Luku 22:42 - Dɔnɔn kə̂ Siki: Tar kə̂ aw arə təbbə

⁴² n̂-pa nan: «Bɔy, bbo ə-ndiki a, uta əngo kəm-to-ndoo nəənn dɔm tə̂ kə ddang. Ə-dda tokə ye kə̂ məi ndiki bbo tokə ye kə̂ məm ndiki ang.»

Maketuru le Lubba ke tar kabba

⁴² n̂-pa na: « Bɔy, toke e-ndiki a, uta ngo-nare kem-to-ndoo neenn dɔm te ke ddang. E-dda toke mei a ndiki bbo toke mem ndiki ang.»

Luku 22:42 Iomraidhean Croise

Matiye 11:25

Karə tə̂ənn, Jeju pa nan: «Mɔsu gajii Bɔy, əi kə̂ ə-to Əbbə-dəwje darâ ddəm nangə̂ ddəm mba iya nɛ̂nje nəənn le njê-kəm-karɛje ddəm njê-nɛ̂n-gərəje ddəm. A ə-tɔju nɛ̂njeenn le dəwje kə̂ toje to dəwje kə̂ tɛn baa.

Matiye 11:26

Tɔkɔrɔ Bɔy, mba əi njaa ə-ndiki karə to tokə baann.»

Matiye 20:22

Jeju ilɛ̂ tə̂ nan: «Ə-gərəje nɛ̂n kə̂ aw dujuje ang. Â kasəje ta kay əngo kəm-to-ndoo kə̂ mâ ta kay wa?» Dilɛ̂je tə̂ nan: «Ja kasə.»

Matiye 26:39

Goe tə̂ a, n̂-ngəsə kə kete tɛn be ngaâ n̂-tee noso kə ta məɛ̂, n̂-dəbbə kəmɛ̂ nangə̂ ngaâ n̂-duju Lubba n̂-pa nan: «Bɔy, bbo ddəw to a, uta əngo kəm-to-ndoo nəənn kə ddang. A ə-dda tokə məi ndiki bbo tokə məm ndiki ang.»

Matiye 26:42

Jeju təl aw ddəw əw bbay aw nduju Lubba nan: «Bɔy, bbo əngo nəənn le to ta karə may njaa, bbo ddəw kə̂ â kɔru nɛ̂n kə ddang goto a, maji karə ə-dda nɛ̂n kə̂ məi ndiki.»

Matiye 26:44

Ninyade a naw duju Lubba kə̂ gɔl mota laa bbay. A nɛ̂ɛnn le njaa n̂-təl n̂-duju Lubba le bbay.

Matiye 6:10

Arə kɔn-mbay ləi ddee! Maji karə dəwje ddaje nɛ̂n kə̂ məi ndiki dɔ nangə tə̂, tokə ye kə̂ darâ.

Marke 14:36

N̂-pa nan: «Aba! Bɔy, əi asə ta dda nɛ̂n tɔyn, uta əngo kəm-to-ndoo nəənn dɔm tə̂ kə ddang. A ə-dda nɛ̂n kə̂ məm ndiki ang, nɛ̂n kə̂ məi əi njaa ndiki â ta ə-dda.»

Luku 23:34

Jeju pa nan: «Bɔy, ɔru tar dɔde tə̂, mba n̂-gərəje nɛ̂n kə̂ daw ddaje ang.» N̂-ddɔje mbari n̂-kaynje nɛ̂n naan kubbuje laa.

Tar kə̂ Maji kə̂ Jan dda makəturu tə̂ 18:11

A Jeju pa arə Piyɛr nan: «Ə-təl kə tɔkə kiya ləi le mə bbɔlɛ̂ tə̂. Əngo ndoo kə̂ Bɔy arəm le, mâ kay ang wa?»

Tar kə̂ Maji kə̂ Jan dda makəturu tə̂ 4:34

Jeju pa arəde nan: «Nɛ̂n-kusa ləm to ənga dda nɛ̂n kə̂ mə Lubba kə̂ ulam ndiki, ta dda kula kə̂ narəm le tunga.

Tar kə̂ Maji kə̂ Jan dda makəturu tə̂ 5:30

«Əman, masə ta dda marə nɛ̂n kâra kə dɔm baa ang. Maw gangə sariya kə turu ndu Bɔ ngaâ sariya kə̂ maw gangə to kə dɔgɔlɛ̂. Mba nɛ̂n kə̂ məm ndiki â maw sangə ddəw ta dda ang. Nɛ̂n kə̂ mə dəw kə̂ ulam le ndiki â maw sangə ddəw ta dda.

Tar kə̂ Maji kə̂ Jan dda makəturu tə̂ 6:38

Tɔkɔrɔ njaa, min darâ m-ddee ta dda nɛ̂n kə̂ mə dəw kə̂ ulam ndiki, bbo nɛ̂n kə̂ məm ndiki â m-ddee ta dda ang.

Kulaje 21:14

Juman saa pin n̂-ndiki ang ngaâ jəw rɔje. N-pa nan: «Maji karə Əbbə-dəwje dda nɛ̂n kə̂ məɛ̂ ndiki.»