Luku 2:9 - Dɔnɔn kə̂ Siki: Tar kə̂ aw arə təbbə

⁹ Anjə lə Əbbə-dəwje tee ingade ngaâ ndoko lə Əbbə-dəwje uru dɔde tə̂. Bbəəl uta dɔde.

Maketuru le Lubba ke tar kabba

⁹ Mare anji tee ingade, a ndoko le *Ebbe-dewje uru dɔde te. Bbel ddade nya.

Luku 2:9 Iomraidhean Croise

Matiye 1:20

Jojɛpə aw əjə tar nəənn le məɛ̂ tə̂ bbay a, marə anjə lə Əbbə-dəwje tee ingɛ̂ mə nin tə̂ ngaâ pa arɛ̂ nan: «Jojɛpə dəw kə̂ gəl Dabbiti tə̂, ə-bbəəl ang bbo ə-taa Mari to dɛnɛ̂n ləi, mba səm lə ngonn kə̂ to məɛ̂ tə̂ le ddee ddəw tə̂ lə Ndil-mə-nda.

Luku 1:28

Anjə le andə dɔɛ̂ tə̂ ngaâ pa nan: «Lapiya! Əi kə̂ Lubba dda səi mə-maji nya. Əbbə-dəwje ee səi.»

Luku 2:8

Nangə tə̂ kə̂ Betelehɛm, njê-ngəm nɛ̂n-kuulje isije muû, daw ngəmje nɛ̂n-kuulje ləde til tə̂.

Luku 24:4

Dəjəje nɛ̂n kə̂ dooje le pin. A ta koo a, dingawje joo kə̂ ulaje kubbu kə̂ ndɔnrɛn undaje lo tee ingajede.

Tar kə̂ Maji kə̂ Jan dda makəturu tə̂ 12:41

Ejayi pa baann mba noo piti lə Jeju ngaâ n̂-pa tar laa.

Kulaje 12:7

A ta koo a, marə anjə lə Əbbə-dəwje unda lo tee ngaâ mə kəy-kula le ndoko. Anjə le ɔru kar Piyɛr arə ndol ngaâ pa nan: «In taar njangə.» Kula njamjije kə̂ jia tə̂ le gaynje nangə̂.

Kulaje 27:23

Til tə̂ nəənn, Lubba kə̂ m-to dəw laa ngaâ maw pole arə marə anjə laa tee ingam,

Kulaje 5:19

A marə anjə lə Əbbə-dəwje ddee til tə̂ tɔru ta kəy-kula arə n̂-teeje ngaâ pa arəde nan:

2 Kɔrɛntinyɛje 3:18

Jeje tɔyn kə̂ marə nɛ̂n ɔnn kəmje ang, ndoko lə Əbbə-dəwje aw təəl rɔje tə̂ tokə lə nɛ̂n-koo-rɔ. N̂-turuje narə n-to tokə laa, jaw ndoko kə kete kete tokə lə Əbbə-dəwje kə̂ to Ndil.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

Ebərəje 12:21

Nɛ̂n kə̂ daw dooje le to bbəəl nya arə Mɔyijə pa nan: «M-bbəəl nya arə maw misa.»

Apokalisi 18:1

Goe tə̂ a, moo marə anjə dang in darâ aw ddisi. Nee kə singa kə̂ ngəng ngaâ ndoko laa uru dɔ nangə tə̂.

Apokalisi 20:11

Goe tə̂ a, moo tɔkə ngende-mbay kə̂ nda kə dəw kə̂ isi dɔɛ tə̂. Nangə kə dara ɔtuje aynje nɔɛ̂n tə̂ kə ddang arə dəw təl oode ang ngaa.