Luku 22:43 - Dɔnɔn kə̂ Siki: Tar kə̂ aw arə təbbə

⁴³ Karɛ̂ tə̂ənn njaa marə anjə tee ingɛ̂ mba karɛ̂ singa.

Maketuru le Lubba ke tar kabba

⁴³ Kare teenn mare anji tee ingae, mba kare singa.

Luku 22:43 Iomraidhean Croise

Matiye 26:53

Ə-gərə ang wa? Masə ta bbar Bɔy karə nula kə anjəje kə̂ toje to njê-ddɔje tokə banya narəm.

Matiye 4:11

Yeenn ngaâ Əsu le ɔtu inyɛ̂ ngaâ anjəje ddeeje rɔɛ̂ tə̂ ddee arɛ̂je nɛ̂n-kusa.

Matiye 4:6

ngaâ n̂-pa narɛ̂ nan: «Bbo ə-to Ngonn lə Lubba a, aal dɔ kəy tə̂ nəənn uru nangə̂, mba Makəturu lə Lubba pa nan: ‹Lubba a kunn ndu karə anjəje laa mbai, ngaâ dâ lai to la, karə gɔli dar ər ang.› »

Luku 22:32

A əman, m-duju Lubba mba tar ləi ta karə mə-kunn ləi oso ang ngaâ karə bbo ə-təl rɔm tə̂ a, ə-dda arə ngakɔinje ingaje singa.»

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Kulaje 18:23

N̂-dda ndɔ ngaji lo tə̂ənn ngaâ nin n̂-nday nangə Galasi kə Piriji tə̂, narə ndəjə njê-njaje go Əbbə-dəwje tə̂ tɔyn karə dingaje singa.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

Ebərəje 1:14

Anjəje tɔyn toje to ndilje kə̂ aw ddaje kula arə Lubba. Naw nulade narə daw dumanje dəwje kə̂ n̂-ndiki ta kajide.

Ebərəje 1:6

A kar tə̂ kə̂ Lubba aw ula ngonn-dəre dɔ nangə tə̂ le, n̂-pa nan: «Maji karə anjəje lə Lubba tɔyn poleje.»

Ebərəje 2:17

Mba yeenn bba, maji karə n̂-ddee tokə lə ngakɔɛ̂nje mə nɛ̂nje tə̂ tɔyn. Yeenn bba n̂-ddee to tɔkə nje-polo Lubba kə̂ aw dda mə-maji kə dəwje ngaâ aw dda nɛ̂n lə Lubba kə dɔgɔlɛ̂ mba kɔru nɛ̂n tar majang lə dəwje dɔde tə̂ kə ddang.