Luku 16:23 - Dɔnɔn kə̂ Siki: Tar kə̂ aw arə təbbə

²³ Kəm-to-ndoo aw ddɛɛ̂ lo tə̂ lə dəwje kə̂ oyje ngaâ nunn kəmɛ̂ a, noo Abaraham kə Lajar mbɔr Abaraham tə̂ le ddəw əw.

Maketuru le Lubba ke tar kabba

²³ Kem-to-ndoo aw ddae lo te le nje-yoje ngaa nunn keme a noo Abaraham ddew ew ngaa noo Lajar ar dɔ ji Abaraham te.

Luku 16:23 Iomraidhean Croise

Matiye 11:23

«A əi Kapɛrnawum, dâ kunni kə taar ndərəng darâ wa? Dâ təl səi bəər ndərəng lo tə̂ lə dəwje kə̂ oyje. Mba nɛ̂n-mɔrije kə̂ m-dda bbe ləi, bbo m-dda Sɔdɔm a, bbe le a nayn baa bbay ndərəng bbokənɛn.

Matiye 18:9

Bbo kəmi a ta dda karə ə-dda majang a, maji karə ɔru ila kɔrɔ̂. Kinga təbbə kə kəmi kə̂ nayn kâra baa maji uta ngəm kəmi joo kəm karə dilai nɛ̂n kəm puru tə̂ kə̂ aw ɔn kə ndɔ kə ndɔ.»

Matiye 23:33

See lije, ko əmbakaraje, â kasəje ta tee ta sariya puru tə̂ kə̂ aw ɔn kə ndɔ kə ndɔ tokə baânn wa?

Matiye 5:22

A əman, m-pa marəse: Bbo dəw dda wungu kə ngokɔɛ̂n a, asə karə n̂-gangə sariya dɔɛ̂ tə̂. Bbo dəw bbar ngokɔɛ̂n mbə a, asə karə daw saa nɔn sariya tə̂. A bbo dəw bbar ngokɔɛ̂n wooy a, asə karə dilɛ̂ kəm puru tə̂ kə̂ aw ɔn kə ndɔ kə ndɔ.

Matiye 5:29

Bbo kəmi kə̂ kɔl a ta dda karə ə-dda majang a, ɔru ila kɔrɔ̂ ddəw əw. Mba bbo dəbbə rɔi kâra â goto a, maji uta karə da-rɔi tɔyn njaa aw kəm puru tə̂ kə̂ aw ɔn kə ndɔ kə ndɔ.

Matiye 8:29

Duruje əkii nan: «Ngonn lə Lubba, ddi â osoi tə̂ wa? Ə-ddee ta kula kəmje ndoo tə̂ kete bba karə ndɔɛ̂ kə̂ Lubba ɔju le asə wa?»

Luku 16:24

Nuru əkii n̂-pa nan: ‹Bɔy Abaraham, oo kəm-to-ndoo ləm! Ula Lajar arə ula ndɔn-jia maann tə̂ ila ndɔnʼm tə̂ arə wul, mba kəm-to-ndoo aw ddam kəm puru tə̂ nəənn.›

Luku 16:28

mba ngakɔnʼmje kə̂ dingaw min eeje nunn. Maji karə naw ndəjəde narə n̂-ddeeje lo kəm-to-ndoo tə̂ nəənn tɔ ang.›

Luku 8:28

Dingaw le oo Jeju a, uru əkii, tee oso nɔn gɔlɛ̂ tə̂ ngaâ pa kə taar nan: «Ddi â osoi tə̂ wa? Jeju, Ngonn lə Lubba kə̂ isi ddutu dara tə̂! Kɔkɔrɔ kari njaa ula kəmʼm ndoo tə̂ ang.»

1 Kɔrɛntinyɛje 15:55

«Yo, singai kə̂ aw tɔl nɛ̂n dəwje le ee dda wa? Yo, nɛ̂n kə̂ aw tɔl nɛ̂n dəwje le ee dda wa?»

2 Piyɛr 2:4

Mba anjəje kə̂ ddaje majang le, Lubba inyade ddekeke njaa baann ang. Lubba ungude mə buwa tə̂ kə̂ il biti biti arə n̂-naynje tə̂ daw nginanje ndɔ sariya.

Apokalisi 20:10

Ngaâ dila Əsu kə̂ nje-kərəde le mə ndakə puru kə supərə tə̂, lo tə̂ kə̂ da le kə nje-kila mbər tar kə̂ tɔkɔrɔ ang le eeje tə̂. Dâ kooje ndoo nya, kar kə til, bbal kə bbal.