Luku 14:26 - Dɔnɔn kə̂ Siki: Tar kə̂ aw arə təbbə

²⁶ «Bbo dəw ddee rɔm tə̂ ngaâ ndikim uta bɔɛ̂je kə kɔɛ̂nje kə dɛnɛ̂n laa kə ngannɛ̂ kə ngakɔɛ̂nje kə ngakɔn-nannɛ̂je kə da-rɔɛ̂ njaa ang a, nân to nje-nja gom tə̂ ang.

Maketuru le Lubba ke tar kabba

²⁶ « Toke dew ddee rɔm te a maji kare n̂-mbete bɔeje ke kɔenje, ke dene laa, ke nganne, ke ngakɔenje, ke ngakɔn̂-naneje, ke tebbe laa. A bbo n̂-dda baann ang a, na to nje-nja gom te ang.

Luku 14:26 Iomraidhean Croise

Matiye 10:37

«Dəw kə̂ ndiki bɔɛ̂je wase kɔɛ̂nje utam, a kasə ta ddee to dəw ləm ang. Dəw kə̂ ndiki ngonnɛ̂ kə̂ dingaw wase kə̂ dɛnɛ̂n utam, a ddee to dəw ləm ang.

Luku 14:20

Marɛ̂ pa bbay nan: ‹M-taa dɛnɛ̂n bbasinɛn bbay arə minga ddəw ta ddee ang.›

Luku 14:25

Dəwje kə̂ banya aw njaje kə Jeju ddəw-boô. N̂-kəl goe ngaâ n̂-pa narəde nan:

Tar kə̂ Maji kə̂ Jan dda makəturu tə̂ 12:25

Dəw kə̂ ndiki təbbə laa a, təbbə laa le a nayn kə kɔrɔ̂. A dəw kə̂ oo təbbə laa dɔ nangə tə̂ nəənn to nɛ̂n ang, təbbə laa le a nayn kə lo-toe mba təbbə kə̂ to kə ndɔ kə ndɔ.

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Rɔmɛnje 9:13

Ddəw kâra baa tokə Makəturu lə Lubba pa nan: «M-ndiki Jakobbo, a m-mbətə Ejawu.»

Pilipinyɛje 3:8

Tɔkɔrɔ, moo nɛ̂njeenn le tɔyn to nɛ̂n kə̂ baa. Tɔkə nɛ̂n-kinga â to ta gərə Əbbəmje Jeju-Kristə. Minya nɛ̂nje tɔyn ɔju dɔ Kristə ngaâ moo nɛ̂n tɔyn tokə lə yərəw mba kinga Kristə le

Apokalisi 12:11

A ngakɔnje le təteje kə ddɔ ddəw məsə Ngonn Batə tə̂ kə ddəw tar tə̂ lə Lubba kə̂ n̂-paje tar-najɛ̂. Kisi ləde kəm baa nəəlde ang ngaa arə yo â n̂-ndingaje.