Luku 19:20 - Dɔnɔn kə̂ Siki: Tar kə̂ aw arə təbbə

²⁰ Marɛ̂ ddee ngaâ pa nan: ‹Əbbəmje kandə narɛ ləi le â nəənn, m-tɔ kə ta-kubbu m-ngəm.

Maketuru le Lubba ke tar kabba

²⁰ Mare ddee ngaa pa na: Ebbemje *kande-nare lei le a neenn, m-tɔ ke ta-kubbu bba m-ngem.

Luku 19:20 Iomraidhean Croise

Matiye 25:24

Gode tə̂ tɔyn a, ne kə̂ ninga kandə narɛ kɔr kâra le n̂-ddee ngaâ n̂-pa nan: ‹Əbbəmje, m-gərə to ə-to dəw kə̂ kətərə. Lo kə̂ ə-dubbu nɛ̂n tə̂ ang kara, aw uja nɛ̂n tə̂. Lo kə̂ ə-tila kandə-ko tə̂ ang kara, aw uja kandə-ko tə̂.

Luku 19:13

Kete bba karə nɔtu a, n̂-bbar marə njê-kulaje laa dɔku ngaâ dəw kâra a, narɛ̂ kandə narɛ kə̂ kɔrɛ̂ bo nya. N̂-pa narəde nan: ‹Ə-labbəje nɛ̂n kə narɛ nəənn ndərəng ndɔ kə̂ mâ təl ddee.›

Luku 19:19

Əbbeeje le pa arɛ̂ nan: ‹Əi kara mundai dɔ ngann bbeje tə̂ min tɔ.›

Luku 19:21

M-bbəəli nya mba ə-to dəw kə̂ kətərə nya. Nɛ̂n kə̂ ila ang kara unn ddəm nɛ̂n kə̂ ə-dubbu ang kara uja kandɛ̂ ddəm.›

Luku 3:9

Tinan to ngɔsi ta tuka nɛ̂n kakəje ngirɛ̂ tə̂ mban, kakə kâra kâra tɔyn kə̂ kandɛ̂ kə̂ maji goto tə̂, dâ tuka kila purô.»

Luku 6:46

«Mba ddi bba aw bbarəmje: Əbbə-dəwje, Əbbə-dəwje! A ə-ddaje nɛ̂n kə̂ maw pa marəse ang wa?

Tar kə̂ Maji kə̂ Jan dda makəturu tə̂ 11:44

Lajar kə̂ oy le tee, gɔlɛ̂je kə jiaje tokə tɔ kə ta-kubbu ddəm kəmɛ̂ tokə kiri kə ta-kubbu ddəm. Yeenn ngaâ Jeju pa nan: «Ə-tuteje bbo inyɛ̂je arəje naw.»

Tar kə̂ Maji kə̂ Jan dda makəturu tə̂ 20:7

kə kubbu kə̂ n̂-kə nɛ̂n dɔ Jeju le. Kubbu le kə ta-kubbu lɛɛn le toje lo kâra baa ang. Kubbu le n̂-kə dila dang.

Jakə 4:17

Yeenn a, dəw kə̂ gərə ddəw dda nɛ̂n kə̂ maji bba dda ang, dda majang.