Luku 13:25 - Dɔnɔn kə̂ Siki: Tar kə̂ aw arə təbbə

²⁵ «Bbo nje-kəy in utu ta-kəy a, â naynje ddaka. Ngaâ bbo unnje kutu kunda ta-kəy ta pa nan: ‹Əbbə-dəwje, ɔru ta-kəy arəje!› A nâ kilase tə̂ nan: ‹M-gərə lo kə̂ inje tə̂ ang.›

Maketuru le Lubba ke tar kabba

²⁵ Bbo nje-key in taar utu ta-key a, a naynje ddaka, a bbo unnje kutu kunda ta-key ta pa na: Ebbejeje, ɔru ta-key areje! A na tel ke tar karese na: M-gere lo ke inje te ang.

Luku 13:25 Iomraidhean Croise

Matiye 25:41

«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa.

Luku 13:27

A nâ kilase tar tə̂ nan: ‹M-gərə lo kə̂ inje tə̂ ang. Ɔtuje mbɔrəm tə̂ kə ddang, sese tɔyn kə̂ ə-toje to njê-nɛ̂n-ddaje kə̂ gatə gatə ang.›

Luku 3:8

Arəje kula-ddase tɔju to ə-turuje məse mban, əwje rɔse ta pa nan: ‹Abaraham to kasese!› M-pa marəse, Lubba asə ta turu ərje nəənn karə təlje to ngann ka Abaraham.

Luku 6:46

«Mba ddi bba aw bbarəmje: Əbbə-dəwje, Əbbə-dəwje! A ə-ddaje nɛ̂n kə̂ maw pa marəse ang wa?

2 Kɔrɛntinyɛje 6:2

Mba Lubba pa nan: «Kar kə̂ maji asə a, m-dda nɛ̂n kə̂ ə-duju le. Ndɔ kaji dəwje asə a, m-ddee mumain.» Oo, kar kə̂ maji â nəənn. Oo, ndɔ kaji dəwje â nəənn.

Ebərəje 12:17

Ə-gərəje kə majɛ̂ to ndərəng a, Ejawu le ndiki karə bɔɛ̂je bbar tar kə̂ maji dɔɛ̂ tə̂, a bɔɛ̂je le mbətə. N̂-sangə tar kə̂ maji le kə maann-nɔn, a ninga ang, mba ninga ddəw ta dda karə bɔɛ̂je le turu ndue ang ngaa.