Luku 16:9 - Dɔnɔn kə̂ Siki: Tar kə̂ aw arə təbbə

⁹ Jeju pa bbay nan: «A əman, m-pa marəse: Maji karə narɛ̂ kə̂ aw ddaje nɛ̂n nɛ̂n kə̂ gatə gatə ang nangə̂ nəənn, uwaje nɛ̂n buwa-kura kə dəwje. Baann bba karə ndɔ kə̂ narɛ le goto jise tə̂ a, n̂-taase kə kə̂y tə̂ kə̂ a to kə ndɔ kə ndɔ.

Maketuru le Lubba ke tar kabba

⁹ « A ema, m-pa marese: Uwaje buwa-kura ke dewje ke nare bukuru, mba kare ndɔ ke nare le goto jise te a, n̂-taase ke key ke a to ke ndɔ ke ndɔ.

Luku 16:9 Iomraidhean Croise

Matiye 19:21

Jeju ilɛ̂ tə̂ nan: «Bbo ə-ndiki ta ddee maji tɔyn a, aw labbə nɛ̂nje kə̂ inga ta ə-kayn narɛ̂ dangətəje a, â kinga dam narɛ darâ. Goe tə̂ a, ə-ddee unn gom!»

Matiye 6:19

«Ə-mbɔnje nɛ̂n-kingaje kə dɔ naan tə̂ duninya tə̂ nəənn ang, mba duninya tə̂ nəənn, sɔlɔlɔ kə mbɔrkasɛ a tujuje nɛ̂n-kingaje le ngaâ njê-bbokoje a tətə ta-kəy mba bboko.

Matiye 6:24

«Dəw kâra, asə dda bbərə lə əbbeejedede joo ang, mba nâ mbətə marɛ̂ kâra, a nâ ndiki marɛ̂ kâra. Wase nâ kunn rɔɛ̂ karə marɛ̂ kâra, a nâ mbətə marɛ̂ kâra. A kasəje ta dda bbərə lə Lubba ddəm narɛ ddəm ang.»

Luku 11:41

Arəje nɛ̂nje kə̂ mə əngo tə̂ kə ka tə̂ le njê-ndooje, yeenn bba nɛ̂n a ddee to nɛ̂n-yərəw ang mbase.

Luku 12:33

«Ə-labbəje nɛ̂n-kingaje ləse ta ə-kaynje narɛ̂ dangətəje. Uruje bbɔl narɛ kə̂ a ngisi ang ta unguje nɛ̂n-kingaje ləse darâ, lo tə̂ kə̂ nɛ̂nje le a tuju tə̂ ndɔ kâra ang. Lo kə̂ gɔl njê-bbokoje a kɔru ang ddəm sɔlɔlɔ a kɔn nɛ̂n tə̂ ang ddəm.

Luku 14:14

Yeenn bba a kisi kə rɔ-nəəl, mba dingaje nɛ̂n ta kari ture tə̂ ang. A Lubba a təl nɛ̂n kari ndɔ tə̂ kə̂ dəwje kə̂ gatə gatə kə̂ oyje a ndolje.»

Luku 16:11

Bbo nɛ̂n-kingaje kə̂ nangə̂ nəənn le ə-ddaje nɛ̂n nɛ̂n kə dɔgɔlɛ̂ ang a, nân a kinya yeje kə̂ tɔkɔrɔ jise tə̂ wa?

Luku 16:13

«Nje-kula kâra asə dda bbərə lə əbbeejedede joo ang, mba nâ mbətə marɛ̂ kâra, a nâ ndiki marɛ̂ kâra wase nâ kunn rɔɛ̂ karə marɛ̂ kâra, a nâ dabbə marɛ̂ kâra. Asəje ta dda bbərə lə Lubba ddəm narɛ̂ ddəm ang.»

Luku 16:4

M-gərə nɛ̂n kə̂ mâ dda karə bbo n̂-tubbam ta nɛ̂nje tə̂ laa a, marə dəwje taamje kə kəy ləde.›

Kulaje 10:31

ngaâ pa nan: ‹Kɔrnɛy! Lubba oo duju kə̂ ə-duje ngaâ ole məɛ̂ dɔ nɛ̂nje tə̂ kə̂ aw arə njê-ndooje.

Kulaje 10:4

Kɔrnɛy le ɛɛ̂ kə kəm bbəəl ngaâ pa nan: «Əbbə-dəwje, nan ddi wa?» Anjə le pa arɛ̂ nan: «Lubba oo duju ləi kə kuman kə̂ aw uman njê-ndooje. Məɛ̂ oy dɔi ang.

2 Kɔrɛntinyɛje 4:17

Mba nɛ̂n kəm-to-ndooje kə̂ aw ingajeje mba gɔju kar le, turude goto. A piti kə̂ a to kə ndɔ kə ndɔ kə̂ nɛ̂njeenn le a karəje a to piti kə̂ bo nya.

Judə 1:21

Ə-naynje ddəw ndiki tə̂ lə Lubba mba nginan nɛ̂n Əbbə-dəwje Jeju-Kristə. Ne kə̂ nâ dda kə je maji karə jingaje təbbə kə̂ to kə ndɔ kə ndɔ.