Luku 17:29 - Dɔnɔn kə̂ Siki: Tar kə̂ aw arə təbbə

²⁹ A ndɔ kə̂ Lotə unda nɛ̂n lo tee kə ddang mə bbe tə̂ kə̂ Sɔdɔm le, puru kə supərə in darâ gayn tokə lə ndi ngaâ tɔl dəwje tɔyn.

Maketuru le Lubba ke tar kabba

²⁹ A ndɔ te ke Lote unda lo tee me bbe te ke Sɔdɔm ke ddang a, puru in darâ gayn nangê toke mare le kɔju* ngaa tɔlde tɔyn.

Luku 17:29 Iomraidhean Croise

Luku 17:28

Ndɔ təl lə Ngonn lə dəw a to tokə dɔ ndɔ lə Lotə. Dəwje aw usaje, aw ayje, aw ndokoje nɛ̂n, aw labbəje nɛ̂n, aw dubbuje nɛ̂n, aw ddaje kəyje.

Luku 17:30

Nɛ̂ɛnn a to ddəw kâra baa ndɔ tə̂ kə̂ Ngonn lə dəw a tee nɛ̂n kəm dəwje tə̂.

2 Piyɛr 2:6

Goe tə̂ a, dəwje kə̂ Sɔdɔm kə Gɔmɔr, Lubba gangə sariya-yo dɔde tə̂ ngaâ narə n̂-ro bbeje le darə ddee to bu. Yeenn to nɛ̂n-kɔju-marɛ̂ mba njê-nɛ̂n-ddaje kə̂ maji ang kə̂ ndɔ tə̂ kə̂ bara.

Judə 1:7

Oleje məse dɔ tar tə̂ lə dəwje kə̂ bbeje tə̂ kə̂ Sɔdɔm kə Gɔmɔr kə lə dəwje kə̂ mə bbeje tə̂ kə̂ mbɔrde tə̂. N̂-ddaje maji ang tokə lə anjəje le tɔ. Dunnje rɔde dilaje kula kaya tə̂. N̂-ndikije ta dda nɛ̂n kə̂ asə karə dəw dda ang. Yeenn bba, Lubba gangə sariya dɔde tə̂ arə puru kə̂ to kə ndɔ kə ndɔ aw ɔnde. N̂-təlje to nɛ̂n-kɔju-marɛ̂ horo dəwje tə̂.

Apokalisi 11:8

Niinnde a nayn dɔ nangə tə̂ natâ mə tɔkə bbe tə̂ kə̂ n̂-tɔl Əbbədede tə̂ kakə-dəsə tə̂ le. Ddəw Ndil tə̂, dəwje undaje ri tɔkə bbe le nan Sɔdɔm ddəm Ejipitə ddəm.

Apokalisi 14:10

ne kara nâ kay bɛn tɔkə wungu lə Lubba, bɛn kə̂ n̂-pole kə maann ang a dungu mə əngo wungu tə̂ laa. Ngaâ nâ koo ndoo kəm puru tə̂ kə kəm supərə tə̂, kəm anjəje tə̂ kə̂ majije tɔyn ddəm kəm Ngonn batə tə̂ ddəm.

Apokalisi 19:20

Duwa da le kə nje-kila mbər tar kə̂ tɔkɔrɔ ang le. Ne kə̂ dda nɛ̂n-mɔrije nɔɛ̂n tə̂ bba nərə nɛ̂n njê kə̂ əndaji da laa to əngo-nɔnde tə̂ ngaâ aw poloje ətaar laa le. Dungude joo kəm, kəm baa ndakə puru supərə tə̂ kə̂ aw ɔn.