Luku 20:36 - Dɔnɔn kə̂ Siki: Tar kə̂ aw arə təbbə

³⁶ Dâ kasəje ta koy ang ngaa, mba n̂-toje kâra baa kə anjəje. N̂-toje to ngann lə Lubba, mba doyje, a n̂-ndolje mban.

Maketuru le Lubba ke tar kabba

³⁶ Da koyje ndɔ kara ang ngaa, mba da kaseje naa ke anjije ngaa da toje to ngann le Lubba, de nje-kinje horo nje-yoje te le.

Luku 20:36 Iomraidhean Croise

Matiye 22:30

Tɔkɔrɔ, ndɔ kə̂ dəwje kə̂ oyje ndolje a, dɛnɛ̂n a taa ngaw ang ddəm dingaw a taa dɛnɛ̂n ang ddəm. Dâ kisije tokə anjəje kə̂ darâ.

Marke 12:25

Ndɔ kə̂ dəwje kə̂ oyje ndolje a, dingaw a taa dɛnɛ̂n ang ddəm dɛnɛ̂n a taa ngaw ang ddəm. Dâ kisije tokə anjəje kə̂ darâ.

Rɔmɛnje 8:16

Ndil lə Lubba le njaa pa arə ndil kə̂ to rɔje tə̂ nan n-toje to ngann lə Lubba.

1 Kɔrɛntinyɛje 15:26

Yo a to dɔbɔyn nje-baan kə̂ nâ tuje.

1 Kɔrɛntinyɛje 15:42

Ndol lə dəwje kə̂ oyje to tokə baann tɔ. Rɔ kə̂ n̂-dubbu le tuju. A rɔ kə̂ a ndol le tuju ang.

1 Kɔrɛntinyɛje 15:49

Ddəw kâra baa tokə jundaje rɔ dəw kə̂ Lubba ddɛɛ̂ kə əbaburu nangə le, ja kundaje rɔ dəw kə̂ in darâ bba ddee le tɔ.

Pilipinyɛje 3:21

Ne â nâ turu da-rɔje kə̂ to ndoo karə unn da-rɔɛ̂ kə̂ to nɛ̂n-piti. Nâ dda baann ddəw singa-mɔngu tə̂ kə̂ nee nɛ̂n mba kɔn nɛ̂n dɔ nɛ̂nje tɔyn.

Apokalisi 20:6

Maji arəde, de dəwje kə̂ dɔngɔr ndol lə dəwje kə̂ oyje, deeje horode tə̂. N̂-toje to dəwje lə Lubba njaa! Yo kə̂ gɔl joo laa ee kə singa dɔde tə̂ ang. Dâ toje to njê-poloje lə Lubba ddəm lə Kristə ddəm ngaâ dâ kɔnje saa mbay bbal doro kâra le.

Apokalisi 21:4

Nâ bɔru maann-nɔn tɔyn kəmde tə̂. Yo a goto ngaa. Ndoo, əkii kə nɛ̂n kəm-to-ndoo a gotoje, mba nɛ̂nje kə̂ ləw ndayje mban.»

Apokalisi 22:9

A n̂-pa narəm nan: «Ə-dda nɛ̂ɛnn ang! M-to nje-kula mari kə nje-kula mar ngakɔinje kə̂ toje to njê-kilaje mbər tar lə Lubba kə nje-kula mar dəwje kə̂ ngəmje tarje kə̂ makəturu tə̂ nəənn. Lubba â maji karə ə-pole.»