Luku 12:48 - Dɔnɔn kə̂ Siki: Tar kə̂ aw arə təbbə

⁴⁸ A nje-kula kə̂ nɛ̂n kə mə əbbeeje ndiki gərə ang le, bbo n̂-dda nɛ̂n kə̂ asə kunda a, dâ kundɛ̂ ngaji baa. Dəw kə̂ darɛ̂ nɛ̂n bo nya, dâ duju nɛ̂n bo nya jia tə̂. Dəw kə̂ dinya nɛ̂n jia tə̂ nya, dâ duje nɛ̂n nya tɔ.»

Maketuru le Lubba ke tar kabba

⁴⁸ A nje-kula ke gere ne ke me ebbeeje ndiki ang a dda ne ke ase kunda a da kundae ngaji baa. Da duju ne bo nya ji dew te ke dare ne ke bo nya ngaa dew ke dinya ne jia te nya a da duje ne nya.

Luku 12:48 Iomraidhean Croise

Matiye 13:12

Mba dəw kə̂ nɛ̂n laa to a, dâ kila marɛ̂ dɔɛ̂ tə̂ karɛ̂ karə nɛ̂n-kinga laa banya. A dəw kə̂ nɛ̂n laa goto le, nɛ̂n kə̂ jia tə̂ njaa kara dâ taa kə ddang.

Matiye 23:14

«To ndoo nya arəse, see njê-gərəje-Ndu kə see Parijinyɛje kə̂ ə-toje to njê-ngəmje. Ə-taaje nɛ̂n-kingaje lə dɛnɛ̂n-ndubbaje jide tə̂ tɔyn. A kar tə̂ənn njaa, aw dujuje Lubba arəje kure əw mba karə dəwje aajese. Mba yeenn bba sariya kə̂ dɔse tə̂ a ngəng nya.]

Luku 12:41

Piyɛr ilɛ̂ tə̂ nan: «Əbbə-dəwje, jeje â ə-pa gusu-tar nəənn mbaje wase dəwje tɔyn wa?»

Luku 12:49

«M-ddee ta kila puru dɔ nangə tə̂. A m-ndiki ta karə puru le ɔn njaa ngaa.

Luku 16:2

N̂-bbar nje-ngəm nɛ̂nje le ngaâ n̂-pa narɛ̂ nan: ‹Tar ddi â maw moo dɔi tə̂ nəənn wa? Ə-tura kɔr nɛ̂nje kə̂ aw ngəm le arə moo, mba â kasə ngəm nɛ̂n ləm ang ngaa.›

Tar kə̂ Maji kə̂ Jan dda makəturu tə̂ 15:22

Bbo m-ddee ang ngaâ m-pa tar marəde ang a, tar majang a to dɔde tə̂ ang. A bbasinɛn, nɛ̂n kə̂ dâ kunn kɔru nɛ̂n naji ləde goto ngaa.

Kulaje 17:30

Kar kə̂ dəwje gərəje tar kə̂ tɔkɔrɔ ang bbay le. Lubba oo to nɛ̂n ang. A bbasinɛn naw bbar dəwje tɔyn kə̂ isije loje tə̂ tɔyn karə n̂-turu məde.

1 Timɔte 1:11

Nɛ̂n-tɔju kə̂ tɔkɔrɔ le to mə Tar kə̂ Maji tə̂, Tar kə̂ Maji le arəje ddəw karə n-gərə Lubba kə̂ piti to laa. Lubba kə̂ ndiki ta karə jisi kə majɛ̂ le njaa inya Tar kə̂ Maji le jim tə̂.

1 Timɔte 1:13

A əman kə̂ ləw m-to nje-tuju ria, mula kəm dəwje laa ndoo tə̂, m-tajide le, Lubba oo kəm-to-ndoo ləm, mba moo məm tə̂ saa ang arə m-gərə dɔm nɛ̂n tə̂ kə̂ m-dda le ang.

1 Timɔte 6:20

Timɔte, maji karə ə-ngəm nɛ̂n kə̂ Lubba inya mə jii tə̂ le kə majɛ̂. Ə-mbətə bulaje kə̂ baa baa kə̂ aw tila kəm tar lə Lubba. Nɛ̂njeenn le inje ddəw nɛ̂n-gərə tə̂ kə̂ dəwje ooje to nɛ̂n-gərə kə̂ tɔkɔrɔ.

Titə 1:3

Karɛ̂ asə a, Lubba tee kə tar laa le kə ddaka ddəw tar tə̂ kə̂ n̂-pa narəm. Lubba kə̂ Nje-kajije le inya tar le mə jim tə̂ ngaâ nunn ndu narəm ta karə mila mbər tar le.

Jakə 3:1

Ngakɔnʼmje, maji karə dəwje tokə banya horose tə̂ ddeeje to njê-nɛ̂n-tɔjuje ang, mba ə-gərəje to sariya ləje jee njê-nɛ̂n-tɔjuje a ngəng kuta lə kəsə dəwje.