Luku 20:21 - Dɔnɔn kə̂ Siki: Tar kə̂ aw arə təbbə

²¹ Dəwje le dujeje tar nan: «Nje-nɛ̂n-tɔju, n-gərə to tar-pa ləi kə nɛ̂n-tɔju ləi to kə dɔgɔlɛ̂ ngaâ ar go marə dəw tə̂ ang. Aw tɔju ddəw lə Lubba tɔkɔrɔ tə̂ njaa.

Maketuru le Lubba ke tar kabba

²¹ Dewje le dujeje tar neenn na: « Nje-ne-tɔju, n̂-gere to tar pa lei ke ne-tɔju lei to ke dɔgɔle ngaa ɔru kem dew ang. Aw tɔju ddew le Lubba ddew tar te ke tɔkɔrɔ.

Luku 20:21 Iomraidhean Croise

Matiye 22:16

Dulaje marə njê-njaje gode tə̂ kə dəwje kə̂ unnje go Erodə rɔ Jeju tə̂ le karə n̂-paje darɛ̂ nan: «Nje-nɛ̂n-tɔju, n-gərə to aw pa tar kə̂ tɔkɔrɔ, aw tɔju ddəw lə Lubba tokə tɔkɔrɔ njaa ddəm aw bbəəl kəm dəw ang ddəm. Dəw kə̂ bo wase dəw kə̂ tɛn kara osoi tə̂ ang.

Marke 12:14

N̂-ddee n̂-paje darəje Jeju le nan: «Nje-nɛ̂n-tɔju, n-gərə to aw pa tar kə̂ tɔkɔrɔ, aw tɔju ddəw lə Lubba ddəw tar tə̂ kə̂ tɔkɔrɔ. Aw bbəəl kəm dəw ang ddəm dəw kə̂ bo wase dəw kə̂ tɛn kara osoi tə̂ ang. Ə-pa arəje joo: Ndu arəje ddəw karə juka lambo jarə tɔkə mbay kə̂ Rɔm wase ta kuka ang wa? Ta juka wase juka ang wa?»

Luku 20:20

Njê-poloje Lubba kə Njê-gərəje-Ndu le undaje kəmde kə dɔ Jeju tə̂. Dulaje dəwje kə̂ ddaje rɔde to dəwje kə̂ maji rɔɛ̂ tə̂. Dəwje le awje ta duje tar mba nɛɛ̂n nɛ̂n, ta bbo dingaje tar kə̂ maji ang tɛɛ̂ tə̂ a, kuwɛ̂ kulɛ̂ ji njê-gangəje sariya tə̂ kə ji njê-kɔn-bbeje tə̂.

Luku 20:22

Ndu arəje ddəw karə juka lambo kə tɔkə mbay kə̂ Rɔm wase ndu arəje ddəw ang wa?»

Tar kə̂ Maji kə̂ Jan dda makəturu tə̂ 3:2

N̂-ddee ninga Jeju til tə̂ ngaâ n̂-pa nan: «Nje-nɛ̂n-tɔju, n-gərə to Lubba ulai ta karə ə-tɔjuje nɛ̂n. Dəw kə̂ Lubba ee saa ang a kasə ta dda nɛ̂n-mɔrije kə̂ aw dda nəənn ang.»

2 Kɔrɛntinyɛje 2:17

Mba dəwje nya ddaje tar lə Lubba to nɛ̂n-kinga narɛ ləde. A jeje n-toje tokə ləde ang. Jula nɛ̂n naan tə̂ ang. Lubba â ulaje arə jaw pa tar le nɔn Lubba tə̂, ddəw mə-kâra tə̂ kə̂ n-dda kə Kristə.

Galatəje 1:10

A bbasinɛn nəənn, maw sangə ddəw ta ddee maji kəm dəwje tə̂ wase kəm Lubba tə̂ wa? Maw sangə ddəw ta nəəl kəm dəwje tə̂ wa? A bbo maw sangə ddəw ta nəəl kəm dəwje tə̂ a, mâ to bbərə-kula lə Kristə ang ngaa.

Galatəje 2:6

A ənga tɔkəje kə̂ dɔ Egilisije tə̂ kə̂ dəwje oojede to dəwje kə̂ ngəng nya le, ngəng ləde le osom tə̂ ang. Mba Lubba aw ɔru kəm dəw ang. Dede le marə nɛ̂n dang kə̂ duwamje kə singa karə m-dda goto.