Luku 18:31 - Dɔnɔn kə̂ Siki: Tar kə̂ aw arə təbbə

³¹ Jeju bbar njê-kaw-kulaje laa kə̂ dɔku gire joo kə rɔɛ̂ tə̂ ngaâ pa arəde nan: «Ooje, jaw jawje kə Jerujalɛm, nu le, nɛ̂nje tɔyn kə̂ njê-kilaje mbər tar lə Lubba ddaje Makəturu tə̂ dɔ Ngonn lə dəw tə̂ le a ddee to nɛ̂n kə̂ tɔkɔrɔ.

Maketuru le Lubba ke tar kabba

³¹ Jeju bbar *nje-kayn̂-kulaje laa ke dɔku gire joo ke rɔe te ngaa n̂-pa narede na: « Ooje, jawje ke Jurusalam ngaa neje tɔyn ke nje-kilaje mber-tar le Lubba ddaje me Maketurute wɔju dɔ Ngonn le dew a ddee ne ke tɔkɔrɔ.

Luku 18:31 Iomraidhean Croise

Matiye 16:21

Dɔ ndɔɛ̂ tə̂ənn njaa, Jeju unn kutu pa kə ddaka karə njê-njaje goe tə̂ nan to tar laa ta kaw Jerujalɛm, ta koo ndoo ji tɔkəje tə̂ lə Jiipije kə mbayje lə njê-poloje Lubba kə njê-gərəje-Ndu. Dâ karə n̂-tɔlɛ̂ ta ndɔ mota goe tə̂ a, nâ ndol.

Matiye 27:63

n̂-paje nan: «Dəw kə̂ bo, jole məje to, dɔ ndɔ tə̂ kə̂ nje-kərə dəwje nəənn le nayn nɛ̂n kəm baa bbay le, n̂-pa nan: ‹Ndɔ mota go yo tə̂ ləm a, mâ ndol.›

Marke 8:9

Kɔr dəwje kə̂ eeje lo tə̂ənn le asə doro sɔ. Goe tə̂ a, Jeju tubbade arə n̂-təlje bbeê ləde.

Luku 10:30

Jeju ilɛ̂ tə̂ bbay nan: «Marə ndɔ, marə dingaw in Jerujalɛm aw kə Jeriko a, oso ji njê-bbokoje tə̂. N̂-bbokoje nɛ̂nje laa tɔyn ngaâ n̂-tundɛ̂je darə n̂-nayn ngɔsi ta koy bba n̂-tuseje dinyɛ̂je ngaâ dɔtuje.

Luku 9:22

Jeju pa bbay nan: «Maji karə Ngonn lə dəw oo ndoo nya, maji karə tɔkəje lə Jiipije kə mbayje lə njê-poloje Lubba kə njê-gərəje-Ndu mbəteje, maji karə n̂-tɔlɛ̂je ngaâ ndɔ mota goe tə̂ a, n̂-ndol.»

Luku 9:51

Ndɔ kə̂ Lubba a ta kunn Jeju ta təl saa darâ ddee ngɔsi. Yeenn bba Jeju le ndiki ta kaw to kaw njaa Jerujalɛm.