Luku 16:15 - Dɔnɔn kə̂ Siki: Tar kə̂ aw arə təbbə

¹⁵ Jeju pa arəde nan: «Sese aw ddaje rɔse to dəwje kə̂ gatə gatə kəm dəwje tə̂. A Lubba gərə məse, mba nɛ̂n kə̂ dəwje ooje to nɛ̂n kə̂ ngəng kəmde tə̂, to nɛ̂n kə̂ maji ang nya kəm Lubba tə̂.

Maketuru le Lubba ke tar kabba

¹⁵ Jeju pa arede na: « Esese aw ddaje rɔse to dewje ke gate gate kem dewje te. A Lubba gere mese, mba ne ke dewje ooje bo kemde te, to ne ke maji ang nya kem Lubba te.

Luku 16:15 Iomraidhean Croise

Matiye 23:5

Daw ddaje nɛ̂nje tɔyn mba karə dəwje aajede. Mba yeenn bba, daw ddaje bbɔl əndaarje darə bo ngaâ daw dunguje makəturuje lə Lubba məɛ tə̂ ngaâ n̂-ddaje ta-kubbuje ləde darə ngal.

Matiye 6:16

«Bbo ɔkuje rɔse nɛ̂n-kusa a, ə-tɔjuje to isije kə rɔ-katə tokə njê-ngəmje aw ddaje le ang. Daw tɔjuje dɔ kəmde tə̂ to daw dɔkuje rɔde nɛ̂n-kusa. M-pa marəse, to tar kə̂ tɔkɔrɔ, dingaje kuka ləde mban.

Matiye 6:2

«Yeenn bba, bbo aw arə nɛ̂n njê-ndooje a, maji karə uru nɛ̂n əkii ang. Mba njê-ngəmje aw ddaje tokə baann mə kəy mbɔn-naan tə̂ lə Jiipije wase dɔ ddəw tə̂, mba kinga nɛ̂n piti ta dəwje tə̂. Tɔkɔrɔ njaa, m-pa marəse, dingaje kuka ləde mban.

Matiye 6:5

«Bbo aw dujuje Lubba a, ə-ddaje tokə lə njê-ngəmje ang. Dede, n̂-ndikije nya ta kar taar bba duju Lubba mə kəy mbɔn-naanje tə̂ wase tɔ-ddəwje tə̂ karə dəwje tɔyn oojede. Tɔkɔrɔ njaa, m-pa marəse, dingaje kuka ləde mban.

Luku 10:29

A nje-gərə-Ndu le aw sangə ddəw ta kɔru naji laa ngaâ duju tar Jeju nan: «Nje-marəm â to nân wa?»

Luku 11:39

A Əbbə-dəwje pa arɛ̂ nan: «See Parijinyɛje, aw tokoje giri əngo kə giri ka, a kəm-nda kə mə-majang ddusu məse.

Luku 18:11

Parijinyɛ le ar taar ngaâ duju Lubba mba tar dɔɛ̂ njaa nan: ‹Lubba, mari wooyo mba m-to tokə kəsə dəwje ang. Kəseje toje to njê-bbokoje, njê-nɛ̂n-ddaje kə̂ gatə gatə ang, njê-ddaje lo-to-majang. M-to tokə nje-taa narɛ lambo nəənn ang tɔ.

Luku 18:14

M-pa marəse, nje-taa narɛ lambo le ddee to dəw kə̂ gatə gatə kəm Lubba tə̂ ngaâ təl kəy laa, a Parijinyɛ le ddee to dəw kə̂ gatə gatə ang. Mba dəw kə̂ ndiki koo rɔɛ̂ bo a, Lubba a karə n̂-ddee tɛn baa ngaâ dəw kə̂ oo rɔɛ̂ tɛn baa a, Lubba a karə n̂-ddee bo.»

Luku 18:21

Dingaw le pa nan: «M-ngəm ndujeenn tɔyn kə kasəm baa.»

Luku 18:9

Jeju pa gusu-tar nəənn bbay mba dəwje kə̂ ooje rɔde to dəwje kə̂ gatə gatə, a ooje kəsə dəwje to dəwje kə̂ maji ang.

Luku 20:20

Njê-poloje Lubba kə Njê-gərəje-Ndu le undaje kəmde kə dɔ Jeju tə̂. Dulaje dəwje kə̂ ddaje rɔde to dəwje kə̂ maji rɔɛ̂ tə̂. Dəwje le awje ta duje tar mba nɛɛ̂n nɛ̂n, ta bbo dingaje tar kə̂ maji ang tɛɛ̂ tə̂ a, kuwɛ̂ kulɛ̂ ji njê-gangəje sariya tə̂ kə ji njê-kɔn-bbeje tə̂.

