Luku 19:13 - Dɔnɔn kə̂ Siki: Tar kə̂ aw arə təbbə

¹³ Kete bba karə nɔtu a, n̂-bbar marə njê-kulaje laa dɔku ngaâ dəw kâra a, narɛ̂ kandə narɛ kə̂ kɔrɛ̂ bo nya. N̂-pa narəde nan: ‹Ə-labbəje nɛ̂n kə narɛ nəənn ndərəng ndɔ kə̂ mâ təl ddee.›

Maketuru le Lubba ke tar kabba

¹³ N̂-bbar mare nje-kulaje laa dɔku narede *kande-nare dɔku ngaa n̂-pa narede na: E-ddaje nare neenn are uju mare ndereng ndɔ tel lem.

Luku 19:13 Iomraidhean Croise

Matiye 25:16

Dəw kə̂ inga kandə narɛ kɔr min le aw labbə nɛ̂n nɛ̂n ngaâ inga kandə narɛ kɔr min dɔɛ̂ tə̂ tɔ.

Matiye 25:20

Ne kə̂ ninga kandə narɛ kɔr min le naw ddee kə marə kandə narɛ kɔr min kə̂ ninga dɔɛ̂ tə̂ le ngaâ n̂-pa nan: ‹Əbbəmje, arəm kandə narɛ kɔr min, a ye kə̂ kɔr min kə̂ minga dɔɛ̂ tə̂ â nəənn.›

Matiye 25:22

Ne kə̂ narɛ̂ kandə narɛ kɔr joo le n̂-ddee tɔ ngaâ n̂-pa nan: ‹Əbbəmje, arəm kandə narɛ kɔr joo, a ye kə̂ kɔr joo kə̂ minga dɔɛ̂ tə̂ â nəənn.›

Matiye 25:24

Gode tə̂ tɔyn a, ne kə̂ ninga kandə narɛ kɔr kâra le n̂-ddee ngaâ n̂-pa nan: ‹Əbbəmje, m-gərə to ə-to dəw kə̂ kətərə. Lo kə̂ ə-dubbu nɛ̂n tə̂ ang kara, aw uja nɛ̂n tə̂. Lo kə̂ ə-tila kandə-ko tə̂ ang kara, aw uja kandə-ko tə̂.

Luku 19:12

Yeenn le bba n̂-pa nan: «Marə dəw aw aw kə marə bbe tə̂ ddəw əw ta karə dula mbay dɔɛ̂ tə̂ bba ta təl. N̂-to dəw kə̂ njê kə̂ gəle tə̂ to dəwje kə̂ bo.

Luku 19:14

A dəwje kə̂ bbeê laa ndikeje ang. Dulaje marə dəwje goe tə̂ darə aw paje nan: ‹N-ndiki karə dəw nəənn ddee to tɔkə mbay ləje ang.›

Tar kə̂ Maji kə̂ Jan dda makəturu tə̂ 12:26

Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»

Galatəje 1:10

A bbasinɛn nəənn, maw sangə ddəw ta ddee maji kəm dəwje tə̂ wase kəm Lubba tə̂ wa? Maw sangə ddəw ta nəəl kəm dəwje tə̂ wa? A bbo maw sangə ddəw ta nəəl kəm dəwje tə̂ a, mâ to bbərə-kula lə Kristə ang ngaa.

Jakə 1:1

Əman, Jakə kə̂ m-to bbərə-kula lə Lubba ddəm Əbbə-dəwje Jeju-Kristə ddəm m-dda lapiya dəwje kə̂ toje to Jiipije kə̂ gəl-kujude dɔku gire joo kə̂ sarɛnje naan mə bbeje tə̂ dang dang.

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.