Luku 20:17 - Dɔnɔn kə̂ Siki: Tar kə̂ aw arə təbbə

¹⁷ Jeju ɔru kəmɛ̂ aade ngaâ pa nan: «Tar kə̂ n̂-dda Makəturu tə̂ lə Lubba nəənn gəle nan ddi wa? Tar le nan: ‹Ər kə̂ njê-kɔsuje kəy mbətəje le, təl ddee to singa gɔl kəy kə̂ dungu nangə̂.› »

Maketuru le Lubba ke tar kabba

¹⁷ Jeju ɔru keme aade a pa na: « Tar ke Lubba dda me Maketurute na: Er ke nje-kɔsuje key mbeteje. Er le tel ddee to singa gɔl key ke dungu nangê. Gel tar neenn na ddi wa?

Luku 20:17 Iomraidhean Croise

Matiye 21:42

Goe tə̂ a, Jeju dujude nan: «Ə-turaje tar kə̂ Makəturu lə Lubba pa nəənn ndɔ kâra ang bbay wa? Tar kə̂ nan: ‹Ər kə̂ njê-kɔsuje kəy mbətəje, təl ddee to singa gɔl kəy kə̂ dungu nangə̂. To nɛ̂n kə̂ in rɔ Əbbə-dəwje tə̂ ngaâ to nɛ̂n-mɔri kəmje tə̂.›

Marke 10:23

Jeju ila kəmɛ̂ aa nɛ̂n lo mbɔrɛ̂ tə̂ tɔyn ngaâ pa arə njê-njaje goe tə̂ nan: «To ngəng nya kə njê-nɛ̂n-kingaje karə dandəje Bbe-kɔn tə̂ lə Lubba.»

Marke 12:10

Ə-turaje tar kə̂ Makəturu lə Lubba pa nəənn ang wa? Makəturu le nan: ‹Ər kə̂ njê-kɔsu kəyje mbətəje le, ddee to singa gɔl kəy kə̂ dungu nangə̂.

Marke 3:5

Jeju aade tɔyn kə wungu. Rɔɛ̂ nəəle ang mba dəwje ddaje arə məde kətərə. Yeenn ngaâ n̂-pa narə dəw le nan: «Ə-ndɔju jii.» Dəw le ndɔju jia ngaâ jia le təl ddee maji.

Luku 19:41

Jeju ddee ngɔsi kə Jerujalɛm ngaâ oo bbe le a nɔn mbɛɛ̂.

Luku 22:37

Mba m-pa marəse: Maji karə tar nɛ̂nje kə̂ n̂-pa dɔm tə̂ mə Makəturu tə̂ lə Lubba nəənn ingam njaa. Tar le nan: ‹Dəwje ooeje to marə dəw kə̂ maji ang.› Tar kə̂ dɔm tə̂ nəənn le ddee ngɔsi ta kɔsu kɔnyɛ̂ baann tɔkɔrɔ ngaa.»

Luku 22:61

Əbbə-dəwje turu rɔɛ̂ ngaâ aa Piyɛr le. Piyɛr le ole məɛ̂ dɔ tar tə̂ kə̂ Əbbə-dəwje pa arɛ̂ nan: «Kete bba karə kuran nɔn bbokənɛn, â mayn pa nan ə-gərəm ang gɔl mota le.»

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Tar kə̂ Maji kə̂ Jan dda makəturu tə̂ 15:25

A nɛ̂ɛnn le to tokə baann bba karə tar kə̂ n̂-dda Makəturu-Ndu tə̂ ləde ddee to nɛ̂n kə̂ tɔkɔrɔ. Tar le nan: ‹N̂-mbətəmje baa njaa.›

Kulaje 4:11

Ne â makəturuje lə Lubba pa tar laa nan: ‹N̂-to ər kə̂ see njê-kɔsuje kəy ə-mbətəje le. Ər le təl ddee to singa gɔl kəy kə̂ dungu nangə̂.›

Epɛjinyɛje 2:20

Ə-toje tokə lə dəbbə ərje kə̂ dɔsu nɛ̂n kəy, kə̂ gɔl kəy le to njê-kaw-kulaje kə njê-kilaje mbər tar lə Lubba ngaâ Jeju-Kristə njaa to singa gɔl kəy kə̂ dungu nangə̂ le.

1 Piyɛr 2:6

Mba, Makəturu lə Lubba pa nan: «Ooje, m-mbərə ər kə̂ gatɛ̂ ngəng, mila tɔkə bbe tə̂ kə̂ Sinyɔ, to ər kə̂ to singa gɔl kəy kə̂ dungu nangə̂. Dəw kə̂ ar dɔɛ̂ tə̂ a, rɔ-kul a kɔru kəmɛ̂ ang.»