Luku 20:47

Daw taaje nɛ̂nje lə dɛnɛ̂n-ndubbaje tɔyn jide tə̂, daw dujuje Lubba darə kure əw mba kəm dəwje. Mba yeenn bba sariya kə̂ dɔde tə̂ a ngəng nya kuta lə kəsə dəwje.»

Tar kə̂ Maji kə̂ Jan dda makəturu tə̂ 2:25

N̂-duju karə dəw â pa tar dɔ dəwje tə̂ arɛ̂ ang, mba n̂-gərə kəjə kə̂ to mə dəw tə̂.

Tar kə̂ Maji kə̂ Jan dda makəturu tə̂ 21:17

Goe tə̂ a, n̂-duje kə̂ gɔl mota laa nan: «Simɔn ngonn lə Jan, ə-ndikim wa?» Yeenn ngaâ rɔ Piyɛr le nəəle ang mba tar kə̂ n̂-duje to gɔl mota laa nan: «Ə-ndikim wa?» le. Ngaâ nilɛ̂ tə̂ nan: «Əbbə-dəwje, ə-gərə nɛ̂n tɔyn. Ə-gərə to m-ndikii.» Jeju pa arɛ̂ nan: «Ə-ngəm batəje ləm.

Kulaje 1:18

N̂-ndoko ndɔɔ kə narɛ kə̂ dukɛ̂ nɛ̂n mba nɛ̂n-dda kə̂ gatə gatə ang kə̂ n̂-dda le ngaâ n̂-tee noso mə ndɔɔ tə̂ le kə gɔsɛ̂, məɛ̂ ribba ngaâ kula-sinyɛ̂ tee tɔyn ungu ddaka.

Kulaje 1:24

Goe tə̂ a n̂-dujuje Lubba nan: «Əi Əbbəjeje kə̂ ə-gərə nɛ̂n kə̂ to mə dəwje tə̂ tɔyn, horo dəwje tə̂ kə̂ joo nəənn ɔru dəw kə̂ məi ndiki

Kulaje 15:8

Lubba kə̂ gərə mə dəwje tɔju to n̂-taa dəwje kə̂ toje to Jiipije ang kə rɔɛ̂ tə̂. Yeenn bba narəde Ndil-mə-nda tokə narəje le tɔ.

Rɔmɛnje 3:20

Mba yeenn bba, dəw kâra kə̂ a dda nɛ̂n kə turu Ndu ta to nɛ̂n gatə gatə kəm Lubba tə̂ goto. Tɔkɔrɔ, Ndu arə ddəw dəw ta gərə majang laa njaa, a bbayɛ̂.

Rɔmɛnje 8:27

A Lubba kə̂ gərə mə dəw, gərə nɛ̂n kə̂ Ndil-mə-nda ndiki ta duju le. Mba Ndil-mə-nda aw duju Lubba mba tar lə dəwje lə Lubba kə ddəw kə̂ Lubba ndiki.

1 Kɔrɛntinyɛje 4:5

Yeenn a, ə-gangəje sariya dɔ dəw tə̂ kete bba karə ndɔɛ̂ asə ang. N-nginanje ndɔ təl lə Əbbə-dəwje. Ne â nâ tee kə nɛ̂n kə̂ iya rɔɛ̂ lo ndul tə̂ kə ddaka ngaâ nâ tɔju kəjəje kə̂ mə dəwje tə̂ kə ddaka. Baann bba dəw kâra kâra a kinga piti kə̂ asə kəm kula laa ji Lubba tə̂.

1 Piyɛr 3:4

A maji karə ə-ddaje mandə ləse məse tə̂. Yeenn to mandə kə̂ a tuju ndɔ kâra ang ngaâ ta arəje kəjə ləse wul pee ddəm to ddekeke ddəm. Yeenn bba to nɛ̂n kə̂ ngəng kəm Lubba tə̂.

1 Piyɛr 5:5

Ddəw kâra baa, basanje, maji karə ooje ta dəwje kə̂ dɔ Egilisi tə̂. Sese tɔyn, ə-ddaje rɔse ngaji arəje naan, mba Makəturu lə Lubba pa nan: Lubba mbətə tar lə dəwje kə̂ ooje rɔde bo, a n̂-dda mə-maji kə dəwje kə̂ dda rɔde ngaji.

Apokalisi 2:23

Mâ tɔl ngannɛ̂. Yeenn bba Egilisije tɔyn a gərəje to m-to dəw kə̂ aw gərə kəjəje lə dəwje ddəm bbo nɛ̂nje kə̂ to mə dəwje tə̂ ddəm. Mâ dda nɛ̂n kə se kâra kâra tɔyn asə kəm kula-ddase.