay kə̂ Rɔm, a arəje Lubba nɛ̂n kə̂ to lə Lubba.»

Matiye 27:11

Daw kə Jeju nɔn ngonn mbay Pilatə tə̂. Ngonn mbay le duje nan: «Ə-to tɔkə mbay lə Jiipije wa?» Jeju ilɛ̂ tə̂ nan: «Əi njaa ə-pa mban.»

Marke 12:17

Yeenn ngaâ Jeju pa arəde nan: «Arəje tɔkə mbay kə̂ Rɔm nɛ̂n kə̂ to lə tɔkə mbay kə̂ Rɔm, a arəje Lubba nɛ̂n kə̂ to lə Lubba.» Tar laa le dum dɔ dəwje kə̂ ddeeje ta nɛɛ̂n le.

Marke 15:2

Pilatə duju Jeju nan: «Ə-to mbay lə Jiipije wa?» Jeju le ilɛ̂ tə̂ nan: «Əi njaa ə-pa mban.»

Luku 23:14

n̂-pa narəde nan: «Ə-ddeeje kə dingaw nəənn kete arəmje ngaâ ə-paje nan: ‹Naw nɔsu kutu dəwje narə dda dɔ-ngəng.› Ooje, m-duje tar kəmse tə̂. A minga marə majang kâra kə̂ n̂-dda bba undaje nɛ̂n tar dɔɛ̂ tə̂ le ang.

Luku 23:5

A n̂-təlje n̂-paje darə ngəng nya bbay nan: «Naw tɔju nɛ̂n naw nɔsu nɛ̂n kutu dəwje narə aw ddaje dɔ-ngəng nangə tə̂ kə̂ Galile tɔyn. Nunn kute nangə tə̂ kə̂ Jude ndərəng lo tə̂ nəənn.»

Tar kə̂ Maji kə̂ Jan dda makəturu tə̂ 18:29

Mba yeenn bba Pilatə ddee ingade ddaka. N̂-dujude nan: «Tar ddi bba undaje dɔ dingaw tə̂ nəənn wa?»

Tar kə̂ Maji kə̂ Jan dda makəturu tə̂ 18:30

Dilɛ̂je tə̂ nan: «Bbo dingaw nəənn dda marə nɛ̂n kə̂ maji ang kâra ang a, ja ddee saa kari ang.»

Tar kə̂ Maji kə̂ Jan dda makəturu tə̂ 19:12

Karɛ̂ tə̂ənn njaa Pilatə aw sangə ddəw ta kinya Jeju. A Jiipije uruje əkii nan: «Bbo inyɛ̂ a, ə-to nam tɔkə mbay kə̂ Rɔm ang. Mba dəw kə̂ dda rɔɛ̂ to mbay, to nje-baan le tɔkə mbay kə̂ Rɔm.»

Kulaje 24:13

Dəwje nəənn a kasəje ta tɔji nɛ̂n kə̂ dundaje nɛ̂n tar dɔm tə̂ le bbasinɛn nəənn ang.

Kulaje 24:5

Joo a, dingaw nəənn to dəw kə̂ maji ang nya. N̂-dda narə lo yəkə horo Jiipije tə̂ tɔyn kə̂ dɔ nangə tə̂. Ngaâ n̂-to marə mbay dɔ mbɔn-naan tə̂ lə dəwje kə̂ Najarɛtə kə̂ to mbɔn-naan kə̂ maji ang.

Rɔmɛnje 13:7

Maji karə ukaje bbangə nɛ̂n lə nje-marseje kâra kâra kə̂ to dɔseje tə̂. Ukaje lambo ji dəw tə̂ kə̂ to tar ləse ta kuka jia tə̂, ukaje dɔ nɛ̂n ji dəw kə̂ to tar ləse ta kuka dɔ nɛ̂n le jia tə̂. Ə-bbəəlje dəwje kə̂ to tar ləse ta bbəəlde, ə-walje dəwje kə̂ to tar ləse ta walde.