Luku 13:14 - Dɔnɔn kə̂ Siki: Tar kə̂ aw arə təbbə

¹⁴ A nje-kɔn dɔ kəy mbɔn-naan le rɔɛ̂ nəəle ang, mba Jeju aji dəw ndɔ-kuwa-rɔ tə̂. N̂-pa narə dəwje kə̂ banya le nan: «Ndɔ misan to mba dda nɛ̂n kula. Maji karə ə-ddeeje arə dajise mə ndɔje tə̂ənn bbo ə-ddeeje ndɔ-kuwa-rɔ tə̂ ang.»

Maketuru le Lubba ke tar kabba

¹⁴ A dew ke ɔn dɔ key-mbɔn̂-naa le rɔe nele ang, mba Jeju ɔru rɔ-to ke *ndɔ-kuwa-rɔ. Ngaa, n̂-pa nare dewje ke banya le na: « Jisi ke ndɔ misan ta dda ne kula. E-ddeeje are dɔre rɔ-toje lese me ndɔje teenn, bbo e-ddeeje ke *ndɔ-kuwa-rɔ ang.»

Luku 13:14 Iomraidhean Croise

Matiye 12:2

Parijinyɛje ooje baann a, n̂-paje darəje Jeju nan: «Oo, njê-njaje goi tə̂ aw ddaje nɛ̂n kə̂ Ndu mbətə karə dəw dda ndɔ-kuwa-rɔ tə̂.»

Marke 5:22

Marə nje-kɔn dɔ kəy mbɔn-naan lə Jiipije ddee tee. Koo kə̂ noo Jeju a, n̂-tee noso nɔn gɔlɛ̂ tə̂,

Luku 6:11

Wungu ɔn Njê-gərəje-Ndu kə Parijinyɛje le nya ngaâ daw dujuje naan se ddi â dâ kasəje ta dda kə Jeju le wa?

Luku 6:7

Kəm njê-gərəje-Ndu kə Parijinyɛje to kə dɔ Jeju tə̂ ta koo se nâ kaji dəw ndɔ-kuwa-rɔ tə̂ wa? Yeenn bba ta kinga nɛ̂n ddəw mba kunda nɛ̂n tar dɔɛ̂ tə̂.

Luku 8:41

Marə dingaw kə̂ ria nan Jayirus kə̂ to nje-kɔn dɔ kəy mbɔn-naan lə Jiipije ddee, n̂-tee noso nangə̂ nɔn gɔl Jeju tə̂, n̂-dda rɔɛ̂ to ndoo karə naw mə kəy tə̂ laa,

Kulaje 13:15

N̂-turaje makəturu-ndu kə makəturu lə njê-kilaje mbər tar lə Lubba a, njê-kɔnje dɔ kəy mbɔn-naan lə Jiipije le arə n̂-paje darəde nan: «Ngakɔnjeje, bbo eeje kə marə tar ta pa karə dəwje nəənn karə arəde singa a, ə-paje.»

Kulaje 18:17

Dede tɔyn duwaje Sostɛnn kə̂ to nje-kɔn dɔ kəy mbɔn-naan lə Jiipije le n̂-tundɛ̂je ta-kəy gangə sariya tə̂ le. A Galiyɔn aa lo kə tə̂ ang.

Kulaje 18:8

Krispus kə̂ to nje-kɔn dɔ kəy mbɔn-naan lə Jiipije unn məɛ̂ arə Əbbə-dəwje, ne de kə njê kə̂ kə̂y laa tɔyn. Marə dəwje kə̂ Kɔrɛntə nya ooje tar kə̂ Pɔl tɔju le. Dooje məde tə̂ ngaâ dingaje batɛm.

Rɔmɛnje 10:2

Tɔkɔrɔ, masə kɔru naji ləm, mba bbo dda kula lə Lubba to məde tə̂ nya njaa, a n̂-ddaje kula le ddəw nɛ̂n-gərə tə̂ ang.