Luku 22:29 - Dɔnɔn kə̂ Siki: Tar kə̂ aw arə təbbə

²⁹ Mba yeenn bba, mâ karəse Bbe-kɔn le tokə Bɔmje arəm le,

Maketuru le Lubba ke tar kabba

²⁹ Yeenn a ma karese *bbe-kɔn ddew kara baa toke Bɔmje arem,

Luku 22:29 Iomraidhean Croise

Matiye 24:47

Tɔkɔrɔ njaa, m-pa marəse, əbbeeje le a kinya nɛ̂n-kingaje laa tɔyn mə jia tə̂ karə n̂-ngəm.

Matiye 25:21

Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.›

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Matiye 28:18

Jeju ddee ngɔsi kə de, pa arəde nan: «Lubba arəm singa tɔyn darâ ddəm nangə̂ ddəm.

Matiye 5:10

Maji arəse, see dəwje kə̂ daw dula kəmse ndoo tə̂, mba kula-ddase kə̂ to gatə gatə, mba Bbe-kɔn kə̂ darâ to ləse.

Matiye 5:3

«Maji arəse, see dəwje kə̂ ə-gərəje to nɛ̂n ndil duse, mba Bbe-kɔn kə̂ darâ to ləse.

Luku 12:32

Sese kə̂ ə-toje tokə lə nɛ̂n-kuulje kə̂ banya ang le ə-bbəəlje ang, mba Bɔsese oo maji ta karəse Bbe-kɔn le.»

Luku 19:17

Əbbeeje le pa arɛ̂ nan: ‹Maji, nje-kula kə̂ maji! Mundai to ngonn mbay dɔ ngann bbeje tə̂ dɔku, mba nɛ̂n kə̂ tɛn kə̂ dari ə-dda nɛ̂n kula kə dɔgɔlɛ̂.›

1 Kɔrɛntinyɛje 9:25

Dəwje tɔyn kə̂ aw gɔlje rɔde mba kayn ngɔru aw sangəje rɔde marə nɛ̂nje tə̂ nya. Daw ddaje baann, mba kinga nɛ̂n kuka kə̂ a tuju marə ndɔ. A jeje jaw ddaje tokə baann, mba kinga nɛ̂n kuka kə̂ a tuju ang ndɔ kâra ang.

2 Kɔrɛntinyɛje 1:7

Jaw junda məje dɔse tə̂ nya. Mba n-gərə to ndoo kə̂ jaw joo le ooje kə je tɔ arə məse a wul kə je tɔ.

2 Timɔte 2:12

Bbo juwaje jarə ngəng a, ja kɔnje mbay saa tɔ. Bbo n-mbəteje a, ne njaa kara nâ mbətəje tɔ.

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

1 Piyɛr 5:4

A bbo ndɔ kə̂ Mbay kə̂ dɔ njê-ngəmje dəwje tə̂ lə Lubba tɔyn unda lo tee a, â kingaje əjɔkudɔ kə̂ a tuju ndɔ kâra ang kə̂ to nɛ̂n-piti.

Apokalisi 21:14

Dɔsu ndoko le dɔ ərje tə̂ dɔku gire joo kə̂ dungu nɛ̂n gɔlɛ̂ ngaâ n̂-dda ri njê-kaw-kulaje kə̂ dɔku gire joo kə̂ toje to lə Ngonn batə le kar ərje tə̂ kə̂ dɔku gire joo le kâra kâra.