Luku 15:6 - Dɔnɔn kə̂ Siki: Tar kə̂ aw arə təbbə

⁶ n̂-təl kə̂y. N̂-bbar njê-buwa-kuraje laa kə njê-niinn-kəy marɛ̂je n̂-pa narəde nan: ‹Arəje rɔse nəəlse səm, mba minga batə ləm kə̂ nayn le mban.›

Maketuru le Lubba ke tar kabba

⁶ Kake n̂-tel key a, n̂-bbar nje-buwa-kuraje laa ke nje-ninn̂-key mareje n̂-pa narede na: E-ddaje sem rɔ-nel, mba minga bate lem ke nayn le.

Luku 15:6 Iomraidhean Croise

Luku 1:58

Njê-ninn-kəy marɛ̂je kə njê-nujuje laa ooje tar maji kə̂ ngəng kə̂ Əbbə-dəwje dda saa le a, n̂-ddaje rɔ-nəəl saa tɔ.

Luku 15:10

M-pa marəse, to ddəw kâra baa, rɔ-nəəl to nya horo anjəje tə̂ lə Lubba mba nje-nɛ̂n-dda kə̂ maji ang kâra kə̂ turu məɛ̂.»

Luku 15:24

mba ngonnəm kə̂ ooeje nəənn oy bba ndol. N̂-nayn kɔrɔ̂ bba mingɛ̂.› Dunnje kutu dda kusu le.

Luku 15:5

Bbo ningɛ̂ a, nilɛ̂ dɔ bakɛ̂ tə̂ kə rɔ-nəəl bba

Luku 15:7

M-pa marəse, to ddəw kâra baa: rɔ-nəəl kə̂ a to darâ mba nje-nɛ̂n-dda kə̂ maji ang kâra kə̂ turu məɛ̂. Rɔ-nəəl le a kuta rɔ-nəəl kə̂ to mba dəwje kə̂ dɔjikara gire jikara kə̂ toje gatə gatə mban arə to tar ləde ta turu məde ang ngaa le.»

Tar kə̂ Maji kə̂ Jan dda makəturu tə̂ 15:14

Bbo ə-ddaje nɛ̂n kə̂ munn ndu karə ə-ddaje a, yeenn tɔju to ə-toje to dəwje kə̂ m-ndikide.

Tar kə̂ Maji kə̂ Jan dda makəturu tə̂ 3:29

Dəw kə̂ ee kə dɛnɛ̂n, to nje-dɛnɛ̂n le. A dəw kə̂ to nje-buwa-kura lə nje-dɛnɛ̂n le isi mbɔrɛ̂ tə̂. Naw noo tar laa ngaâ rɔɛ̂ nəəle nya mba ndue kə̂ naw noo le. Rɔ-nəəl nəənn le to ləm tɔ. To rɔ-nəəl kə̂ bo nya.

Kulaje 11:23

Barnabas le ddee tee ngaâ oo mə-maji kə̂ Lubba dda kə njê-mə-kunnje le a, inga rɔ-nəəl nya ngaâ ndəjəde karə dundaje məde tɔyn dɔ Əbbə-dəwje tə̂.

Kulaje 15:3

Egilisi kə̂ Antiyos umande kə marə nɛ̂n nja tə̂ ləde le. N̂-ndayje kə ddəw kə̂ Penisi kə Samari ngaâ n̂-paje tar ddəw kə̂ dəwje kə̂ toje to Jiipije ang ooje nɛ̂n məde tə̂ le darə njê-bbeje le. Tar le arə rɔ-nəəl njê-mə-kunnje tɔyn.

Pilipinyɛje 1:4

Kar tɔyn njaa bbo maw duju Lubba mba tar ləse tɔyn a, maw duje kə rɔ-nəəl nya,

Pilipinyɛje 2:17

Le mə-kunn ləse aw dda arə aw ddaje kula arəje Lubba to nɛ̂n-polo njaa kara, əman, bbo n̂-tɔləm a, rɔm a nəələm, mba məsəm a to nɛ̂n-polo dɔ marɛ̂ tə̂ ləse ngaâ mâ dda rɔ-nəəl kə se.

Pilipinyɛje 4:1

Yeenn a, ngakɔnʼmje kə̂ m-dikise nya, sese kə̂ m-ndiki nya ta təl koose bbay, sese kə̂ ə-ddaje arə misi kə rɔ-nəəl, sese â minga nɛ̂n piti. Ngakɔnʼmje kə̂ m-dikise nya, maji karə ə-naynje ddəw mə-kâra tə̂ kə̂ ə-ddaje kə Əbbə-dəwje le arəje ngəng.

1 Tesalonisinyɛje 2:19

Sese â jaw junda məje dɔse tə̂, sese â ja kinga rɔ-nəəl mbase, sese tɔ â, â toje to nɛ̂n-piti ləje nɔn Əbbə-dəwje Jeju tə̂ ndɔ tə̂ kə̂ nâ ddee.

1 Piyɛr 2:10

Ləw, ə-toje to dəwje lə Lubba ang, a bbasinɛn, ə-toje to dəwje lə Lubba ngaa. Ləw, Lubba oo kəm-to-ndoo ləse ang, a bbasinɛn, Lubba oo kəm-to-ndoo ləse ngaa.

1 Piyɛr 2:25

Mba ləw ə-toje tokə lə batəje kə̂ aw njaje kə nangə̂ baa. A bbasinɛn, ə-turuje rɔse kə rɔ nje-ngəm nɛ̂n-kuulje tə̂, ne kə̂ n̂-to nje-ngəm kəwn ləse le.