Luku 21:36 - Dɔnɔn kə̂ Siki: Tar kə̂ aw arə təbbə

³⁶ Maji karə ə-tibbije ang, ə-dujuje Lubba kə kar tɔyn, yeenn bba â kingaje singa ta tee nɛ̂n ta nɛ̂n tə̂ kə̂ a ta ddee le ddəm ta kar nɛ̂n taar nɔn Ngonn lə dəw tə̂ ddəm.»

Maketuru le Lubba ke tar kabba

³⁶ E-tibbije ang ngaa e-dujuje Lubba ke kare tɔyn, yeenn bba a kingaje singa, mba tee ne ta ne te ke a ta ddee, ddem mba kare ne taar nɔ Ngonn le dew te.»

Luku 21:36 Iomraidhean Croise

Matiye 24:42

«Yeenn a, arje dɔ gɔlse tə̂, mba ə-gərəje ndɔ kə̂ Əbbəsese a ddee nɛ̂n ang.

Matiye 24:43

Ə-gərəje kə majɛ̂: Bbo nje-kəy gərə kar kə̂ nje-bboko a ta ddee nɛ̂n til tə̂ a, nâ ngəm ta-kəy bbo nâ kinya nje-bboko le karə andə kəy laa ang.

Matiye 24:44

Mba yeenn bba, sese kara arje dɔ gɔlse tə̂, mba Ngonn lə dəw a ddee kə kar kə̂ aw əjəje to nâ ddee nɛ̂n le ang.»

Matiye 25:13

Go gusu-tar tə̂ nəənn le a, Jeju pa nan: «Yeenn a, arje dɔ gɔlse tə̂, mba ə-gərəje ndɔɛ̂ ang ddəm karɛ̂ ang ddəm.»

Matiye 26:41

Arəje bbi ɔru kəmse ang, ə-dujuje Lubba bba karə osoje mə nɛ̂n-nan tə̂ ang. Ndil dəw ndiki ta dda nɛ̂n kə̂ maji njaa, a da-rɔ ee kə singa ang.»

Matiye 8:20

Jeju ilɛ̂ tə̂ nan: «Mulaje, buwa tode to ngaâ əəlje kə̂ darâ kəy tode to, a Ngonn lə dəw, kəy dɔɛ̂ goto.»

Marke 13:33

Arəje kəmse kətərə, arje dɔ gɔlse tə̂. Mba ə-gərəje ndɔ kə̂ nɛ̂njeenn le a toje nɛ̂n ang.

Marke 13:37

Tar kə̂ m-pa marəse nəənn, m-pa marə dəwje tɔyn: Arəje kəmse kətərə.»

Luku 1:19

Anjə le ilɛ̂ tə̂ nan: «Əman m-to Gabriyɛl nje-kar nɔn Lubba tə̂. Lubba ulam ta pa tar kari, ta ndaji tar kə̂ maji kari.

Luku 18:1

Jeju pa marə gusu-tar arə njê-njaje goe tə̂ ta tɔju nɛ̂n de to, to maji nya ta duju Lubba kə ndɔje tɔyn ddəm kə rɔ-nya ang ddəm.

Luku 20:35

A dəwje kə̂ oyje kə̂ Lubba a koode to dasəje ta ndol ta kisi kəm baa duninya tə̂ kə̂ aw ddee le, dede dâ taaje dɛnɛ̂n ang ddəm dâ taaje ngaw ang ddəm.

Luku 21:35

tokə lə bandə kə̂ aw uwa da, mba ndɔ le a ddee busu dɔ dəwje tə̂ tɔyn kə̂ dɔ nangə tə̂.

Kulaje 10:2

Ne de kə njê kə̂ kəy laa tɔyn daw bbəəlje Lubba, naw numan Jiipije kə̂ toje to njê-ndooje ddəm naw duju Lubba kə kar tɔyn ddəm.

1 Kɔrɛntinyɛje 16:13

Maji karə undaje kəmse dɔ rɔse tə̂, uwaje mə-kunn ləse arə ngəng, uwaje rɔse to dingawje, ə-ngəngje dɔ rɔse tə̂.

2 Kɔrɛntinyɛje 4:14

N-gərə to, Lubba kə̂ ndol Əbbə-dəwje Jeju le, a ndolje saa tɔ. Ngaâ nâ karə jeje kə se jar nɔɛ̂n tə̂ kâra baa.

Kolosinyɛje 4:2

Maji karə ə-naynje ddəw duju Lubba tə̂. Arəje məse to dɔɛ tə̂ ngaâ arəje wooyo Lubba.

1 Tesalonisinyɛje 5:17

maji karə ə-dujuje Lubba kə kar tɔyn

2 Timɔte 4:5

A əi, maji karə ə-gərə dɔ jii ddəw nɛ̂nje tə̂ tɔyn, ə-tɔ wuri mə nɛ̂n kəm-to-ndooje tə̂, ila mbər Tar kə̂ Maji. Ə-dda kula lə Lubba kə majɛ̂.

1 Piyɛr 4:7

Nɛ̂nje tɔyn naynje ngɔsi baa ta kɔsu kɔyn ngaa. Yeenn a, maji karə ə-gərəje dɔ jise, arəje kəmse kətərə ta ə-dujuje Lubba.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.

1 Jan 2:28

Baann a, ngannje kə̂ ngaji, maji karə ə-naynje ddəw mə-kâra tə̂ kə Kristə, mba karə ndɔ kə̂ n̂-ddee a, bbəəl ddaje ang ddəm karə ndɔ təl laa a, rɔ-kul uta dɔje ngaâ jarje ddəw əw saa ang ddəm.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!

Apokalisi 11:4

Njê-tar-najije ləm kə̂ joo le toje to kakə olibəje kə̂ joo kə nɛ̂n-kunda lambeje kə̂ joo kə̂ toje nɔnʼm tə̂, əman Əbbə-dəwje kə̂ dɔ nangə tə̂ le.

Apokalisi 6:17

Mba tɔkə ndɔ wungu ləde asə ngaa. Nân bba a nayn wa?»

Apokalisi 7:9

Goe tə̂, maa lo bbay a, moo dəwje tokə banya. Dəw asə turade ang. Dinje horo dəwje tə̂ kə̂ gəlde dang dang tɔyn, horo njê kə̂ bbeje tə̂ dang dang, horo njê kə̂ nangəje tə̂ dang dang kə horo njê kə̂ ndɔn-tarje ləde to dang dang. Darje nɔn ngende-mbay tə̂, nɔn Ngonn batə tə̂ le. Dulaje tɔkə kubbu kə̂ nda ngaâ duwaje kam mburu jide tə̂.

Apokalisi 8:2

Moo anjəje kə̂ siri kə̂ arje nɔn Lubba tə̂ le. Darəde təbbəje siri.