Luku 18:43 - Dɔnɔn kə̂ Siki: Tar kə̂ aw arə təbbə

⁴³ Kar tə̂ənn njaa n̂-təl noo lo ngaâ nunn go Jeju naw nɔsu gaji Lubba. Dəwje tɔyn kə̂ ooje nɛ̂ɛnn le ɔsuje gaji Lubba.

Maketuru le Lubba ke tar kabba

⁴³ Kare teenn njaa n̂-tel noo lo ngaa nunn go Jeju naw nɔsu ne gaji Lubba. Dewje tɔyn ke ooje neenn le pitije Lubba.

Luku 18:43 Iomraidhean Croise

Matiye 11:5

Ə-paje nan: ‹Njê-kəm-tɔje ooje lo, njê-gɔl-gotoje njaje, banji lə dəwje goto rɔde tə̂ kə ddang, njê-mbi-kutuje ooje tar, dəwje kə̂ oyje ndolje ngaâ njê-ndooje ooje Tar kə̂ Maji.›

Matiye 21:14

Njê-kəm-tɔje kə njê-mətəje ddeeje rɔɛ̂ tə̂ mə kəy-polo Lubba tə̂ le ngaâ najide narə rɔde ddee maji.

Matiye 9:8

Dəwje kə̂ banya le ooje baann a, bbəəl uta dɔde ngaâ dɔsuje gaji Lubba mba singa kə̂ baann kə̂ narə dəwje le.

Luku 13:17

Jeju aw pa tar le baann a, rɔ njê-baanje laa tɔyn wul. A dəwje kə̂ banya le rɔde nəəlde mba nɛ̂n-pitije kə̂ Jeju aw dda le.

Luku 19:37

N̂-ddee ngɔsi kə Jerujalɛm kə ddəw kə̂ ta kin nɛ̂n dɔ ddingiri Olibəje tə̂ le ddisi a, rɔ njê-njaje goe tə̂ tɔyn kə̂ banya nəəlde ngaâ daw dɔsuje gaji Lubba kə taar mba nɛ̂n-mɔrije tɔyn kə̂ dooje le.

Luku 4:39

N̂-bbunga kə dɔ dɛnɛ̂n tə̂ le, nin kə rɔ-to le ngaâ rɔ-to le inya dɛnɛ̂n le. Kar tə̂ənn njaa, dɛnɛ̂n le in taar unn kutu karəde nɛ̂n-kusa.

Luku 5:26

Dəwje tɔyn ooje a, dɔde ayn ngaâ ɔsuje gaji Lubba. Bbəəl uta dɔde ngaâ n̂-paje nan: «Joo nɛ̂n-kɔbbu bbokənɛn.»

Luku 9:43

Dɔ dəwje tɔyn ayn mba tɔkə-mbangə lə Lubba kə̂ dooje le. Nɛ̂nje kə̂ Jeju aw dda le dum dɔ dəwje, a n̂-pa narə njê-njaje goe tə̂ nan:

Kulaje 11:18

Dəwje le ooje tarjeenn le a, əwje rɔde ngaâ ɔsuje gaji Lubba paje nan: «Lubba arə ddəw dəwje kə̂ toje to Jiipije ang karə n̂-turuje məde mba kinga nɛ̂n təbbə tɔ.»

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Kulaje 4:21

N̂-təlje dinje kə de bbay, a dinyajede mba dingaje marə tar kə̂ a kasə karəde ddəw karə duwaje nɛ̂n de ang. Mba dəwje tɔyn aw ɔsuje gaji Lubba mba nɛ̂n kə̂ to le.

Galatəje 1:24

Ngaâ, njê-mə-kunnje le aw ɔsuje gaji Lubba mbam.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.