Luku 16:11 - Dɔnɔn kə̂ Siki: Tar kə̂ aw arə təbbə

¹¹ Bbo nɛ̂n-kingaje kə̂ nangə̂ nəənn le ə-ddaje nɛ̂n nɛ̂n kə dɔgɔlɛ̂ ang a, nân a kinya yeje kə̂ tɔkɔrɔ jise tə̂ wa?

Maketuru le Lubba ke tar kabba

¹¹ Bbo e-ddaje ne ke dɔgɔle ke nare bukuru ang a, na a kinya ne-kinga ke tɔkɔrɔ jise te wa?

Luku 16:11 Iomraidhean Croise

Matiye 6:24

«Dəw kâra, asə dda bbərə lə əbbeejedede joo ang, mba nâ mbətə marɛ̂ kâra, a nâ ndiki marɛ̂ kâra. Wase nâ kunn rɔɛ̂ karə marɛ̂ kâra, a nâ mbətə marɛ̂ kâra. A kasəje ta dda bbərə lə Lubba ddəm narɛ ddəm ang.»

Luku 12:33

«Ə-labbəje nɛ̂n-kingaje ləse ta ə-kaynje narɛ̂ dangətəje. Uruje bbɔl narɛ kə̂ a ngisi ang ta unguje nɛ̂n-kingaje ləse darâ, lo tə̂ kə̂ nɛ̂nje le a tuju tə̂ ndɔ kâra ang. Lo kə̂ gɔl njê-bbokoje a kɔru ang ddəm sɔlɔlɔ a kɔn nɛ̂n tə̂ ang ddəm.

Luku 16:12

Bbo nɛ̂n-kinga kə̂ to lə dəw, ə-ddaje nɛ̂n nɛ̂n kə dɔgɔlɛ̂ ang a, nân a karəse nɛ̂n kə̂ to ləse wa?

Luku 16:9

Jeju pa bbay nan: «A əman, m-pa marəse: Maji karə narɛ̂ kə̂ aw ddaje nɛ̂n nɛ̂n kə̂ gatə gatə ang nangə̂ nəənn, uwaje nɛ̂n buwa-kura kə dəwje. Baann bba karə ndɔ kə̂ narɛ le goto jise tə̂ a, n̂-taase kə kə̂y tə̂ kə̂ a to kə ndɔ kə ndɔ.

Luku 18:22

Jeju oo tar laa le a, pa arɛ̂ nan: «Marə nɛ̂n kâra dui bbay. Ə-labbə nɛ̂nje tɔyn kə̂ inga ta ə-kayn narɛ̂ dangətəje a, â kinga nɛ̂n darâ. Goe tə̂ a, ə-ddee unn gom.»

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

Apokalisi 3:18

Mba yeenn bba, m-pa mari karə ə-ndoko andə kə̂ n̂-ləkə purô darə yərəw goto tə̂ jim tə̂, karə ə-ddee to nje-nɛ̂n-kinga kə̂ tɔkɔrɔ. Ə-ndoko kubbuje kə̂ nda ula, mba bbo rɔi to baa a, rɔ-kul a ddai. Ə-ndoko kuman kə̂ to maannɛ̂ ila kəmi tə̂ ta ə-təl oo lo.