Luku 14:13 - Dɔnɔn kə̂ Siki: Tar kə̂ aw arə təbbə

¹³ A bbo ə-dda nɛ̂n-kusa tokə bo a, ə-bbar njê-ndooje, njê kə̂ jide wase gɔlde goto, njê-mətəje kə njê-kəm-tɔje.

Maketuru le Lubba ke tar kabba

¹³ A bbo e-dda ne-kusa ke bo a, e-bbar nje-ndooje, nje ke jide wase gɔlde tuju, nje-meteje ke nje-kem-tɔje.

Luku 14:13 Iomraidhean Croise

Matiye 15:30

Dəwje kə̂ banya ddeeje rɔɛ̂ tə̂ kə njê-mətəje, njê-gɔl-gotoje, njê-kəm-tɔje, dəwje kə̂ mbide utu ddəm tade utu ddəm kə marə njê-rɔ-toje nya nya. Dungude nɔn Jeju tə̂ ngaâ najide.

Matiye 22:10

Ngann njê-kulaje laa le unnje go ddəwje ngaâ bbarje dəwje tɔyn kə̂ dingajede, njê kə̂ maji ddəm njê kə̂ maji ang ddəm. Yeenn ngaâ dəwje kə̂ n̂-bbarde le ddusuje mə kəy le.

Luku 11:41

Arəje nɛ̂nje kə̂ mə əngo tə̂ kə ka tə̂ le njê-ndooje, yeenn bba nɛ̂n a ddee to nɛ̂n-yərəw ang mbase.

Luku 14:12

Jeju pa arə dəw kə̂ bbarɛ̂ le tɔ nan: «Bbo a ta bbar dəwje kə nɛ̂n-kusa kə̂ karâ wase kə̂ lo-kul tə̂ a, ə-bbar njê-buwa-kuraje ləi ang ddəm ngakɔinje ang ddəm njê kə̂ ləi ang ddəm njê-ninn-kəy marije kə̂ toje to njê-nɛ̂n-kingaje ang ddəm mba dâ ddaje nɛ̂n-kusa bbarije nɛ̂n tɔ. Yeenn le a tɔju to inga kuka ləi mban.

Luku 14:14

Yeenn bba a kisi kə rɔ-nəəl, mba dingaje nɛ̂n ta kari ture tə̂ ang. A Lubba a təl nɛ̂n kari ndɔ tə̂ kə̂ dəwje kə̂ gatə gatə kə̂ oyje a ndolje.»

Luku 14:21

Nje-kula le təl ngaâ ndaji tarjeenn le arə əbbeeje le. A wungu ɔn nje-kəy le ngaâ pa arə nje-kula laa le nan: ‹Aw njangə lo tə̂ kə̂ dəwje banya tə̂ kə dɔ ddəwje tə̂ kə̂ tɔkə bbe tə̂ nəənn, ə-ddee kə njê-ndooje kə njê kə̂ jide wase gɔlde goto, njê-kəm-tɔje kə njê-mətəje lo tə̂ nəənn.›

Kulaje 9:39

Piyɛr aw kə de kə ngɔru ngaâ n̂-tee a, darə naw mə kəy tə̂ kə̂ to dɔ marɛ̂ tə̂ taar le. Dɛnɛ̂n-ndubbaje aw nɔnje ddeeje nɛ̂n rɔ Piyɛr tə̂. N̂-tɔjɛ̂je kubbuje kə̂ to dɔɛ̂ kə kubbu kulje kə̂ Dɔrkas le uju kar tə̂ kə̂ n̂-nayn nɛ̂n kə de baa bbay.

1 Timɔte 3:2

Baann a, maji karə dəw kə̂ dɔ Egilisi tə̂ le tar to dɔɛ̂ tə̂ ang, n̂-to nje-dɛnɛ̂n kə̂ kâra, n̂-to dəw kə̂ sangə rɔɛ̂, n̂-to dəw kə̂ gərə dɔ jia, n̂-to dəw kə̂ dda nɛ̂n kə ddəwe, dəw kə̂ gərə ngəm njê-mbaje, dəw kə̂ gərə ta tɔju nɛ̂n.

1 Timɔte 5:10

Maji karə ria bbar mba kula-ddaje kə̂ maji: Maji karə n̂-to dəw kə̂ ngəm ngannɛ̂, dəw kə̂ ngəm njê-mbaje, nje-toko gɔl dəwje lə Lubba. Maji karə n̂-to dəw kə̂ aw aa dəwje kə̂ nɛ̂n kəm-to-ndoo oso dɔde tə̂ oo. Maji karə n̂-to dəw kə̂ dda marə kulaje kə̂ maji dang dang.

Titə 1:8

A maji karə n̂-gərə ngəm njê-mbaje ngaâ kəjə dda nɛ̂n kə̂ maji dɔrɔ â to məɛ̂ tə̂. Maji karə n̂-to dəw kə̂ dda nɛ̂n kə ddəwe, n̂-to gatə gatə, n̂-to dəw kə̂ ndiki nɛ̂n-yərəw ang ngaâ n̂-gərə ta tɔ bbo kə̂ da-rɔ tə̂.

Pilemɔn 1:7

Ngokɔnʼm, rɔm nəələm ngaâ minga singa mba ndiki kə̂ aw ndiki njê-mə-kunnje ngaâ ə-dda arə məde oso pɔn le.

Ebərəje 13:2

Maji karə məse oy ta taa njê-mbaje kə majɛ̂ rɔse tə̂ ang. Mba ddəw nɛ̂n-dda tə̂ kə̂ baann â, marə dəwje taaje anjəje kə rɔde tə̂, a n̂-gərəje to anjəje ang.