Luku 2:49 - Dɔnɔn kə̂ Siki: Tar kə̂ aw arə təbbə

⁴⁹ Nilade tə̂ nan: «Aw ə-sangəmje mba ddi wa? Ə-gərəje to, to tar ləm ta dda kula lə Bɔmje ang wa?»

Maketuru le Lubba ke tar kabba

⁴⁹ N̂-tel ke tar narede na: « Aw e-sangemje mba ddi wa? E-gereje to, to tar lem ta dda kula le Bɔmje ang wa?»

Luku 2:49 Iomraidhean Croise

Matiye 21:12

Goe tə̂ a, Jeju andə mə kəy-polo Lubba tə̂ ngaâ tubba dəwje tɔyn kə̂ aw labbəje nɛ̂n ddəm aw ndokoje nɛ̂n ddəm mə kəy tə̂ le. N̂-tuta tabələ lə njê-mbəlje narɛ n̂-tila. N̂-tuta nɛ̂n-kisi lə njê-labbəje dərje n̂-tila.

Luku 2:48

Kɔɛ̂nje de kə bɔɛ̂je dundaje kəmde dooeje a, darje baa nding. Kɔɛ̂nje duje nan: «Ngonnəm, mba ddi njaa bba ə-dda kə je nɛ̂n tokə be wa? Oo, əman ddəm bɔije ddəm jaw sangi kə kəjə-tar.»

Tar kə̂ Maji kə̂ Jan dda makəturu tə̂ 4:34

Jeju pa arəde nan: «Nɛ̂n-kusa ləm to ənga dda nɛ̂n kə̂ mə Lubba kə̂ ulam ndiki, ta dda kula kə̂ narəm le tunga.

Tar kə̂ Maji kə̂ Jan dda makəturu tə̂ 5:17

A Jeju pa arəde nan: «Bɔmje aw dda kula ndərəng bbasinɛn. Əman kara maw dda kula tɔ.»

Tar kə̂ Maji kə̂ Jan dda makəturu tə̂ 5:36

«A tar-naji kə̂ dɔm tə̂, kə̂ ngəng uta ye kə̂ Jan pa to. Mba kula kə̂ Bɔ ulam arə maw dda le njaa aw pa tar-naji ləm ngaâ tɔju to Bɔ â ulam.

Tar kə̂ Maji kə̂ Jan dda makəturu tə̂ 6:38

Tɔkɔrɔ njaa, min darâ m-ddee ta dda nɛ̂n kə̂ mə dəw kə̂ ulam ndiki, bbo nɛ̂n kə̂ məm ndiki â m-ddee ta dda ang.

Tar kə̂ Maji kə̂ Jan dda makəturu tə̂ 8:29

Dəw kə̂ ulam ee səm. Ninyam kə karəm baa ang, mba maw dda nɛ̂n kə̂ nəəle kə ndɔ tɔyn.»

Tar kə̂ Maji kə̂ Jan dda makəturu tə̂ 9:4

Kar nayn baa bbay â, maji karə n-ddaje kula lə dəw kə̂ ulam. Mba til aw ddee arə dəw a kasə dda kula ang.