Luku 14:23 - Dɔnɔn kə̂ Siki: Tar kə̂ aw arə təbbə

²³ Əbbə-nje-kulaje le pa arɛ̂ nan: ‹Aw ngann ddəwje tə̂ kə kar ndokoje tə̂, uwa dəwje kə singa arə dandəje kəy ta n̂-ddusu mə kəy ləm tɔyn.›

Maketuru le Lubba ke tar kabba

²³ Ngaa ebbe nje-kula le pa are na: Aw go ngann ddewje te ke go ndokoje uwa dewje ke singa are dandeje key are ta me key lem ddusu.

Luku 14:23 Iomraidhean Croise

Matiye 21:43

Mba yeenn bba, m-pa marəse: Lubba a kɔru Bbe-kɔn laa jise tə̂ karə marə gəl-dəwje kə̂ a ddaje kula kə̂ maji.

Matiye 5:41

Bbo dəw uwai kə singa karə ə-nja saa kilometere kâra a, ə-nja saa kilometere joo.

Luku 14:22

Nje-kula le pa nan: ‹Dəw kə̂ tɔkə, m-dda nɛ̂n kə̂ ndui pa le mban, a kəsə lo nayn baa bbay.›

Luku 14:24

M-pa mari, dəwje kə̂ m-bbarde dɔngɔr le, nɛ̂n-kusa ləm a kɔru ta dəw kâra horode tə̂ ang.»

Luku 24:29

A n̂-gangɛ̂je nan: «Ə-nayn kə je, mba lo aw wul ngaâ kar a ta kandə ngaa.» Nandə mə bbe tə̂ le ngaâ n̂-nayn kə de.

Kulaje 16:15

Lidi kə njê kə̂ kəy laa dingaje batɛm a, n̂-bbarje n̂-pa narəje nan: «Bbo əjəje to moo məm tə̂ tɔkɔrɔ kə Əbbə-dəwje a, ə-ddeeje ə-toje kə̂y ləm.» Numan kə je nya karə n-ndiki bbar tə̂ kə̂ n̂-bbarje le.

Kulaje 18:6

A Jiipije mbətəje tar laa ngaâ daw tajɛ̂je. Yeenn bba, Pɔl le tunda bum kə̂ kubbu tə̂ laa ngaâ pa arəde nan: «Məsəse təl kə dɔse tə̂, tarɛ̂ a kuwa dɔm ang. Bbasinɛn nəənn mâ kaw kə rɔ dəwje tə̂ kə̂ toje to Jiipije ang ngaa.»

Kulaje 28:28

Pɔl pa arəde bbay nan: «Maji karə ə-gərəje to Lubba ula kə tar kaji nəənn arə dəwje kə̂ toje to Jiipije ang. Dede dâ ndikije tar tə̂ le.» [

Kulaje 9:15

A Əbbə-dəwje pa nan: «Aw, mba dəw le to dəw kə̂ mundɛ̂ dang karə n̂-dda narə dəwje kə̂ toje to Jiipije ang kə tɔkə mbayje ləde kə ngann Ijarayɛlje gərəje rim.

Rɔmɛnje 10:18

Yeenn a, m-duju ta koo: Jiipije le ooje tar kə̂ dila mbəre le ang wa? Dooje tar le njaa. Makəturu lə Lubba pa nan: «Dəwje ooje ndu njê-kilaje mbər le dɔ nangə tə̂ tɔyn, dəwje kə̂ eeje kɔyn nangə tə̂ kara ooje tar le tɔ.»

2 Kɔrɛntinyɛje 5:11

N-gərə nɛ̂n kə̂ to bbəəl Əbbə-dəwje kə majɛ̂. Ngaâ, n-sangə ddəw ta dda karə dəwje ndikije tə̂ kə tar ləje. Lubba gərəje kə majɛ̂ ngaâ munda məm to ə-gərəjeje kəjə tə̂ ləse kə majɛ̂ tɔ.

2 Kɔrɛntinyɛje 5:20

Jeje, Kristə â ulaje karə n-paje tar kə ria. Yeenn nayn to Lubba njaa aw bbarse ddəw tə̂ ləje. Jaw walse nya kə ri Kristə, maji karə unguje naan tə̂ kə Lubba.

2 Kɔrɛntinyɛje 6:1

Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

Kolosinyɛje 1:28

Kristə le â jaw jila mbər laa. Jaw jarə ndəjə dəwje tɔyn ngaâ jaw tɔjude nɛ̂n dəwje tɔyn ddəw kəm-karɛ tə̂ dang dang, karə dəwje tɔyn sangəje ddəw tə̂ lə Kristə.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.