Luku 19:47 - Dɔnɔn kə̂ Siki: Tar kə̂ aw arə təbbə

⁴⁷ Naw tɔju nɛ̂n kə ndɔ tɔyn mə kəy-polo Lubba tə̂ le. Mbayje lə njê-poloje Lubba kə njê-gərəje-Ndu kə tɔkə dəwje aw sangəje ddəw ta tɔlɛ̂.

Maketuru le Lubba ke tar kabba

⁴⁷ Naw n̂-tɔju ne ke ndɔ tɔyn me *key-polo-Lubba te le. Ngaa tɔku nje-poloje Lubba ke *nje-kɔruje gel-ndu ke tɔku dewje aw sangeje ddew ta tɔle.

Luku 19:47 Iomraidhean Croise

Matiye 21:23

Jeju andə mə kəy-polo Lubba tə̂ aw tɔju nɛ̂n. A mbayje lə njê-poloje Lubba kə tɔkəje lə Jiipije ddeeje rɔɛ̂ tə̂. N̂-paje darɛ̂ nan: «Kə ri nân njaa aw dda nɛ̂n nɛ̂ɛnn wa? Wase nân njaa bba ari singa karə ə-dda nɛ̂n nɛ̂ɛnn wa?»

Matiye 26:55

Goe tə̂ a, Jeju pa arə dəwje kə̂ banya le nan: «Ə-ddeeje kə tɔkə kiyaje kə kakəje bba ta kuwam nɛ̂n tokə nɛ̂n kə̂ m-to dəw kə̂ maji ang wa? Kə ndɔ tɔyn, maw misi kəy-polo Lubba tə̂ maw tɔju nɛ̂n, a uwamje ang.

Marke 11:18

Mbayje lə njê-poloje Lubba kə njê-gərəje-Ndu ooje tar le ngaâ aw sangəje gusu kə̂ ta tɔl nɛ̂n Jeju. N̂-bbəəlje nya, mba nɛ̂n-tɔju laa aw gangə singa dəwje kə̂ banya le tɔyn.

Marke 12:12

Mbayje lə njê-poloje Lubba aw sangəje ddəw ta kuwa Jeju le, mba n̂-gərəje to dede â Jeju aw pa gusu-tar nəənn ɔju dɔde. A n̂-bbəəlje dəwje kə̂ banya le ngaâ dinyɛ̂je a dɔtuje.

Marke 14:1

Kusu Pakə kə kusu mapa kə̂ n̂-dda kə wum ang naynje ndɔ joo baa. A mbayje lə njê-poloje Lubba kə njê-gərəje-Ndu aw sangəje ddəw kə̂ ta kuwa nɛ̂n Jeju kə gusu tɔlɛ̂.

Marke 14:49

Kə ndɔ tɔyn mee horose tə̂ kəy-polo Lubba tə̂ maw tɔju nɛ̂n, a uwamje ang. A nɛ̂n nəənn to mba karə tar kə̂ Makəturu lə Lubba pa ddee to tar kə̂ tɔkɔrɔ.»

Luku 19:48

A n̂-gərəje nɛ̂n kə̂ ta dda bba ta tɔlɛ̂ nɛ̂n ang, mba dəwje tɔyn aw tukaje mbide nya aw ooje nɛ̂n tar kə̂ tɛɛ̂ tə̂.

Luku 20:19

Kar tə̂ənn njaa mbayje lə njê-poloje Lubba kə njê-gərəje-Ndu aw sangəje ddəw ta kuwɛ̂, a n̂-bbəəlje kəm dəwje. Mba n̂-gərəje to dede â Jeju aw pa gusu-tar nəənn ɔju dɔde.

Tar kə̂ Maji kə̂ Jan dda makəturu tə̂ 10:39

Jiipije sangəje ddəw ta kuwɛ̂ bbay, a n̂-tee mə jide tə̂ nayn.

Tar kə̂ Maji kə̂ Jan dda makəturu tə̂ 18:20

Jeju ilɛ̂ tə̂ nan: «M-pa tar kə ddaka marə dəwje kə̂ duninya tə̂ tɔyn. M-tɔju nɛ̂n kə ndɔ tɔyn mə kəy mbɔn-naanje tə̂ kə mə kəy-polo Lubba tə̂ kə̂ Jiipije tɔyn aw mbɔnje naan tə̂. M-pa marə tar lo-kiyɛ̂ tə̂ ang.

Tar kə̂ Maji kə̂ Jan dda makəturu tə̂ 7:19

Mɔyijə â arəse Ndu ang wa? A dəw kâra horose tə̂ aw bbəəl Ndu ang. Yeenn a, mba ddi bba aw sangəje ddəw ta tɔləm wa?»

Tar kə̂ Maji kə̂ Jan dda makəturu tə̂ 7:44

Marɛ̂je horode tə̂ ndikije ta kuwɛ̂, a dəw kâra uwɛ̂ ang.