Luku 18:7 - Dɔnɔn kə̂ Siki: Tar kə̂ aw arə təbbə

⁷ Lubba a gangə sariya lə dəwje laa kə̂ n̂-mbərəde kə̂ aw nɔnje nɔn gɔlɛ̂ tə̂ til kə kar ang wa? Nâ karə n̂-ngəbbə nya wa?

Maketuru le Lubba ke tar kabba

⁷ Yeenn a Lubba a gange sariya le dewje laa ke n̂-mberede, ke aw nɔje nɔ gɔle te til ke kare ang wa? Ngaa na ngebbe nya bba na kumade wa?

Luku 18:7 Iomraidhean Croise

Matiye 24:22

Bbo Əbbə-dəwje təl kə ndɔ nɛ̂njeenn le arə gɔju ang a, dəw kâra a kinga kaji ang. A n̂-təl nɛ̂n narə gɔju, mba dəwje kə̂ n̂-mbərəde tokə kete le.

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Matiye 7:11

Bbo sese kə̂ məse maji ang ddəm nəənn ə-gərəje ta karə nɛ̂n kə̂ maji ngannse. A Bɔsese kə̂ darâ a karə nɛ̂n kə̂ maji njê kə̂ dujeje ang wa?

Luku 11:13

Bbo sese kə̂ məse maji ang ddəm nəənn, ə-gərəje ta karə nɛ̂n kə̂ maji ngannse a, Bɔy kə̂ darâ a karə Ndil-mə-nda njê kə̂ dujeje ang wa?»

Luku 2:37

N̂-tɔ wure nisi to dɛnɛ̂n-ndubba ndərəng bbal kuje asə dɔjijoo gire sɔ. Ninya kəy-polo Lubba ndɔ kâra ang, naw dda kula lə Lubba til kə kar ddəw kɔku rɔɛ̂ nɛ̂n-kusa tə̂ kə duju Lubba tə̂.

Luku 21:28

Bbo nɛ̂ɛnn unn kutu ta ddee a, arje njarara dɔ gɔlse tə̂ ta uwaje dɔse kə taar, mba ndɔ kɔruse mə bbərə tə̂ nayn ngɔsi ngaa.»

Rɔmɛnje 8:33

Nân bba a kunda tar dɔ dəwje tə̂ kə̂ Lubba mbərəde wa? Dəw kâra ang, mba Lubba njaa arə n̂-ddeeje gatə gatə kəmɛ̂ tə̂.

Kolosinyɛje 3:12

Lubba â mbərəse arə ə-ddeeje to dəwje laa kə̂ n̂-ndikise nya. Yeenn bba, maji karə ooje ndoo lə dəwje, ə-ddaje maji kə dəwje, ə-ddaje rɔse ngaji, ə-wulje pee ngaâ ə-tɔje wurse.

1 Tesalonisinyɛje 3:10

Til kə kar, jaw duju Lubba nya karə ɔru ddəw arə jaw joose, bba karə ingaje nɛ̂n kə̂ du mə-kunn tə̂ ləse.

2 Tesalonisinyɛje 1:6

Mba to kə dɔgɔlɛ̂ karə dəwje kə̂ ulaje kəmse ndoo tə̂ le, Lubba ula kəmde ndoo tɔ.

1 Timɔte 5:5

Dɛnɛ̂n-ndubba kə̂ isi kə karɛ̂ baa ngaâ nje-kaa lo kə dɔɛ̂ tə̂ goto, unda məɛ̂ kə̂ dɔ Lubba tə̂. Nəw ta dda rɔɛ̂ to ndoo rɔ Lubba tə̂ ang, naw duju Lubba, til kə kar.

2 Timɔte 1:3

Marə wooyo nya Lubba kə̂ maw pole kə kəjə kə̂ maji tɔyn go kamjedede tə̂. Kar tɔyn kə̂ maw duju Lubba, maw pa saa tar mbai til kə kar.

2 Timɔte 2:10

Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

1 Piyɛr 1:1

Əman Piyɛr, nje-kaw-kula lə Jeju-Kristə, m-dda makəturu nəənn mula nɛ̂n marə dəwje kə̂ Lubba mbərəde, kə̂ sarɛnje naan ngaâ isije dang dang to njê-mbaje, nangə tə̂ kə̂ Pɔn, nangə tə̂ kə̂ Galasi, nangə tə̂ kə̂ Kapados, nangə tə̂ kə̂ Aji kə nangə tə̂ kə̂ Bitini.

2 Piyɛr 3:9

Marə dəwje aw paje nan Əbbə-dəwje aw tila nya bba ta dda nɛ̂n kə̂ nunn ndue ta dda le. A nɛ̂ɛnn to tokə baann ang. Naw tɔ wure mbase, mba n̂-ndiki ta karə dəw kâra nayn kə kɔrɔ̂ ang. N̂-ndiki ta karə dəwje tɔyn njaa turuje ddəw ləde.

Apokalisi 18:20

Dəwje kə̂ darâ, ə-ddaje rɔ-nəəl mba koso lə Babilɔnn le. See dəwje lə Lubba, see njê-kaw-kulaje kə njê-kilaje mbər tar lə Lubba, ə-ddaje rɔ-nəəl tɔ, mba Lubba gangə sariya dɔɛ̂ tə̂ mba nɛ̂n kə̂ n̂-dda kə se le.

Apokalisi 6:10

Daw duruje əkii kə taar nan: «Əbbə-dəwje, əi kə̂ ə-maji tɔyn ngaâ ə-to dəw kə̂ tɔkɔrɔ, â nginan ndərəng ndɔ kə̂ dda bba â gangə sariya dɔ dəwje tə̂ kə̂ dɔ nangə tə̂ nəənn, ta kila barə ləje mba tɔl kə̂ n̂-tɔlje le wa?»

Apokalisi 7:15

Mba yeenn bba, darje nɔn ngende-mbay tə̂ lə Lubba daw poleje til kə kar mə kəy tə̂ kə̂ daw pole tə̂. Ne kə̂ nisi ngende-mbay tə̂ le, nâ ngəmde.