Luku 2:34 - Dɔnɔn kə̂ Siki: Tar kə̂ aw arə təbbə

³⁴ Simenyɔ bbar tar kə̂ maji dɔde tə̂ ngaâ pa arə Mari kɔn Jejuje le nan: «Oo, ddəw tə̂ lə ngonn nəənn, marə dəwje nya horo ngann Ijarayɛlje tə̂ a kosoje ngaâ marɛ̂je nya a kubbaje nangə kinje ddəm nâ to nɛ̂n kə̂ a ddee kə mayn naan tar ddəm

Maketuru le Lubba ke tar kabba

³⁴ Simeyɔn bbar Tar ke Maji dɔde te ngaa pa are Mari kɔn Jejuje le na: « Oo, ddew te le ngonn neenn, mare dewje nya a kosoje ke mareje nya a kinje taar horo ngann Ijarayelje te ddem, na to ne ke a ddee ke mayn̂-naa-tar ddem,

Luku 2:34 Iomraidhean Croise

Matiye 11:19

Ngonn lə dəw ddee ngaâ ɔn muru ddəm ay nɛ̂n ddəm a dəwje paje nan: ‹N̂-to nje-nɛ̂n-kusa kə nje-nɛ̂n-kay. N̂-to nje-buwa-kura lə njê-taaje narɛ lambo ddəm njê-nɛ̂n-ddaje kə̂ maji ang ddəm.› A kulaje kə̂ kəm-karɛ lə Lubba le aw dda, tɔju to kəm-karɛ le to gatə gatə.»

Matiye 12:46

Jeju nayn aw pa tar kə dəwje kə̂ banya le bbay a, kɔɛ̂nje kə ngakɔɛ̂nje, n̂-ddeeje darje ddaka ngaâ daw sangəje ddəw ta pa saa tar.

Matiye 21:44

Dəw kə̂ oso dɔ ər tə̂ le a, a guru rɔɛ̂ ngaâ dəw kə̂ ər le oso dɔɛ̂ tə̂ a, a nyarɛ̂.»

Matiye 27:63

n̂-paje nan: «Dəw kə̂ bo, jole məje to, dɔ ndɔ tə̂ kə̂ nje-kərə dəwje nəənn le nayn nɛ̂n kəm baa bbay le, n̂-pa nan: ‹Ndɔ mota go yo tə̂ ləm a, mâ ndol.›

Luku 2:35

bba karə nɛ̂n kə̂ dəwje aw əjəje məde tə̂, tee kə ddaka. A əi njaa kara wuri a ti tokə dəw kə̂ kiya riya dɔ bbəngəre.»

Tar kə̂ Maji kə̂ Jan dda makəturu tə̂ 3:20

Dəwje tɔyn kə̂ aw ddaje majang ndikije lo-karɛ ang arə n̂-ddeeje kə lo-karɛ tə̂ ang mba kin karə dəwje ooje nɛ̂n-ddaje ləde kə̂ maji ang.

Tar kə̂ Maji kə̂ Jan dda makəturu tə̂ 5:18

Mba tar nəənn le, njê-kɔnje dɔ Jiipije aw sangəje ddəw kə kete kete ta tɔl Jeju. Mba n̂-bbəəl ndɔ-kuwa-rɔ lə Jiipije ang ngaâ dɔɛ tə̂ bbay, n̂-pa nan Lubba to Bɔɛ̂je njaa. Yeenn tɔju to n̂-dda rɔɛ̂ to dəw kə̂ asə naan kə Lubba.

Kulaje 13:45

Jiipije ooje dəwje kə̂ banya le a, mə ddade. N̂-paje tar kə̂ aw tila kəm tar lə Pɔl ngaâ n̂-tajɛ̂je.

Kulaje 17:6

Dingaje Pɔl de kə Silas le ang ngaâ duwaje Jasɔn kə marə njê-mə-kunnje dawje kə de nɔn njê-kɔn-bbeje tə̂ ngaâ n̂-paje kə taar nan: «Dəwje nəənn tujuje lo tɔyn kə̂ dɔ nangə tə̂, a bbasinɛn n̂-teeje nəənn ngaa.

Kulaje 24:5

Joo a, dingaw nəənn to dəw kə̂ maji ang nya. N̂-dda narə lo yəkə horo Jiipije tə̂ tɔyn kə̂ dɔ nangə tə̂. Ngaâ n̂-to marə mbay dɔ mbɔn-naan tə̂ lə dəwje kə̂ Najarɛtə kə̂ to mbɔn-naan kə̂ maji ang.

Kulaje 28:22

A jaw duji karə əi njaa ɔru gəl nɛ̂n kə̂ aw əjə arəje, mba n-gərə to loje tə̂ tɔyn, dəwje aw mbətəje kuwa-dɔ-naan kə̂ ee məɛ tə̂ nəənn to mbətə dɔrɔ.»

Kulaje 4:26

Njê-kɔn-bbeje tɔyn kə̂ nangə̂ nəənn gɔlje rɔde ta dda ddɔ ngaâ tɔkə mbayje mbɔnje naan ta mbətə Əbbə-dəwje ddəm Kristə laa ddəm.›

Kulaje 6:7

Tar lə Lubba nja kə kete kete ngaâ kɔr njê-njaje go Jeju tə̂ aw kə kete kete mə bbe tə̂ kə̂ Jerujalɛm. Njê-poloje Lubba tokə banya unnje məde arə Jeju.

Rɔmɛnje 9:32

Mba ddi wa? Mba dəjəje to dâ ddeeje gatə gatə ddəw kula-ddade tə̂ bbo ddəw mə-kunn tə̂ ang. N̂-tukaje gɔlde ər tə̂ kə̂ dəwje aw tukaje gɔlde tə̂ aw osoje,

1 Kɔrɛntinyɛje 1:23

A jeje, jaw jila mbər tar lə Kristə kə̂ n̂-tɔlɛ̂ kakə-dəsə tə̂. Jiipije ooje tar le to tar-kɔbbu, a Gɛrɛkəje ooje to tar mbə.

Ebərəje 7:1

Ləw, Mɛlkisedɛk to tɔkə mbay kə̂ tɔkə bbe tə̂ kə̂ Salɛm ddəm nje-polo Lubba kə̂ nje-kisi ddutu dara tə̂ ddəm. Marə ndɔ, kar kə̂ Abaraham tətə tɔkə mbayje kə ddɔ ngaâ aw təl a, Mɛlkisedɛk le tila kəmɛ̂ ngaâ bbar tar kə̂ maji dɔɛ̂ tə̂.

Ebərəje 7:7

Dəw kə̂ bo â aw bbar tar kə̂ maji dɔ dəw tə̂ kə̂ ngaji. Yeenn to nɛ̂n kə̂ dəw asə ta mayn ang.

1 Piyɛr 4:14

Bbo dəwje tajise mba nja kə̂ aw njaje go Kristə tə̂ a, maji arəse, mba Ndil lə Lubba kə̂ to Ndil piti to dɔse tə̂.