Luku 13:11 - Dɔnɔn kə̂ Siki: Tar kə̂ aw arə təbbə

¹¹ Marə dɛnɛ̂n kə̂ ndil kə̂ maji ang tuju dəbbə rɔɛ̂ dda bbal dɔku gire jijoo ee mə kəy tə̂ənn. Ndil le uwɛ̂ dduke arə ninga ddəw ngaji ta ndɔju rɔɛ̂ ang.

Maketuru le Lubba ke tar kabba

¹¹ Mare dene ke ndil ke maji ang tuju debbe rɔe dda bbal dɔku gire jijoo ee me key teenn. Ndil le dduke are ninga ddew ngaji ta ndɔju rɔe ang.

Luku 13:11 Iomraidhean Croise

Matiye 4:23

Jeju nja nangə tə̂ kə̂ Galile tɔyn. Naw tɔju nɛ̂n dəwje mə kəy mbɔn-naanje tə̂ lə Jiipije kə̂ nangə tə̂ənn ngaâ nila mbər Tar kə̂ Maji kə̂ dɔ Bbe-kɔn tə̂ lə Lubba. Naji njê-rɔ-toje tɔyn ngaâ naji njê kə̂ dəbbə rɔde tuju narə rɔde le təl ddee maji.

Marke 9:21

Jeju duju bɔ ngonnje le nan: «Nɛ̂ɛnn aw ddɛɛ̂ dda ndɔ baânn ngaa wa?» Bɔɛ̂je le ila Jeju tə̂ nan: «Kə kasɛ̂ baa njaa.

Luku 13:12

Jeju ooe ngaâ bbarɛ̂ pa arɛ̂ nan: «Dɛnɛ̂n rɔi ddee maji ngaa.»

Luku 13:16

A dɛnɛ̂n nəənn kə̂ to ngonn lə Abaraham kə̂ Satan tɔɛ̂ bbal dɔku gire jijoo bbokənɛn nəənn, to maji ta tute ndɔ-kuwa-rɔ tə̂ ang wa?»

Luku 21:28

Bbo nɛ̂ɛnn unn kutu ta ddee a, arje njarara dɔ gɔlse tə̂ ta uwaje dɔse kə taar, mba ndɔ kɔruse mə bbərə tə̂ nayn ngɔsi ngaa.»

Luku 8:2

marə dɛnɛ̂nje kə̂ n̂-tubba ndilje kə̂ maji ang bba najide rɔ-to tə̂ ləde awje saa ddəm: Mari kə̂ daw bbarɛ̂ nan Magədala kə̂ Jeju tubba ndilje kə̂ maji ang siri rɔɛ̂ tə̂,

Luku 8:27

Jeju uru nangə̂ a, marə dingaw kə̂ ndilje kə̂ maji ang tokə banya isije məɛ̂ tə̂ tila kəmɛ̂. Ləw baa njaa dingaw le ula kubbu ang ddəm to kə̂y ang ddəm a horo dɔbarəje â naw to tə̂.

Luku 8:43

Marə dɛnɛ̂n kə̂ məsə aw ddee rɔɛ̂ tə̂ ləw baa asə bbal dɔku gire joo ee tə̂ənn. Dɛnɛ̂n le tuju nɛ̂nje laa tɔyn ji njê-karə-kumanje tə̂, a dəw kâra asə ta kajɛ̂ rɔ-to tə̂ laa le ang.

Kulaje 3:2

A dəwje awje kə marə dəw kə̂ duje to nje-gɔl-goto undɛ̂je ta-kəy-polo Lubba tə̂ kə̂ daw bbar nan «Ta-kəy kə̂ Kura.» Daw dundɛ̂ lo tə̂ənn kə ndɔ kə ndɔ karə n̂-kɔy nɛ̂n ji dəwje tə̂ kə̂ aw andəje kəy-polo Lubba tə̂ le.

Kulaje 4:22

Dəw kə̂ n̂-dda nɛ̂n-mɔri darə rɔɛ̂ ddee maji le bbalɛ̂ uta bbal dɔsɔ.