Luku 18:11 - Dɔnɔn kə̂ Siki: Tar kə̂ aw arə təbbə

¹¹ Parijinyɛ le ar taar ngaâ duju Lubba mba tar dɔɛ̂ njaa nan: ‹Lubba, mari wooyo mba m-to tokə kəsə dəwje ang. Kəseje toje to njê-bbokoje, njê-nɛ̂n-ddaje kə̂ gatə gatə ang, njê-ddaje lo-to-majang. M-to tokə nje-taa narɛ lambo nəənn ang tɔ.

Maketuru le Lubba ke tar kabba

¹¹ Parijiyen le ar taar ngaa duju Lubba wɔju dɔe njaa na: Lubba, mari wooyo mba m-to toke kese dewje ang. Keseje toje to nje-bbokoje, nje-ne-ddaje ke gate gate ang, nje-ddaje lo-to-majang wase m-to toke nje-taa nare-lambo neenn ang.

Luku 18:11 Iomraidhean Croise

Matiye 10:3

Pilipi de kə Bartelemi, Toma de kə Matiye kə̂ to nje-taa narɛ lambo, Jakə ngonn lə Alpe kə Tade.

Matiye 5:20

M-pa marəse: Bbo ə-ddaje nɛ̂n kə̂ gatə gatə uta njê-gərəje-Ndu wase Parijinyɛje ang a, a kandəje Bbe-kɔn tə̂ kə̂ darâ ang.»

Matiye 6:5

«Bbo aw dujuje Lubba a, ə-ddaje tokə lə njê-ngəmje ang. Dede, n̂-ndikije nya ta kar taar bba duju Lubba mə kəy mbɔn-naanje tə̂ wase tɔ-ddəwje tə̂ karə dəwje tɔyn oojede. Tɔkɔrɔ njaa, m-pa marəse, dingaje kuka ləde mban.

Marke 11:25

Bbo arje taar ta duju Lubba, a bbo eeje kə tar kə marə dəw a, ɔruje tar le dɔɛ̂ tə̂, arəje Bɔsese kə̂ isi mə dara tə̂ ɔru tar dɔse tə̂ tɔ. [

Luku 20:47

Daw taaje nɛ̂nje lə dɛnɛ̂n-ndubbaje tɔyn jide tə̂, daw dujuje Lubba darə kure əw mba kəm dəwje. Mba yeenn bba sariya kə̂ dɔde tə̂ a ngəng nya kuta lə kəsə dəwje.»

Luku 22:41

Goe tə̂ a, nɔru rɔɛ̂ naw ddəw əw asə kɔr ər kə̂ dəw ila ngaâ nɔsu gɔlɛ̂ nangə̂, n̂-duju Lubba,

Galatəje 3:10

A ndu-ndɔɔl to dɔ dəwje tə̂ tɔyn kə̂ aw undaje məde dɔ ngəm Ndu tə̂. Mba Makəturu lə Lubba pa nan: «Tarje tɔyn kə̂ to Makəturu-Ndu tə̂, bbo dəw ngəm ang ddəm dda nɛ̂n kula ang ddəm a, Ndu-ndɔɔl to dɔɛ̂ tə̂.»

Pilipinyɛje 3:6

Bbo dda kula lə Lubba to məm tə̂ nya arə m-dda singa kə Egilisi nya. Tar to dɔm tə̂ ang, mba maw dda nɛ̂nje kə̂ gatə gatə ddəw ndu tə̂.

Apokalisi 3:17

Ə-pa nan: ‹M-to nje-nɛ̂n-kinga, minga nɛ̂n nya, marə nɛ̂n kâra dum ang.› A ə-gərə ang. Ə-to ndoo ddəm marə nɛ̂n kâra to jii tə̂ ang ddəm. Ə-to nje-ndoo ddəm nje-kəm-tɔ ddəm ngaâ kubbu goto rɔi tə̂.