Luku 16:16 - Dɔnɔn kə̂ Siki: Tar kə̂ aw arə təbbə

¹⁶ «Ndu lə Mɔyijə kə tar lə njê-kilaje mbər tar lə Lubba tɔju ddəw dəwje ndərəng ndɔ tə̂ lə Jan-Batisi. Unn kute ndɔɛ̂ tə̂ənn kə̂ daw dila mbər Tar kə̂ Maji dɔ Bbe-kɔn tə̂ lə Lubba darə dəwje, nân nân kara aw dda singa mba kandə tə̂.

Maketuru le Lubba ke tar kabba

¹⁶ *Ndu le Moyije ke tar le nje-kilaje mber-tar le Lubba toje ndereng ndɔ te le Jan. Unn kute ndɔe teenn daw n̂-pa tar *Kɔn̂-bbe le Lubba to Tar ke Maji dare dewje, a na na kara aw dda singa mba kande ke te.

Luku 16:16 Iomraidhean Croise

Matiye 10:7

Kar kaw ləse a, ilaje mbər kə ddəw ddəw ə-paje nan: Bbe-kɔn kə̂ darâ nayn ngɔsi ngaa.

Matiye 15:11

Nɛ̂n kə̂ aw andə ta dəw tə̂ â aw dda arə dəw ddee to nɛ̂n-yərəw ang. Nɛ̂n kə̂ aw tee ta dəw tə̂ â aw dda arə dəw ddee to nɛ̂n-yərəw.»

Matiye 21:32

Mba, ləw Jan ddee rɔse tə̂, tɔjuse ddəw dda nɛ̂n kə̂ gatə gatə, a ooje məse tə̂ kə tar laa ang. A njê-taaje narɛ lambo kə dɛnɛ̂n njê-kayaje â ooje məde tə̂ kə tar laa le. A sese, ooje nɛ̂njeenn kə majɛ̂, a kəjə ləse jɔkuse ang ddəm ooje məse tə̂ kə tar laa le ang ddəm.»

Matiye 3:2

N̂-pa nan: «Ə-turuje məse nyɔm, mba kɔn-mbay kə̂ darâ ddee ngɔsi ngaa.»

Matiye 4:17

Unn kute kar tə̂ənn njaa, Jeju unn kutu kila mbər nan: «Ə-turuje məse, mba kɔn-mbay kə̂ darâ ddee ngɔsi ngaa.»

Matiye 4:23

Jeju nja nangə tə̂ kə̂ Galile tɔyn. Naw tɔju nɛ̂n dəwje mə kəy mbɔn-naanje tə̂ lə Jiipije kə̂ nangə tə̂ənn ngaâ nila mbər Tar kə̂ Maji kə̂ dɔ Bbe-kɔn tə̂ lə Lubba. Naji njê-rɔ-toje tɔyn ngaâ naji njê kə̂ dəbbə rɔde tuju narə rɔde le təl ddee maji.

Marke 1:14

Go kila tə̂ kə̂ dila Jan kəy-kula tə̂ a, Jeju aw Galile aw ila mbər Tar kə̂ Maji lə Lubba.

Marke 1:45

Dingaw le ɔtu a, aw ila mbər nɛ̂nje kə̂ ingɛ̂ le loje tə̂ tɔyn. Mba yeenn bba Jeju asə ta tɔju rɔɛ̂ marə tɔkə bbe tə̂ ang ngaa. Nisi sayn kə bbeje, lo-kiyɛ̂ tə̂ ngaâ dəwje inje loje tə̂ dang dang ddeeje rɔɛ̂ tə̂.

Luku 10:11

‹Bum nangə kə̂ mə bbe tə̂ ləse kə̂ uwa gɔlje le njaa kara n-tunda jarə təl kə dɔse tə̂ ta kɔru nɛ̂n naji ləse, a maji karə ə-gərəje to kɔn-mbay lə Lubba ddee ngɔsi kə se.›

Luku 10:9

Ajije njê-rɔ-toje kə̂ toje mə bbe tə̂ənn ta ə-paje arəje dəwje le tɔyn nan: ‹kɔn-mbay lə Lubba ddee ngɔsi kə se ngaa.›

Luku 16:29

Abaraham ila tə̂ nan: ‹Ndu lə Mɔyijə kə tar lə njê-kilaje mbər tar lə Lubba naynje horode tə̂ bbay. Maji karə dooje tar ləde!›

Luku 16:31

Abaraham le pa arɛ̂ nan: ‹Bbo dooje ndu lə Mɔyijə kə tarje lə njê-kilaje mbər tar lə Lubba ang a, le marə dəw kə̂ oy ndol aw pa tar arəde njaa kara dâ kooje tar laa ang tɔ.› »

Luku 9:2

Nulade karə dila mbər tar kɔn-mbay lə Lubba darə dəwje ddəm karə daji njê-rɔ-toje ddəm.

Tar kə̂ Maji kə̂ Jan dda makəturu tə̂ 1:45

Goe tə̂ a, Pilipi inga Natanayɛl ngaâ pa arɛ̂ nan: «Jinga marə dəw kə̂ Makəturu-Ndu lə Mɔyijə kə lə njê-kilaje mbər tar lə Lubba paje tar laa le. Dəw le to Jeju kə̂ Najarɛtə, n̂-to ngonn lə Jojɛpə.»

Tar kə̂ Maji kə̂ Jan dda makəturu tə̂ 11:48

Bbo jinyɛ̂je jarə naw nɛ̂n bbay bbay a, dəwje tɔyn a kooje məde tə̂ saa ngaâ njê-kɔn-bbeje kə̂ Rɔm a kinje, dâ tujuje kəy-polo Lubba ləje ddəm dâ karə gəlje tunga ddəm.»

Tar kə̂ Maji kə̂ Jan dda makəturu tə̂ 12:19

Yeenn ngaâ Parijinyɛje paje horo naan tə̂ nan: «Ooje, â kumanje nɛ̂n pin. Dəwje tɔyn kə̂ duninya tə̂ njaa ngaa â aw unnje goe.»

Tar kə̂ Maji kə̂ Jan dda makəturu tə̂ 5:4

Mba marə karje a, marə anjə aw uru mə maann tə̂ le aw bu maann le. Yeenn bba bbo nje-rɔ-to kə̂ uru mə maann tə̂ kə̂ aw ləngə le dɔngɔr a, rɔ-to laa le, to rɔ-to ddi wa njaa kara tunga.]

Kulaje 3:18

Ləw baa njaa, Lubba unda tar nəənn ta njê-kilaje mbər tar tə̂ laa tɔyn nan Kristə laa a koo ndoo. Tar le â ddee to nɛ̂n kə̂ tɔkɔrɔ nəənn.