Luku 15:22 - Dɔnɔn kə̂ Siki: Tar kə̂ aw arə təbbə

²² A bɔɛ̂je le pa arə njê-kulaje laa nan: ‹Ə-ddeeje kə kubbu kə̂ kura uta marɛ̂je njangə ulɛ̂je, ulaje əninga ngonn-jia tə̂ ta ulɛ̂je nɛ̂n-gɔl.

Maketuru le Lubba ke tar kabba

²² A bɔeje pa are nje-kulaje laa na: « E-ddeeje ke kubbu ke ngal ke kura nya njange ulaeje ngaa ulaje eninga ngonn jia te ke ne-gɔl gɔle te.

Luku 15:22 Iomraidhean Croise

Luku 15:21

Ngonn le pa arɛ̂ nan: ‹Bɔy, m-dda nɛ̂n kə̂ mə Lubba kə̂ darâ mbətə ddəm məi mbətə ddəm masə karə ə-bbarəm ngonni ang ngaa.›

Luku 15:23

Ə-ddeeje kə ngonn mangə kə̂ əmə ə-tɔlɛ̂je arəje jusaje n-ddaje nɛ̂n kusu,

Rɔmɛnje 13:14

Maji karə ulaje Əbbəjeje Jeju-Kristə tokə nɛ̂n-ddɔ rɔse tə̂ ta inyaje arəje da-rɔse ndasəse arə ə-ddaje nɛ̂n kə̂ bboe ddɛɛ̂ ang.

Rɔmɛnje 3:22

Lubba dda arə dəwje ddeeje gatə gatə kəmɛ̂ tə̂ mba məde kə̂ dunnje darə Jeju-Kristə. N̂-dda baann mba dəwje tɔyn kə̂ unnje məde arə Kristə, mba Lubba ɔru kəm dəw ang.

Rɔmɛnje 8:15

Mba Ndil kə̂ Lubba arəse le to Ndil kə̂ aw ddase bbərə tə̂ ang ddəm aw ula bbəəl məse tə̂ ang ddəm. To Ndil-mə-nda kə̂ ddase to ngannje lə Lubba ngaâ arəje ddəw karə juru əkii kə rɔ Lubba tə̂ nan: «Aba! Bɔy!»

Galatəje 3:27

Sese tɔyn n̂-ddase batɛm kə ri Kristə arə ə-ddeeje tokə Kristə ngaa.

Epɛjinyɛje 6:15

ngaâ arəje bbo tɔju Tar kə̂ Maji kə̂ aw arə mə-wul-lɔm to rɔse tə̂ tokə nɛ̂n-gɔl kə̂ dəw ula.

Apokalisi 19:8

Darə nula kubbu lɛɛn kə̂ ndɔnrɛn kə̂ nɛ̂n-yərəw ɔru ang.» Mba kubbu lɛɛn le to kula-ddaje kə̂ gatə gatə kə̂ dəwje lə Lubba ddaje.

Apokalisi 2:17

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ mann kə̂ to lo-kiyɛ̂ tə̂ ngaâ mâ karɛ̂ ər-nda kə̂ n̂-dda marə ri kə̂ siki dɔɛ̂ tə̂. To ri kə̂ dəw kâra gərə ang. Dəw kə̂ dunda ri le dɔɛ̂ tə̂ bba a gərə ri le.»

Apokalisi 3:18

Mba yeenn bba, m-pa mari karə ə-ndoko andə kə̂ n̂-ləkə purô darə yərəw goto tə̂ jim tə̂, karə ə-ddee to nje-nɛ̂n-kinga kə̂ tɔkɔrɔ. Ə-ndoko kubbuje kə̂ nda ula, mba bbo rɔi to baa a, rɔ-kul a ddai. Ə-ndoko kuman kə̂ to maannɛ̂ ila kəmi tə̂ ta ə-təl oo lo.

Apokalisi 6:11

Yeenn ngaâ darəde tɔkə kubbu kə̂ nda, kə̂ ngal kâra kâra tɔyn. Ngaâ, n̂-pa darəde karə n̂-nginanje ngaji, karə kɔr nje-kula marədeje kə kɔr ngakɔndeje utu naan bba. Mba dede kara dâ tɔlde tokə ləde tɔ.

Apokalisi 7:9

Goe tə̂, maa lo bbay a, moo dəwje tokə banya. Dəw asə turade ang. Dinje horo dəwje tə̂ kə̂ gəlde dang dang tɔyn, horo njê kə̂ bbeje tə̂ dang dang, horo njê kə̂ nangəje tə̂ dang dang kə horo njê kə̂ ndɔn-tarje ləde to dang dang. Darje nɔn ngende-mbay tə̂, nɔn Ngonn batə tə̂ le. Dulaje tɔkə kubbu kə̂ nda ngaâ duwaje kam mburu jide tə̂.