Luku 20:47 - Dɔnɔn kə̂ Siki: Tar kə̂ aw arə təbbə

⁴⁷ Daw taaje nɛ̂nje lə dɛnɛ̂n-ndubbaje tɔyn jide tə̂, daw dujuje Lubba darə kure əw mba kəm dəwje. Mba yeenn bba sariya kə̂ dɔde tə̂ a ngəng nya kuta lə kəsə dəwje.»

Maketuru le Lubba ke tar kabba

⁴⁷ N̂-taaje ne-kinga le dene-ndubbaje tɔyn, n̂-dujuje Lubba dare kure ew, mba kem dewje. Sariya ke Lubba a gange dɔde te a ngeng kuta sariya le kese dewje.»

Luku 20:47 Iomraidhean Croise

Matiye 23:13

To ndoo nya arəse, see njê-gərəje-Ndu kə see Parijinyɛje kə̂ ə-toje to njê-ngəmje. Aw ɔkuje ddəw dəwje kə̂ ndikije ta kandə Bbe-kɔn tə̂ kə̂ darâ. Sese njaa kara andəje tə̂ ang ngaâ ɔkuje ddəw dəwje kə̂ ndikije ta kandə tə̂. [

Matiye 23:14

«To ndoo nya arəse, see njê-gərəje-Ndu kə see Parijinyɛje kə̂ ə-toje to njê-ngəmje. Ə-taaje nɛ̂n-kingaje lə dɛnɛ̂n-ndubbaje jide tə̂ tɔyn. A kar tə̂ənn njaa, aw dujuje Lubba arəje kure əw mba karə dəwje aajese. Mba yeenn bba sariya kə̂ dɔse tə̂ a ngəng nya.]

Marke 12:40

A daw taaje nɛ̂nje lə dɛnɛ̂n-ndubbaje tɔyn jide tə̂, daw dujuje Lubba darə kure əw mba kəm dəwje. Mba yeenn bba sariya kə̂ dɔde tə̂ a ngəng nya kuta lə kəsə dəwje.»

Luku 12:1

Kar tə̂ənn njaa, dəwje mbɔnje naan tokə banya ngaâ daw dubbaje gɔl naan. Jeju pa arə njê-njaje goe tə̂ dɔngɔr nan: «Aaje rɔse wum tə̂ lə Parijinyɛje kə̂ to ngəm.

Luku 20:46

«Aaje rɔse rɔ njê-gərəje-Ndu tə̂, mba n̂-ndikije ta kula kubbu kə̂ ngal bba ta nja nɛ̂n. N̂-ndikije karə dəwje ddade lapiya natâ. N̂-ndikije nɛ̂n-kisije kə̂ to kete mə kəy mbɔn-naan tə̂ kə nɛ̂n-kisije kə̂ dunda kete ta nɛ̂n-kusa tə̂.

Luku 21:1

Mə kəy-polo Lubba tə̂, Jeju unn kəmɛ̂ ngaâ oo njê-nɛ̂n-kingaje kə̂ aw ilaje nɛ̂n-karə-baa ləde mə nɛ̂n tə̂.

1 Tesalonisinyɛje 2:5

Sese kara ə-gərəje kə majɛ̂, jaw pa tarje ta kərə nɛ̂n dəw ndɔ kâra ang ngaâ kəjə ləje to dɔ nɛ̂n-kinga tə̂ ndɔ kâra ang. Lubba njaa kara a kɔru naji ləje.

Titə 1:16

N̂-paje nan n̂-gərəje Lubba, a kula-ddade tɔju to n̂-gərəje Lubba ang. N̂-majije ang, n̂-toje to njê-dɔ-ngəngje, dasəje ta dda kula kə̂ maji kâra ang.

Jakə 3:1

Ngakɔnʼmje, maji karə dəwje tokə banya horose tə̂ ddeeje to njê-nɛ̂n-tɔjuje ang, mba ə-gərəje to sariya ləje jee njê-nɛ̂n-tɔjuje a ngəng kuta lə kəsə dəwje.